الحمد لله إستلمتها يوم الخميس
السلام عليكم جميعا أحبائى الكرام
بفضل الله ثم فضل هذا المنتدى وطبعا يتمثل فى أعضائه بردودهم السريعه والوافيه استلمتها أوتوماتيك يوم الخميس على الساعه 4 العصر كده وشيكت عليها
تانى والحمد لله تمام.
كل اللى حصل معايا كالأتى,
خدتها من عز العرب اللى فى السابع ورحت بيها على شغلى فى شيراتون وبعدين سافرت بيها طنطا بعد المغرب علطول عشان اعرف أمشى براحتى طبعا وتبقى مرتاحه فى التليين
العربيه عايزه تنط وتجرى وانا بفتكر وأقلل الضغط شويه , مثبت السرعه تمام والكهربا زى الفل بس لقيت زرار المرايا لما بحركه شمال أو تحت لازم أحمل شويه عن اليمين وفوق
مساعد الشنطه ساعات بسمع طقطقه كده فى الأول وانا برفع الشنطه وساعات لما برفعها للأخر بإيدى
الباب بتاع السواق لما بشده من المقبض اللى جوا عشان اقفله بسمع صوت تزييقه بلاستيك ودى مضايقانى اوى اليمين لأ
الباب اليمين بقا لما بيكون الإزاز نازل واجى اقفله بسمع صوت زى ما يكون الإزاز بيخبط فى حاجه يعنى شخشخة إزاز كده
صوت الموتور بيعلى شويه كده لما أدوس سنه جامد وعند ال 90 شويه بس ده لاحظته لما مونت تانى أصل انا مونت مرتين 92 فى المره التانيه حاسس انها تقلت شويه بس مش قادر ازود عن 90 طبعا
دى ملاحظاتى عليها لحد دلوقتى, الفرامل بصراحه زى الفل وانا مش عايز أحمل عليها عشان واحد صاحبى فى الشغل (وده معاه بى إم) قاللى متحملش على الفرامل خالص يعنى دوس على اد منتى محتاج وفعلا بتسعفنى وتمام
العفشه الحمد لله انا شايف انها ناعمه مش زى ما كنت متوقع من اللى فهمته من كلام الناس
الليله ختمت بإن الكلبس اليمين اللى ماسك الخيط اللى بيرفع الرف اتكسر معرفش إزاى, كان فى واحد جنبنا بيتفرج بعد ما روحت وفجاه برفع الشنطه لقيت الرف ممسوك من ناحيه واحده, الحمد لله انها جت على اد كده
لحد دلوقتى عامله حوالى 230 وانا فرحان بيها اوى رغم الحاجات اللى ضايقتنى دى بس أتمنى فى التوكيل كل ده يتظبط
رجائى منكم تقولولى رأيكم ايه فى المشاكل دى وايه فيها بيتحل فى التوكيل , انا مش عايز أحل فرش الباب من جوا بصراحه بس صوت الإزاز والأكتر منه تزييقة المقبض اللى فى الباب الشمال مضايقانى أوى غير كده عالطريق فعلا أسد وانا حاببها جدا
كمان ليا طلب تانى ياريت تقولولى محطات البنزبن المحترمه اللى مش بيغشو فين , أنا ساكن فى الشروق وشغلى فى شيراتون , ده ما يمنعش بردو انى اعرف لو فى اماكن تانيه فى مدينة نصر أو مصر الجديده عشان الظروف
أنا طولت اوى معلش
