الموضوع: الحمد لله ركبت تكييف

بسم الله الرحمن الرحيم
انا بقالي فتره كبيره عايز اركب تكييف في العربيه عشان الحر و الجو الجميل اللي احنا عايشين فيه و ده كمان انا من الاسكندريه اللي هي المفروض علي البحر و الجو جميل و كل الكلام اللي بيحسدونا عليه بتوع القاهره المهم انا ليا واحد صاحبي شغله في القاهره لقيته باعتلي صوره فيها اعلان بتاع شركه ساندن {SANDEN} بتركب تكييف عربيه يبدأ من 2000 جنيه اخدت الرقم و اتصلت بيهم الراجل قالي ابيزا 2001 هيتكلف 2700 جنيه بالتركيب و الشحن و معاه ضمان سنه و كل مكونات التكييف جديده بس الكمبرسور خليجي صناعه ياباني استعمال خارج قلت مش مشكله اركبه و اشوف ايه النظام المهم سافرت يوم الاربعاء و اول ما وصلت للراجل لقيته بيقول العربيه عندك هتحتاج قاعده مكيفه و رح اشتريها من الوكاله طبعا رحت اشتريت و لما جيت اركب اكتشفت انها مش بتاعتي و النصاب اللي باعلي القاعده مش عايز يرجعها المهم انا قلت للراجل اتصرف اعمل اي حاجه بس ركبها عشان امشي راح هو معدل القاعده بتاعتي و ركب اكمبرسور و عمل وصلات و ربط كله ببعض بعد كده رحت بالمترو التوفيقيه عشان اشتري سير 1450 5حاره كان تمنه 40 جنيه الحقيقه انا كنت متوقع انه يبقي اكتر من كده و رجعت ركبت السير و اخدت العربيه من عند الحداد اللي ركبلي و رجعت لبتاع التكييف علي حوالي الساعه 7 قالي سيبلي العربيه و بكره ان شاء الله هشتغل فيها من بدري و تكون كمان العربيه بارده اخدت نفسي و رحت عند جماعه اصحابي انام عندهم و تاني يوم رحت رجعت القاعده و اتنصب عليا في 100 جنيه من تمنها بس هقول الحمد لله و الناس اشتغلو في العربيه من الساعه 9ص و استلمتها الساعه 3م بس انا كان عندي مشكله ان انا عندي مروحه واحده بس و محتاج القميص اللي بيكون فيه مروحتين انا لفيت عليه ملقيتوش خالص قام الصنايعي مركبلي المروحه علي السربنتينه من قدام ناحيه وش العربيه و قال مش هتسخن بس انا هدور عليه و اجيبه افضل ليا انا و طبعا جربته و انا راجع علي الصحراوي و مش هقدر اقول اكتر من اني قبل ما اسافر اشتريت اكل عشان كنت بموت من الجوع اخدت الاكل و اكلت في العربيه بالرغم من ان المطعم مكيف و الحمد لله انا مقفلتش التكييف غير و انا تحت البيت كان بقاله 5 ساعات شغال الحمد لله انا راضي 100% عن التكييف السحب قل حاجه بسيطه جدا جدا جدا انا راجع علي الصحراوي اقصي سرعه جبتها 152كم/س بس استهلاك البنزين لسه مش حاسس بيه
و دي الصور بعد التركيب:-

المشاركة الأصلية كتبت بواسطة mahmoudayman

الله يبارك فيك يا باشا انا عربيتي 1000 سي سي
و هو غير العلبه اللي في التابلوه كلها

التكلفه 3000 جنيه و استلمت تكييف ياباني شغال 100 100