مساعدين دايو boge

**piezo** · 31-08-2013 01:48 PM

اسلام عليكم يا رجاله
انا امبارح كنت عند ابو الحسن كنت بغير جوز كبالن كامله يمين و شمال لان العربيه كانت بتترج يمين و شمال من عند السرعه 90 لغيت 140 و تروح المهم
وانا عند ابو الحسن لقيت مساعدين boge الالماني بس كان ماكتوب عليهم صنع في الارجنتين و بيقولي انهم غاز علي زيت فا قلت لي عمر الي شغال هناك ايه اخبارهم احسن من المنرو ولا لا لقيته بيقولي المنرو احسن ايه رائيكم في الكلام ده
انا اعرف ان المنرو اتحاد اروبي و البوجي الماني فا ايه الحوار و سعرهم امامي و خلفي 1000 جنيه بس هو كان جايب طقمين وريحين لي لواحد فا مقدرش افتحهم و ابوص عليهم غاز وزيت و لا زيت و اخبارهم ايه من نحية الصناعه فا ايه رايكم في الكلام ده

**hugan** · 31-08-2013 01:59 PM

البوجي
مساعدين لايعلي عليها من حوالي 15 سنه كانت موجوده في مصر واختفت
وكانت بتنزل في عربيات مرسيدس
وكان معايا عربيه فيات 25
اتشريت ليها مساعد استيراد وكان بوجي الماني
منهم لله الوكلاء اللي ما بيشتروش غير المضروب
لكن قصه ارجنتيني
مش هاقدر افيدك
ان كانت هاتبقي بجوده الالماني بتاعت زمان
انما المونرو الاوروبي انا مجربها في الشاهين
ممتازه
انضف حاجه حاليا ومضمونه

**Ahmed Nasser** · 31-08-2013 02:39 PM

البوجى مساعدين ممتازة جدااااااااا وبينزلو فى البى ام ومرسيدس
بس حتة الارجنتين دى تخلى الواحد يقلق بصراحة

**luckyman** · 01-09-2013 03:56 AM

انا عايز اغير مساعدين في اللانوس الخلفي ايه رايكم في مونرو زيت علي غاز اوبل فيكترا a لان لو قلت عايز مساعدين زيت علي غاز خلفي لانوس التوكيل ممكن يقولك مفيش بس اللي سمعته ان الاوبل فيكترا زيت علي غاز تركب علي اللانوس حد عنده فكره ؟ وشكراا مقدما