كنت فى توكيل منصور طنطا .. وده التقرير

النهارده كنت فى طنطا ... وقلت اعدى على توكيل منصور أشوف أسعار قطع الغيار إيه
ولو عجبتنى حاجه أجيبها ... انا كنت محتاج الحاجات دى :-
فلتر زيت ... فلتر بنزين ... طقم بوجيهات ... عوامه بنزين
اشتريت فقط ٢ فلتر زيت الواحد عامل ٢٦ جنيه بولندى وشكله محترم جدااا غير الكورى اللى بنركبه
اشتريت طقم بوجيهات جى ام أصلى وده اعتقد انه غالى كان عامل ١٧٠ جنيه

الحاجات دى انا بجيبها احتياطى لانى مش بلاقيها بره
لكن المفجأه لما سألته على عوامه البنزين قاللى ٨٠٠ جنيه !!!!! قلتله لأ يا أستاذ انا عاوز العوامه بس مش عاوز الطرمبه كامله
وكنت بتكلم جد والله ههههههههههه قاللى ما هو ده سعر العوامه بس يا فندم ... قلتله خليها زى ماهى

طيب فلتر البنزين ؟؟ قاللى ١٤٨ جنيه !!! قلتله لأ كفايه فلاتر الزيت والبوجيهات
يا ترى الاسعار دى كده مظبوطه ولا بيهرجوا ؟؟؟ لانى بسمع اسعار غير كده لفلتر البنزين والعوامه
تحياتى

هي كده التوكيلات اسعرها فوق الضعف عن المحلات الي بره

ارخص حاجه عندهم
فلتر الزيت =25ج من سنتين
غطا قربه ميه المساحات=20ج من سنه
باقي الاسعار خيال علمي !!!

اقتباس:

---

المشاركة الأصلية كتبت بواسطة فادى محمد

ارخص حاجه عندهم
فلتر الزيت =25ج من سنتين
غطا قربه ميه المساحات=20ج من سنه
باقي الاسعار خيال علمي !!!

---

خيااااااااااااااااال علمى فعلا ..
هو ده إحساسي بالضبط أول ما بأسمع أسعار التوكيلات :oh:
و كده كمان :eee:
:untitled 1: المصيبة إن نفس الحاجة بره أرخص

سياسة متخلفة بدل ما يرخص اسعاره ويستفاد بشريحة كبيرة من مالكي العربية. لا بيخوفك ويخليك تحرم تقوله سلام عليكم

العوامة استيراد ب80 جنيه
فلتر بنزين جديد ب30 جنيه

على فكرة يا اتش كان عندي مشكلة في مؤش البنزين كان مابينزلش تحت 20 لتر وغيرت العوامة بواحدة استيراد والدنيا بقت زي الفل

وطقم بوجيهات gm اتنين شمعة ب130 جنيه

ياباشا انا سالت قبل كده على طقم كستبانات لكورسا 2005 لما سمعت سعره عند منصور صعقت تخيل يقولى 2800 جنيه لامواخذه كنت حشتمه شتيمة وحشه حتى الراجل بتاع المبيعات استغرب جدا وقاللى انا اول مرة اشوف السعر ده
2800 ليه ياولاد التيت جبته استيراد ميه ميه وعامل 70 جنيه
وطلمبة البنزين قالولى 1700 جبتها ب 150 جنيه
ووش السلندر معدى 9 الاف جنيه لقيته استيراد فابريقة ب 1000 جنيه
منصور بيستعبط والله

اقتباس:

---

المشاركة الأصلية كتبت بواسطة hammad2010

ياباشا انا سالت قبل كده على طقم كستبانات لكورسا 2005 لما سمعت سعره عند منصور صعقت تخيل يقولى 2800 جنيه لامواخذه كنت حشتمه شتيمة وحشه حتى الراجل بتاع المبيعات استغرب جدا وقاللى انا اول مرة اشوف السعر ده
2800 ليه ياولاد التيت جبته استيراد ميه ميه وعامل 70 جنيه
وطلمبة البنزين قالولى 1700 جبتها ب 150 جنيه
ووش السلندر معدى 9 الاف جنيه لقيته استيراد فابريقة ب 1000 جنيه
منصور بيستعبط والله

---

ههههههههههههههههه والله فعلا احلى تهريج ... هو فلتر الزيت انضف وارخص حاجه هناك

اقتباس:

---

المشاركة الأصلية كتبت بواسطة maam

سياسة متخلفة بدل ما يرخص اسعاره ويستفاد بشريحة كبيرة من مالكي العربية. لا بيخوفك ويخليك تحرم تقوله سلام عليكم

العوامة استيراد ب80 جنيه
فلتر بنزين جديد ب30 جنيه

على فكرة يا اتش كان عندي مشكلة في مؤش البنزين كان مابينزلش تحت 20 لتر وغيرت العوامة بواحدة استيراد والدنيا بقت زي الفل

---

انا عندى العوامه كانت بتخرف ... جبت واحده استيراد طلعت بتخرف اكتر منها ... قلت اشوف الجديد وارجع الاستيراد دى
بس كده هاروح ارجعها واجيب غيرها استيراد بأمر الله

شوف البوردة مصدية ولا لأ وكمان ارفع دراع العوامة لفوق وسبها المفروض تنزل سلسلة لوحدها

انا اشتريتها والدراع مكانش بينزل سلسل ومحمود أوبل هو اللي نزل كلبسة بايده كدا فبقت سلسلة ، وكان الصنايعي بتاعه بيركبها وهو مش واخد باله من الموضوع ده
وقالي (محمود) لولا الحركة ديه كانت هاتخرف معاك باردوا

اقتباس:

---

المشاركة الأصلية كتبت بواسطة hammad2010

ياباشا انا سالت قبل كده على طقم كستبانات لكورسا 2005 لما سمعت سعره عند منصور صعقت تخيل يقولى 2800 جنيه لامواخذه كنت حشتمه شتيمة وحشه حتى الراجل بتاع المبيعات استغرب جدا وقاللى انا اول مرة اشوف السعر ده
2800 ليه ياولاد التيت جبته استيراد ميه ميه وعامل 70 جنيه
وطلمبة البنزين قالولى 1700 جبتها ب 150 جنيه
ووش السلندر معدى 9 الاف جنيه لقيته استيراد فابريقة ب 1000 جنيه
منصور بيستعبط والله

---

يا جماعة انتو راكبين عربية المانى يعنى قطع الغيار كلها اومعظمها من المانيا او اوروبا يعنى بتيجى باليورو يعنى هى سعرها كدة وبيجبوها بالسعر والسعر دة العادى بتاعها فى مصر ولا فى اى دولة العالم هى سعر واحد علشان كدة لازم تقدرو العربيات اللى انتو راكبنها الصناعة الالمانية لايعلى عليها وخصوصا الصناعات الميكانيكية ومنصور ما بيصتعبتش منصور عارف بيتعامل مع مين احنا اللى مش عارفين الله يكون فى عونك يا [منص] منصور يعنى اصل انا بقص [الكلا] الكلام يعنى ودة اسم الدلع بتاعه ههههههههههههههههههههههه

اقتباس:

---

المشاركة الأصلية كتبت بواسطة ayman hamdy

يا جماعة انتو راكبين عربية المانى يعنى قطع الغيار كلها اومعظمها من المانيا او اوروبا يعنى بتيجى باليورو يعنى هى سعرها كدة وبيجبوها بالسعر والسعر دة العادى بتاعها فى مصر ولا فى اى دولة العالم هى سعر واحد علشان كدة لازم تقدرو العربيات اللى انتو راكبنها الصناعة الالمانية لايعلى عليها وخصوصا الصناعات الميكانيكية ومنصور ما بيصتعبتش منصور عارف بيتعامل مع مين احنا اللى مش عارفين الله يكون فى عونك يا [منص] منصور يعنى اصل انا بقص [الكلا] الكلام يعنى ودة اسم الدلع بتاعه ههههههههههههههههههههههه

---

كلامك صح ... بس توكيل منصور بيبالغ فى الأسعار جدااا والدليل ان نفس الحاجه بره بسعر أقل
النهارده وانا مروح جبت فلتر بنزين فيبى ألمانى ب ٥٠ جنيه وكمان غالى شويه وتمن الفلتر فى التوكيل تقريبا ١٤٨
سألت نفس المحل على العوامه قاللى عندى الأصلى جى ام جديده ب ٣٠٠ جنيه وطبعا ممكن تفاصل معاه .. عند منصور ب ٨٠٠ جنيه
طاقم البوجيهات جى ام المانى بره التوكيل ب ١٢٠ جنيه ... عند منصور ب ١٧٠

تحياتى

مع احترامى لكلام حضرتك طبعا مفيش قطع غيار اصلية فى السوق المصرى صناعة المانى ١٠٠فى ال١٠٠ كله مضروب مفيش غير حاجات التوكيل هى اللى اصلية ودة اكيد وتحياتى للجميع

اقتباس:

---

المشاركة الأصلية كتبت بواسطة ayman hamdy

مع احترامى لكلام حضرتك طبعا مفيش قطع غيار اصلية فى السوق المصرى صناعة المانى ١٠٠فى ال١٠٠ كله مضروب مفيش غير حاجات التوكيل هى اللى اصلية ودة اكيد وتحياتى للجميع

---

لا يا أيمن مش كده خالص ... معاك ان فى صينى مكتوب ألمانى ... وألمانى درجه تالته وتانيه وهاى كوبى بس فى ألمانى أصلى
بليه الكاتينه الكندى جبتها وهى هى اللى خارجه من العربيه ... روح هاتها من التوكيل شوف هايقولك ايه
بكل المقاييس أسعار التوكيل مبالغ فيها

اقتباس:

---

المشاركة الأصلية كتبت بواسطة Hesham.H

لا يا أيمن مش كده خالص ... معاك ان فى صينى مكتوب ألمانى ... وألمانى درجه تالته وتانيه وهاى كوبى بس فى ألمانى أصلى
بليه الكاتينه الكندى جبتها وهى هى اللى خارجه من العربيه ... روح هاتها من التوكيل شوف هايقولك ايه
بكل المقاييس أسعار التوكيل مبالغ فيها

---

لو لقيت الاصلى زى ما انت بتقول هتلاقيه سعره قريب من التوكيل ومتنساش ان التوكيل لازم يبقى ازيد شوية من السوق لان حاجاته متوفرة على طول وفى اى وقت ولو ملقتش اللى انت عايزه بيطلبوه ويقولك فى خلال كم يوم هيجى وكمان حاجته مضمونة انها اصلية غير الناس التانية ممكن متلاقيش اللى انت عايزه عندهم وحلنى بقى على ما يجبوه دة ان عرفو يجبوه اصلا وىا عالم هيكون السعر الزاى الخلاصة هل التوكيل مش عارف ان فيه منافسين له فى قطع الغيار طبعا عارف ولو هو مغلى اكتر من الازم هيراجع اسعاره ولكن هى دى الاسعار اللى بيشترى هو بيها وهما واثقين من دة وطبعا فى شركات لها طرقها فى التجارة والاسيراد وممكن تجيب بسعر اقل بس بردو مش هيبقى الفرق كبير
وتحياتى لك يا هتش :Oc_sun1[1]::Oc_sun1[1]: