الموضوع: لوحة العدادات فصلت - كروز 2011

عرفنا حل المشكلة ... وطلع الموضوع إن لوحة العدادات باااااااااااااااااااااااظ ت

عملت موضوع عن بدء عملية الصيانة والتعامل مع مركز صيانة Masters Auto Service
بحكي فيه عن بداية رحلة إصلاح مشكلة العدادات

http://www.nilemotors.net/Nile/37647...post3875162805

المشاركة الأصلية كتبت بواسطة mido

طب بما ان حضرتك واثق في المكان هو فين بالظبط؟ ممكن تسأله لو حد جاب الدركسيون اللي فيه زراير الكروز كنترول هو يعرف يركب الدركسيون و يزبط السوفتوير؟

أنا رحت مركز صيانة تاني Masters Auto Service وسألت م. محمد طناني فعلاُ عن الموضوع ده يا ميدو، وقالي إن الدريكسيون دا بيركب فعلاً وموضوع مش صعب لكن لازم يتلعب في الضفيرة، والمشاكل من وراه بعد كدة كتير، ونصح بعدم تركيبه، رغم إن أنا واحد من الناس عايز أركبه جداً ومحتار بردو
وعن طريقه عرفت حد في مدينة نصر بتاع قطع غيار إستيراد، وهو دا إللي إشتريت منه لوحة العدادات، ومحتاج اعمل زيارة للمحل دا لأني ملحقتش أتفرج نتيجة السرعة عشان أخلص وأرجع أركب اللوحة الجديدة
المحل دا عنده من الإبرة للصاروخ في العربية، ومساحته ضخمة جداً، أعتقد هيستهويك يا ميدو الموضوع بما غنك زميل كروز :)
وياريت لو فكرت في زيارة للمحل دا تقولي، عشان نعملها مع بعض عشان مش بعرف اتفرج على حاجات زي كدة لوحدي، التفكير الثنائي أعتقد بيبقى أفضل من إنك تتفرج مع نفسك
ولو ممكن تكلمني ونتفاهم في التليفون يبقى أفضل
تليفوني هبعتهولك على الخاص

المشاركة الأصلية كتبت بواسطة mido

ما لو حد لعب فى العربية و بطلت تدور اصلا..هتروح برضه التوكيل و هتبيع العربية عشان تدفع تمن تصليحها :)

حبيت أبعتلك رسالة على الخاص بس مانفعش عشان مليان
إبعتلي رسالة على الخاص فيها تليفونك وأنا هتصل بيك

المشاركة الأصلية كتبت بواسطة Hooba17

عرفنا حل المشكلة ... وطلع الموضوع إن لوحة العدادات باااااااااااااااااااااااظ ت

أولاً الحمد لله يا باشا ثانياً مبروك عليك العدادات الجديدة و إن شاء الله تبقى آخر مشكلة في الجميلة كروز

المشاركة الأصلية كتبت بواسطة hamakabad

انا ليا سؤالين ..
اولا: فين مكان المحل دة و اسمة اية بالظبط
ثانيا: هل ممكن الاقي دي في دي كروز يركب عالهاي لاين و يشغل وظائف شاشة البيانات زي اللي في التوب لاين و اتحكم في اوبشن العربية منة ؟؟

أولاً: المركز في المعادي
Masters Auto Service
27 ش 105 المعادي
الشارع الواصل بين ميدان الحرية وميدان الإتحاد
قبل ميدان الإتحاد بحوالي 150 متر
ثانياً: أنا مركب دي في دي من سنتين وفيه كل إللي إنت عايزه
مشغل إسطوانات بكل أنواعها - كارت ميموري - يو إس بي أي بود - بلوتوث كاميرا خلفية - جي بي إس - عرض بيانات التكييف - عرض درجة الحرارة الخارجية - وباقي وظائف الشاشة البيانات الأساسية
وأي استفسار عنه أنا تحت أمرك في أي وقت

المشاركة الأصلية كتبت بواسطة haitham basha

أولاً الحمد لله يا باشا ثانياً مبروك عليك العدادات الجديدة و إن شاء الله تبقى آخر مشكلة في الجميلة كروز :oc_sun1[1]:

للأسف ... المشكلة مش من لوحة العدادات
الجديدة بردو فصلت زيها زي القديمة