لوحة العدادات فصلت - كروز 2011
السلام عليكم ورحمة الله وبركاته
الإخوة الأعزاء
هعرض عليكم مشكلة حصلت معايا أول امبارح
لو حد يعرف، ياريت يفيدني، عربيتي كروز 2011
كنت ماشي بالعربية وفجأة التكييف فصل تماماً، ولا حتى المروحة شغالة، أدوس على أي زرار مافيش استجابة خالص، يعني فصل كهربا تماماً
مع العلم إن من 4 أيام التكييف فصل بردو خالص، بس فصل تبريد والكمبريسور مش بيلقط، لكن المراوح كانت شغالة، وتاني يوم مع نفسه رجع شغال عادي خالص قبل ما يفصل المرادي خالص هو ولوحة العدادات
أما لوحة العدادات وقفت كأنها هنجت (مرفق الصورة) وشاشة التريب كمبيوتر فصلت تماماً
طبعاً العدادات وقفت على نفس الوضع إللي أنا كنت عليه ساعتها وأنا ماشي
(السرعة - الأر بي إم - الحرارة - البنزين) كله واقف على نفس الوضع لحظتها
مع العلم إني رحت أول إمبارح مركز الصيانة إللي بتعامل معاه وقاللي عايزة تغيير سوفتوير وهجيبلك السوفت وير الجديد وانزلهولك يوم الأحد أو الأثنين
ما رأيكم دام فضلكم؟؟
ملحوظة: مش عارف أرفع الصور، لو حد يعرف يقوللي