يا جماعة انا جبت صورة من كاتلوج عربيتى بخصوص الزيت بس مش فاهم منها حاجة
ممكن حد يقولى ال3 اسهم دول بيدلو على اية
واية انسب نوع من شل اللى مناسب وفقا للكاتلوج
ودى الارقام الى مكتوبة على الاسهم
الاول 20w-40 20w-50
الثانى 10w-30 10w_40 10w-50
الثالت sw-30 sw-40
http://img835.imageshack.us/img835/4475/6u4c.jpg
-هو بيديك الRange بتاع درجات الحرارة في المنطقة اللي أنت عايش فيها و على أساسها تختار اللزوجة
-في مصر الجو حر بنستخدم ..5W40 synthetic و فية 5W50 و 0W50 و هكذا لزوجته 40 لما يسخن و ال 5 وهو بارد احنا مش محتاجين قوي 5 و ال 0 دي عشان البرد عندنا مش جامد قوي بس عشان معظم ال synthetic بيكون 0 أو 5
الصورة صغيرة أووووووووووووي, ومحدش هيعرف يقرأ لك ال Chart دي
وهيا بتتكلم عن لزوجة الزيت عموماً اللي الشركة بتنصح بيها لموتور عربيتك,
المجمل بتاعها إن كل ما الحرارة بتاعت البلد اللي العربية هتمشي فيه تزيد, هتستعمل زيت لزوجته أعلي,
وكل ما الحرارة تقل, هتستعمل زيت لزوجته أخف عشان ميبقاش تقيل علي الماتور وميغيبش الماتور في الدوران والتزييت ويدور من أول تكة.
يعني لو هتقارن زيت 10w40 قدام 5w30
هيبقي عندك ال 5w30 أفضل في الشتاء ودرجة الحرارة المنخفضة اللي هيشتغل فيها الماتور,
لأنو هيسخن بسرعة ويحافظ علي درجة حرارة تشغيل الموتور, ويدخل بين خلوصات الموتور بسهولة,
وهيبقي غلط أنك تحطة في الصيف,, لأنه هيتحرق بسرعة أعلي من الزيت الأتقل,
وهيبقي عندك10w40أحسن في الصيف, لأنه بيتحمل درجة الحرارة, ولزوجتة مش عالية أوي علي الموتور بأنها تأذية لو الكتالوج كاتبة في ال chart بتاعة درجات حرارة التشغيل.
use 20w50