الصراع القادم بين الكورولا والاسترا

**janagabr** · 31-08-2013 04:37 PM

سيشهد السوق المصري الفترة القادمة تنافس حقيقي بين التويوتا كورولا وبين الاوبل استر وخصوصا انهم في نفس السعر 173000 و 185000 تقريبا
يعني مش هتندم لما تدفع المبلغ ده في العربية لانك هتاخد بيها عربية محترمة
وهتخرج من المعادلة باقي العربيات اللي ممكن نعتبرها كمالة للسوق

تويوتا كورولا
الماتور
ماتور 1600 CC
4 سلندر , DOHC with DUAL VVT-I
يخرج 122 حصان , بعزم 154
نظام الوقود Electronic Fuel Injection
الفتيس Automatic CVT
الشاسية
نظام التعليق الامامي MacPherson Struts
نظام التعليق الخلفي Torsion beam
نظام الفرامل ABS With Electronic Brake Assist
سعة التانك 55 لتر
الكاوتش 205/55R16
نصف قطر الدوران 5.4 متر
الارتفاع عن الارض 12.5 سم

اوبل استرا
الماتور
ماتور 1600 CC
4 سلندر , ECOTECH
يخرج 115 حصان , بعزم 155
10.8 = Compression Ratio
نظام الفرامل ABS With Electronic Stability Program ESP
سعة التانك 56 لتر
الكاوتش 205/60R16 - 215/50R17

وهيكون الفاصل في العربيتان هو مدي قدرة التوكيل علي صيانة العربية باحتراف ومدي توافر قطع الغيار
مع مراعاه ان في ناس زي حالاتي متفرقش معاها صيانة التوكيل في حاجة لانها بتعمل كل حاجة بنفسها او عند ناس حبايبها , مش محتاجين غير توفير قطع غيار بس
لان لن يكون هناك عيوب جوهرية في العربيتان

ويدخل عامل محبي وعشاق الاسترا في تنافس مع محبي وعشاق الكورولا
فهل ينتصر الماكينات الالمانية ام ينتصر الساموراي الياباني
انها التكنولوجيا الالماني ضد التحمل الياباني
انها الثبات الالماني ضد التكيف الياباني
انها ....... الالماني ضد ......... الياباني
فلتصمت الافواه وتشد القامات وترفع القباعات احتراما لهذا التنافس المتكافأ

الموضوع زي بالضبط ماتش امبارح بين تشيلسي * بايرن ميونخ في كاس السوبر الاوروبي اللي انتهي بفوز البايرن بضربات الترجيح بعد اللعب شوطين اضافيين
الفريقين لعبوا بطريقة قوية ورائعة فلا يمكن ان نقول ان البايرن فاز لانه الافضل ولا تشيلسي خسر لانه سئ بل الفريقين يستاهلوا الفوز لكن لابد من وجود فائز واحد

**toty_305** · 31-08-2013 04:50 PM

-هو بجد 12.5 ارتفاع كورولا عن الأرض ! دي منخفضة جدا على الأرض

-ده أناعندي 14.7 و مع التحميل بتحك !

-الأوبل gm صح ؟ و مش كلها ألماني 100% لو قارنتها مع ألماني 100% مش هتشوف حاجة أسمها كورولا أو مع vw

**محمد محمد** · 31-08-2013 05:00 PM

الكورولا نازل فيها نظام ثبات الكتروني vsc

**2CODE** · 31-08-2013 05:05 PM

المشاركة الأصلية كتبت بواسطة toty_305

-هو بجد 12.5 ارتفاع كورولا عن الأرض ! دي منخفضة جدا على الأرض

-ده أناعندي 14.7 و مع التحميل بتحك !

-الأوبل gm صح ؟ و مش كلها ألماني 100% لو قارنتها مع ألماني 100% مش هتشوف حاجة أسمها كورولا أو مع vw

كلام سليم 100%
صحيح الاوبل دلوقتي مش الماني (في الاصل الماني) لكن دلوقتي مع General Motors المالكة لشيفرولية .... الخ

يعني العربية كانت الماني زمان دلوقتي خلاص حاجات بسيطة منها الماني والتصنيع كله خارج المانيا للاوبل !!!!!!!!

طبعاً لو قارنت الكورولا مع حتى اقل فئة في الالماني الحقيقي (اللي هي الفولكس) الكورولا مش هتقف قدام الفولكس نهائي
انما المقارنة دلوقتي عادلة "تقريباً" مع الاوبل خصوصاً بعد ما الاوبل بقيت مع جنرال موتوز يعني اوربية وبالاخص انجليزية لشركة فوكسهول وامريكية مع جنرال موتورز

**mezo73** · 31-08-2013 05:17 PM

اخي الفاضل
انا لسة يوم الخميس بالصدفة اتفرجت علي الكورولا وللاسف انا مش عارف حضرتك بتمتدحها وتقارنها بالاوبل
بس احب اقول اني ماشوفتش اي ميزة في الكورولا بالعكس صاج ضعيف شكلها مسروق من الهوندا وخامات داخلية في منتهي الرخص
بالاضافة ان العربية متقفله في تركيا
فعن اي مقارنة وتكافؤ تتحدث
للاسف مازل السوق في مصر يتمتع بنظرية البيجو 504
الزميل العزيز لو ذهبت وشاهدت الفرق بين البلاستيك والجلد الطبيعي لعرفت الفرق الواضح وضوح الشمس
وللمصادفة في نفس اليوم احد اصدقائي عاوز يتفرج علي سوبارو اكس في
فشاهدت الامبريزا والتي بمقاييس فريدة وخامات ممتازة ودفع رباعي
وسوف يخسر من لايشتري هذة السيارة لان سعر الهاي لاين 185 فهي بحق تستحق المقارنة مع الاوروبي وخاب من فكر بشراء كوري او كرولا في نفس الفئة
وان شاء الله سوف اقوم بعمل تقرير عن الامبريزا التي والله اشهد شهادة حق فيها بانها لوتمت بينها مقارنة وبين الكورولا فسوف يكون الشرف للكورولا ان يذكر انة تمت مقارنتها بالامبريزا
وعلي فكرة انا لا امتلك تويوتا ولا سوبارو انا مابركبش غير اوروبي يعني
زمان كان معايا توب الماني . واسكودا فيفوريت. وفيات تمبرا . واسكودا اوكتافيا . وبي ام دبليو 2011
باختصار الكورولا الجديدة لا تستحق الاحترام فهي مجرد مسخ

**moh19227** · 01-09-2013 09:46 PM

رايى الاوروبى فخامه واناقة متتقارنش
بس الكورولا فيها مميزات كتير واعتقد انها الافضل ف بلدنا هذا -- مصر -- :)

**M_Marwan** · 01-09-2013 10:30 PM

يا رجاله اعتماديه تويوتا مفيهاش كلام الأوبل تمام عربيه محترمه على عينى وراسى

بس منصور ده منه لله ولا بيفهموا فى حاجه على عكس توكيل تويوتا محترم

اهم حاجه دلوقتى فى بلدنا هى الصيانه والوكيل وقطع الغيار والأعتماديه ودى حط تحتها 100 خط

**abdulkhaleq** · 01-09-2013 11:47 PM

اعتقد ان المقارنه مش هتنفع بالعوامل دي بس
عشان سواقة دي حاجه وسواقة دي حاجه تانيه
متأسف بس الأوبل تكسب :)

**Honda_lover** · 02-09-2013 12:40 AM

معلش حاول تقارن التويوتا بالستروين السي 4 اللي هي اقل منها فالفئة السعرية 170 الف مقابل 185 الف وقولي مين اللي هيكسب مع احترامي ليك الاوروبي اوربي.

**drramy** · 02-09-2013 01:47 AM

مع كامل احترامى للجميع لى نظرية والعكس بتعها بينا نحن المصريين واى بلد محترمة اخرى وهى :
....*السيارة فى الخارج او فى اى بلد محترمة وسيلة وليست غاية .
....*السيارة فى مصر غاية وليست وسيلة
بمعنى ان اللى بيشترى عربية فى مصر اهم حاجة عاندة انتشار العربية .الصيانة سهلة .قطع الغيار متوفرة .سعر اعادة البيع ودى حط تحتها 100 خط .
انما برة طبعا العربيات رخيصة والكلام دة ما يشغلهمش نهائيا فتكون النتيجة كاتى :
لو انا برة مصر هختار الاوبل
لو انا جوة مصر هختار التويوتا طبعااااااا

الموضوع: الصراع القادم بين الكورولا والاسترا

LinkBack

أدوات الموضوع

عرض

-

-

-

-

-

-

المواضيع المتشابهه

ساعدني فالاختيار بين الكورولا والاسترا

مقارنة بين الكورسا 2006 والاسترا 2005

حل لمشكله الفيكترا والاسترا 1600 ايكوتيك

نزول سعر الفيكترا والاسترا 2008

اصعب مقارنة سيفيك والاسترا

الكلمات الدلالية لهذا الموضوع

المفضلات

المفضلات

ضوابط المشاركة