الموضوع: تجربة فاشلة : مع عصير ابو عبد الدمشقي في ٦ اكتوبر

يعنى انت فى الموضوع حاطط صور الفخفخينة بكل انواعها و حاطط صور اوباما و بوتين .......... و مش حاطط صور البنتين !!!!!

حرام عليك احنا اخواتك برضه :)))))))))))

المشاركة الأصلية كتبت بواسطة ahmed air

فى مصر والامارات لمه بيقرأو موضوع زى ده بيضحكو عادى مافيش اى مشكله

إذا كان كدا مفيش مانع ... ( ) ( )
أي خدمة ..

المشاركة الأصلية كتبت بواسطة Y a r i s

حبيب قلبي انا عاوزك تشرب. كوباية عصير اللمون بالنعناع دي
وهديلي بالك شوية

بص ياعزيزي انتا معاك حق ... وهو ده الي انا استغربلتوا
ان ازاي في لحظه غيرت موقفي وسكت اول ماشفت الجمال الرباني الي برموشوا عماني. وخلاني في عالم تاني ... احياناً الانسان بيتصرف تصرفات. انا باعتبرها لحظة من لحظات. الغير منطقية وبنحاول اننا نضع لمثل هذه التصرفات اي مبررات. ... لكن انا قلت. كده او كده كنت هدفع ده لاسباب كتيرة بداخل نفس يعقوب بس هقولها :

١- اولاً دول لاجئين في بلدنا ويحتاجوا الى مصدر دخل ثابت. لهم. ... المصري لو افتقر ممكن يتصرف ... بس الغريب هيعمل ايه. والظروف هيا خليتوا يلتجء الى بلد فقيرة وتعبانه ومع ذلك قال هروح استرزق هناك فبنساعدوا زي تمام لمن بنساعد المصريين ماياما اصحابي فتحوا مطاعم. وكان اكلهم زي الزفت. ( حاشا نعمة رب العالمين ) بس كنت. باخود المدام والعيال ننفعوا باي قرشين ونديلوا زي زقه كده ودفعه للامام ... وياما. برضوا ناس كتير فتحوا محلات ملابس وبنروح واحنا مش محتاجين والحمد الله بنروح ننفعهم. باي حاجة انشالله شربات وفساتين. . والي يدحكك انك رايح تنفعوا وكاني بقولوا الف مبروك وانا اول زبون عندك وهو اول ما يشوفك يفرح ويحرج ويحلف. تلاتين يمين طلاق اني مش هدفع حاجة وانا اقولوا ياعمي خود وهو يقولي ابداااااً واللهي لايمكن ... فبدل ما بنفعوا رحت اخسروا .

٢- في الشرع والدين وجبت الصدقة الى ابن السبيل والمهاجر والاجئ الخ الخ ... فما بالك بلاجئ لايريد ان يثقل عليك. بقرش او بمليم. وجه فتح نشاط يسترزق منو لذلك بنفعوا وبنفع غيروا. باي حاجة .

٣- اهمية وجود العنصر الاجنبي في مصر ... دي لو عاوز اكلمك عنها هئلفلك كتاااب. بس تتلخص في ان الشعب المصري شعب مغلق على نفسه لايرى احد في الكون سوى نفسه ... اصاب البلد حالة من التدهور والانتكاسات ... لا يوجد دافع او امل في الحياة مما ئثر على الشغل والعمل اصبح تحصيل حاصل (( فالعامل بيقول : اشتغلت مشتغلتش مش فارقه )) ... لكن لمن. يكون في عنصر اجنبي في وسط المصرين بتلاقي المصري يتنشط ويبتدي يهتم. ويحسن من نفسوا ويطور منها. وهو ده المطلوب اثباتوا ... تماماً زي ما تكون شركة محتكرة السوق تبتدي تبلطج على الزباين والعملاء اول ما يكون ليها منافسين تبتدي سياسة هتبوس ايد العملاء انهم يرجعولها. بعد ماكان العملاء بيبوسوا ايديها انها تحسن خدمتها وتقلهم مش هاحسن ومش عاجبك روح اشرب من البحر ... لكن وجود. الاجنبي سواء اكان سوري فلسطيني فلبيني. صيني سوداني من حيث العمالة او وجود مستثمرين حتى اجانب في مصر بينافسوا. بيخلوا. السوق فيه حركة من الرواج وكلوا لصالح المستهلك ..... الخ الخ الخ .

٤- السورين انقذوا مصر في لحظة عصيبة ... بعد ثورة ٢٥ يناير حال البلد وقف وسوق العقارات يعتبر ماااات لكن عند نزوح اعداد كبيرة لمصر على مستوى الجمهورية ومعاهم فلوسهم ... فده خلى الشقق. بدل ماهي فاضيه بتهش وتنش لا شغلوها وابتدوا يدفعوا ايجارات مما ادى الى انتعاش السوق العقاري حتى المحلات الي كتير من المصريين بعد ثورة يناير فلسوا وقفلوا محلاتهم جم السورين شغلوها وانتا عارف لمن واحد بيشتغل في السوق اكييييد هيشغل ملاين حوليه (( من اول مستلزمات التغليف لمستلزمات المطاعم للمحلات لي لي لي ...)) القصد انهم انقذونا في لحظة الركود وسدو فراغ شاسع. بالذات بعد هروب الاخوة الخليجين من مصر وقلت حركة السياح الى البلد . ( واصبح مصائب قومٌ عند قومٍ فوائدووو ) .

٥- ظهور دم جديد في السوق وبضائع لم يكونوا المصريين يسمعون عنها شيء. سوى في الافلام .

٦- انكشاف فقاعة او البلونة الزائف لغلاء الاسعار ( ليه ) ده موضوع يطول شرحوا يكفي اني اقولك. المنتج المصري بتلاقيه بتلات قروش ومش قد كده ويجي واحد غريب عن البلد وبيدفع ايجارات ضعف اضعاف المصري وبيبع بقرش بمنتج رائع وبيكسب وبيسدد ايجاراتوا كاملة. يبقى هنا المفروض نوقف ونراجع نفسينا فين الخلل .

طيب كل دي اسباب واكترر من كده لا متسع عندي من الوقت.لذكرها بتخليني اقول ممتاز ان في منتج انجنبي في مصب وممتاز ان في مستثمر اجنبي في مصر. وممتاز ان في حركة في السوق في مصر ولازم نشجع وجودهم. دول زي دول الخليج لم تتطور ولم تتقدم الا بتوافد الاجانب عليها ... امريكا بذات نفسها لم تكون اكبر قوة في العالم الا بعد ان امتصت افكار وادمغة العمالة الاجنبية لها ... وزي ما ذكرت العمالة بتتعدي من بعضها فالمصري ابتدى يتنشط ويصح صح كده في شغلوا والاجنبي كمان اتعدى وأبتدى يتيس في شغلوا .

@@@@@@ المهم @@@@@@

انا الموضوع السابق عملت للراجل ده دعاية وناس كتير بتثق في كلامي ... يبقى شكلي ايه قدامهم لمن يروحوا. ويلاقيوا المنتج معيوب !!

صحيح زي ما ذكرت في الاسباب الي فوق ان يهمني انفعوا بس كمان مش على حساب ناس وثقوا في كلامي... انا حابب اشجع. الناس والمحلات الحلوة سواء اكانوا سورين او مصرريين لكن لمن يكونوا كويسين ..

اما حتت اتنين جنية الي دفعتهم تيبس اهو دي الحاجة الي مجنناني بجد انا كمان. وحرقاني واللهي جداااااً ... ازاي وازاي ادفع اتنين جنيه تيبس في منتج سيء ومش هكدب عليك نفسي اروحلوا واقول للواد هات الاتنين جنيه التيبس بتاعي الي دفعتهوملك. ولو عصلج الواد معايا اجبلوا جوز. بلطجية ونقلعوا ونعلقوا من رجليه. قدام المحل مليش دعوه انا عاوز الاتنين جنية بتاعتي ههههههههههههههه

انا معاك انك مش قصدك كده لكن. حضرتك قصدك ازاي نكافئ واحد منتجوا سيئ. ... والاجابة بمنتهى البساطة ان الواد الي بيحاسب. واد غلبان مرتبوا ميجيش ربع مرتب الشيف ... وتكفيني ابتسامتوا وزوقوا. صوتوا الواطي اني اديلوا تيبس ... بخلاف الناس الي عندنا تلاقيه مكشر وبيجعررر ومبوز في وشك وهو بيقولك اي خدمة ياباشاااااا .

وعلى فكرة. قبل كده برضو شكرة في مطعام كتير في سته اكتوبر لكن اكتشفت. اهمال في منتجاتهم فبتديت زي ما شكرت. زي. ماهجمت .

بالنسبة للاقتباسين. الي فوق. كانوا معليش تقال حبتين او شويتين على قلبي... رغم. اني مش زعلان منك. ابداً او اطلاقاً وبتاتاً وابسلوتلي ... احنا بنتناقش بندردش ... يعني ممكن نتناقش ونفتح مواضيع ممكن تلومني اني بصبصت. ... بس انا بقولك انا كنت ببوص بس مش كنت بصبص فانتا تقول اهو احنا كده هوده مستوانا بصبصة وتخلف الشعوب ومصر والحكومة وسنغفورة ههههه ( ئالله يعني. لاعصير ولا اناناس ولا كيوي والشوكلاته جيالي سوخنه وكمان مابيصش ) لا كده بجد حرام وافترى بصراحة ههههههه

@@@@@@@
وتحياتي ياعزيزي

أنا آسف لو كلامي كان تقيل حبتين ... حتى لو حبة وحدة .. بس برضو إنتا بصبصت ليه بدون ماتصورلنا هههههههههه
صدقني ... مكنش موجه للموقف دا ولا لحضرتك تحديدًا .. بتكلم عمومًا عن كل حاجة من دي بنتجاهلها لأي سبب
أنا نزلت البلد من فترة
وكنت ببني وجبت سباكين عاملولي شغل زي الزفت .. طبعًا مرضيتش أدفع ولا مليم إلا لما أجيب شركة تقيم شغلهم .. وطبعًا المبلغ المتفق عليه إتخصم منه حوالي 60% وبرضو مدفعتهمش والله مابخل المبلغ بالنسبالي كان تافه لكن إستفزني كل شيء عملوه
من بداية دخلتهم وطلبات وكل شوية رايحين جايين وكل شوية مشوار ومشاريب ووجبات وبيشتروا من معارفهم وعاملين رباطية عليا
وفاكرين نفسهم هيغلبوني
إديتهم اللي الشركة قررته إن المستحق وحصلت مشكلة كبيرة وبرضو ماطلوش مني أي جنية زيادة
جالي واحد منهم قالي أنا بنتي مريضة ومش قاصدك عشان فلوس مش عايز فلوسك أنا عايز تسفرني أشتغل برا البلد دي وهديك اللي إنتا عايزه قلتله هتطلع سباك ؟ قال آه
قلتله بتعرف إيه غير السباكة ؟ قالي والله دي مهنتي وبشتغل نقاش وهوريك شغل يعجبك
قلتله طيب أنا مش هشوف شغلك اللي هيعجبني هجيبلك فيزة بس لو طلع شغلك زي دا هتدفع تمنها وهترجع تاني قالي أنا بس عايز فرصة
جه السعودية وبدأ يشتغل وخلال 3 سنين بس بيمسك شغل ديكور وسباكة لمشاريع فيها مجموعات فلل في بلوكات من كتر نضافة شغله
إيه اللي يخلي دا فمصر كدا وشغل عصابات ولما طلع برا عمل شغل عالي ؟ مع إن سعره مناسب جدًا للزباين ومع إنه فالسعودية ممكن جدًا يضحك على الزبون ويشتغل بنفس الطريقة

طالما هنكون مع الناس دي بنتعاطف معاهم عمرهم وعمرنا ماهنتقدم وهيفضلوا ماشيين بالعطف والشفقة
هما الأساس وإحنا علينا واجب قوي هيخلي الناس تشتغل لو مسبناش أي فرصة تعدي بدون مانحاول نصحح
أنا وإنتا وكل إنسان خايف على بلده قرأ الموضوع دا أو غيره فيه غش أو أي نوع من الفساد ممكن ببساطة يكون له دور لو عرفنا نتعامل معاه كلنا

السوريين في السعودية من أمهر العمالة ومحدش هنا ممكن يتعاطف معاه ولا حتى نفسية السوري بتقبل حاجة كدا ناس عندهم كرامة بشكل لاتتخيله .. ممكن نسأله عن ظروف بلده ونتناقش معاه ( شيء معنوي )
أما الفلسطينيين أنا عمري ماشوفت سباك أو عامل في مطعم فلسطيني ..معظمهم مقاولين مهندسين مدرسين أطباء مسوقين أو في محلات الإلكترونيات
صدقني يا أخي العزيز إحنا المصريين برا لنا سمعة كويسة جدًا ولما بنحط هدف بنوصله
مع إن فيه جزء كبير من العمالة في الآونة الأخيرة شوه سمعتنا بطريقته اللي إتعود عليها فتراجع الطلب على العامل المصري يعني فوق إن مرتبه ضعيف تراجع الطلب عليه بسبب عدم كفاءته
إيه السبب ؟ ليه العامل المصري أقل مرتب من غيره وأقل كفاءة من غيره ؟
ليه العمالة المصرية ( بقصد أصحاب الحرف ) بالذات عيشته وحشة وفقير وتلقيه مبهدل فلبسه وسكنه ولو جيت تكلمه يزعل ويشتمك ويبعد عنك
أقسم بالله إني بشوف العامل المصري متبهدل بيصعب عليا الحالة اللي وصلنالها وبتمنى أقدر أحسن وضعه بأي شكل مش عاشانه هوا بس عشان سمعتنا وشكلنا برا
كنت من فترة لسه خريج فكنت بتصادم معاهم ديمًا ومكنتش بطلع بأي فايدة مش أنا بس كنا مجموعة فكان شكلنا مش مقبول
لكن حاليًا بحاول أروح لوحدي و أقف أسمع مشاكله وأفهم الأسباب اللي خلته وصل لكدا
أقدر أقولك إن كل مشكلته إنه ( مصري ) النموذج المنسوخ منه كذا نسخة
نفس الأسباب ونفس المشاكل بتتكرر بإختلافات بسيطة ونفس النتيجة
الحل فإيدينا منقبلش حاجة أي كلام طالما وفرناله الإمكانيات اللي المفروض يديني بيها شغل كويس
مش هقبل كسل أو نصب أو غش أو تساهل لمجرد إنه غلبان عشانه قبل أي حاجة تانية