عرض للطباعة
السلام عليكم ورحمة الله وبركاته
انا رحت امبارح عشان اظبط زاويا الراجل قالي الركبة الشمال عندك عايزة تتلحم المهم رحت انهردة لسمكري قالي الركبة ديه مش نافعة عايزة تتغير ولستارة عايزة تتلحم اللي عند الريداتير المهم قولتله تتكلف كام قالي 150 جنيه تغيير ركبة بلحام الستارة بالمصنعية حلو السعر ده ولا كتير ولو كدة المفروض الحاجات ديه تتعمل بكام معلش انا العربية عنده وقولتله متشتغلش فيها دلوقتي قولت اسالكوا الاول واكون شاكر جدا ليكوا يارجالة
ايه يارجالة هي المشكلة كبيرة ولا ايه
تمام يا باشا 150 جنيه هيعملك ركبة عمولة و يلحم بس قوله خد مقاسااااااااااااااااااااا ت العربية الاول اياك تلحم من غير مقاسات بلاش تغلط نفس غلطتي, و خليه ينزل تحت العربية يبص على القنطرة, 150 جنيه كويس جدا يا عم زي الفل, دا انا روحت لسمكري كفتجي عملي كام لحام من غير مياخد مقاسات الحوض و خد 300 جنيه !!!! اهم حاجة بعد ما تلحم و تخلص حط عازل مكان الشغل عشان البارومة عدو ال128 اللدود و خليه يشوفلك بالمره لو فيه باروما في العربية و تقبل تحياتي يا معلم
انت هتشترى ركبه جديده وهوه هيلحمها ليك السعر حسب كمية الشغل
الف الف شكر ليك ياباشا بس انت قلقتني من حكاية المقاسات ديه انا حاسس انه هيلحم وخلاص ولو لحم وخلاص ايه الاضرار اللي ممكن اقع فيها ومتشكر مرة تانيةاقتباس:
المشاركة الأصلية كتبت بواسطة zaibatsu
لا هو اللي هيجبها وهيلحمها بالمبلغ ده هو هيركب ركبة وهيلحم الستارة انا مش عارف ايه هي الستارة ديه هو قالي تحت الريداتير وكدة كل ده ب 150 جنيهاقتباس:
المشاركة الأصلية كتبت بواسطة amr011111
من الأفضل انك انت اللى تشترى الركبة او تكون معاه علشان بيبقى فيها انواع خفيف وتقيل وبالنسبة للتركيب لو المقاسات اختلفت العجل بيتقدم للامام او الخلف والعربية تحدف معاك يمين او شمال وده طبعا بياكل الكاوتش وانا شايف انه رخيص بشكل يقلق 150 جنية شاملة الركبة قليل قوى وبراحتك ؟؟اقتباس:
المشاركة الأصلية كتبت بواسطة ashraf_sms
الركبة الخفيفة بتعملها 20جنيه والتقيله ب30...وبتجيبها للسمكري من أي واحد شغال في صاج أل128...
عندك أتنين في شارع ذهني في الضاهر جنب محلات شفيق بتاعت المسامير...قول أنت بس شفيق بتاع المسامير و1000مين هايدلك
وفيه واحد تاني في التوفيقية أسمه المواردي ودا في ممر متفرع من شارع زكي في التوفيقية..الممر اللي علي بابه محل أسمه أفريقيا
والسمكري مصنعيته بتبقي في حدود 100 أو 120جنيه ع الأكتر.....وفيه ناس بتقولك 200 و250كمان...بس عموما هي بتتعمل زي ماقولتلك في حدود 100جنيه أو أزيد حاجات بسيطة
بيتفك فيها الراديراتير بالمروحة بتاعته وكمان الميزان من الناحية الشمال
أما حكاية المقاسات ديه فعلي حسب معلوماتي أن تغيير ركبة مش محتاج مقاسات طالما مش هايلعب في الستارة أو الكارتيرات وع العموم مقاس حوض أل128 المظبوط بيكون 99سم من صامولة المساعد اليمين لصامولة المساعد الشمال...ولو لقيت المسافة أقل من 99 تبقي العربية فاتحة شوية
خلي بالك عشان ناس كتير مش واخده بالها وفاكره أن فتح الشاسيه معناه أن المسافة أكبر من 99سم
بس هي في أل128 بتتحسب بالعكس..بمعني أن العربية لو قافلة من فوق والمسافة أقل من 99 تبقي فاتحة من تحت والعجل الأدماني مايل من قمته علي جوا...وعلي فكرة المنظر دا شائع جدا في معظم أل128 تلائيها ماشية كدا زي البطة ع الطريق وشغاله زحف وسريخ مع الفرامل
علي أي حال أنت عندك لحد 97سم تمشي وأنت متطمن وتقضيها ورد كبيرة ورا الكبالن لتفادي خروج الكوبلن من الشاسيه...أنما أقل من كدا في رأيي يبقي لا مفر من الزرجينة وعلي فكرة بتتعمل والماتور راكب ومافيهاش أي مشاكل
اقتباس:
المشاركة الأصلية كتبت بواسطة zastaffa
الله ينور يا معلم ... تصدق انت كدة هتخلينى اجيب المتر واقيس المقاسات دى اشوف ايه ظروفها اعرف العربية فاتحة ولا قافلة :C_laugh[1]: بس بجد الله ينور عليك
بصراحة ياوليد هو السمكري ده تبع الميكانيكي اللي انا بتعامل معاه وهو بصراحة بيحب يريحني ف الحاجة ويفاصللي فيها عشان هو جاري وبتعامل معاه من زمان ده الميكانيكياقتباس:
المشاركة الأصلية كتبت بواسطة aw2100
بصراحة تسلم ايدك شرح وافي وكلام سليم بس ليا سؤال معلش هو المسافة ديه من عند المساعد تحت عند الثرة ولا من فوق عند البطاحات كدة اقيس انهي يعني ولو اللي تحت ديه اقسها ازاي عشان اعرف اذا كان مظبوط ولا لا وتسلم مرة تانية ياكبيراقتباس:
المشاركة الأصلية كتبت بواسطة zastaffa
من فوق يا معلم من عند البطاحة اللي في الحوض وبالتحديد المسمار ال17 اللي رابط المساعد في الكارتيرة...بتجيب متر أو مازورة وبتقيس المسافة من صامولة المساعد اليمين لصامولة المساعد الشمال
تسلملي دماغك ياكبير الف الف شكراقتباس:
المشاركة الأصلية كتبت بواسطة zastaffa
اه بس بص عشان القياس يبقي دقيق أوي خلي حد يقفلك ع الناحية اليمين ويمسك أول المتر ويحطه بالظبط علي نوص الجويط بتاع المساعد اللي مربوطه فيه الصامولة أل17....وشد المتر بشرط يكون مستقيم وعديه من تحت العمة وثبته من عندك علي نوص الجويط بتاع المساعد الشمال....كدا المقاسات هاتبقي بالمللي....أهم حاجة المتر يبقي مستقيم والعمه ماتعاكسكشاقتباس:
المشاركة الأصلية كتبت بواسطة sam4ever2010
تمام ياكبير وصلت المعلومة تسلم ايدكاقتباس:
المشاركة الأصلية كتبت بواسطة zastaffa
تسلم ايدك يا معلماقتباس:
المشاركة الأصلية كتبت بواسطة zastaffa