تجربه مع فلتر 7 مراحل وحبيت افيدكم بيها
السلام عليكم ورحمه الله
.........................................
عطل حصل معايا فى الفلتر وحبيت انقل لكم التجربه للافاده
كنت فى فتره سفر ونسيت اقفل الفلتر المهم كنت بنزل البيت مرتين فى الاسبوع منها ااكل السمك واطمن على شغلى
افتح حنفيه الفلتر ينزل بالظبط كبايه ميه ومينطقش بعدها قلت لما اخلص الاجازه اشوف ايه المشكله
عندى غيار شمعات غيرت ال3 شمعات وكانوا نضاف جدا جدا ومفيش فايده
قلت اكيد شمعه الميمبرين انا مغيرها من سنه تقريبا اشتريت واحده تمنها 175 جنيه
نفس المشكله كبايه ميه فقط لاغير وانتظر الفرج
راجعت كل الشمعات كله تمام بحرك التانك لقيته مليان مياه على الاخر كان تقيل فكيته وحاولت افضيه معرفتش
لقيت فى آخر التنك من الاسفل غطاء افتكرته طبه فكيته لقيت بلف زى بلف الكاوتش بتاع العربيه
مجرد ما ضغط بشىء رفيع على ابره البلف المياه بدأت تنزل من التانك من الاعلى طبعا كان التانك مايل ناحيه الحوض فضيته من المياه
ونزلت عندى كمبريوسر فى المصنع قلت اكيد التانك بيتنفخ وضبط الهواء على 22 كنت خايف ليفرقع لان معنديش فكره ان التانك بيكون فيه بالونه زى بالونه موتور المياه كده
وفعلا بعد ضبط الضغط المياه رجعت تمام جدا والفلتر اشتغل بكفائته مره تانيه
حبيت انقل التجربه لانها ممكن تواجه اى حد فيكم ويستفيد منها لانى مكنتش اعرف موضوع بالونه التانك
تقديرى للجميع......