الموضوع: محتاح مساعدتكم ... استشارة فى موضوع زواج

المشاركة الأصلية كتبت بواسطة punisher

دا فعلا اللي انا خايف منه انه يكون مجرد تعود بس انا لازم افكر كويس عشان انا مش عايز اظلمها وخصوصا اني حاسس بالذنب ناحيه خطيبتي شويه

انا مش طاير من الفرحه خالص بالعكس انا قربت يجيلي اكتئاب

اللي انا شايفه ان هي مؤدبه وطيبه وهي علي فكره مش مغرمه بالاطفال اوي دا كنت حسيته من كلامها بس مش واثق منه

هي اهم حاجه عندها الشغل والمذاكره بس وجودي مهم ولا لا معرفش واحيانا كنت بتعمد مكلمهاش وهي مكنتش بتسال ولما كلمتها في الموضوع ده كان الرد واسال عليك بصفه ايه!!! مع العلم ان في مره زعلت منها وحلفت اني مش هبتدي بالكلام وفعلا فضلنا 17 يوم مش بنتكلم وفي الاخر اتكلمت هيا

ياعزيزي .. متقرنش بين إحساسك بين خطيبتك الأولى وخطيبتك التانية .. يمكن 7 شهور فيس بوك تخلي العلاقة باردة أو ظروف علاقتكم مختلفة
وعلى فكرة .. حتى لو تعود التعود نوع من الحب .. ولو وحدة بتحبها جدًا وحاسس نحايتها بأحسايس شديدة
كل دا هينتهي من 6 شهور لـ سنتين بالكتير ( دي كلها مسألة هرمونات )
بتنقل الإنسان من حالة اللهفة والحب الشديدة لحالة التعود وبتتوقف بين الشخصين دول
يعني المشاعر دي بين الشخصين دول تحديدًا بعد سنتين ( بتسيبهم للأبد طول ما العلاقة موجودة بينهم )
وبينتقلوا لمرحلة تانية اللي هيا التعود والمسئوليات وغالبًا بتكون بعد الزواج فبيكون الإرتباط مهواش مجرد إرتباط مشاعر
لكن .. أنا بنصحك تبعد عنها
لإنك طالما ذكرت فرق العمر إذًا دا موجود في حساباتك ( حتى لو بتعتقد إنه مش فارق معاك )
عايز أقولك على مسألة مهمة .. العقل الباطن ( المتحكم ) أسرع جدًا من العقل المستقبل
يعني عقلك الباطن أخد قرار قبل ما إنتا تفهم أو تستوعب إنه بالفعل أخد قرار وإنتا مجرد بتحاول تفهم إيه القرار عشان كدا متردد وحاسس إنك عايزها ومش عايزها وحصلتلك لخبطة مش فاهمها
ودي كلها مراحل بتهيئك لإستقبال القرار
لكن الواضع إنك بتعاملها كصديقة لا أكثر ( إمرأة ولكن صديقة عزيزة )
وعلى فكرة حضرتك لو عشت معاها ممكن جدًا تعيش .. مرتاح .. وممكن تعيش أريح مليون مرة من لو عشت مع وحدة هرموناتك الخادعة عيشتك أحاسيس حلوة لمدة سنتين

المشاركة الأصلية كتبت بواسطة punisher

صحيح انا شقتي في العماره اللي قدام بيتنا وكانت سالت لو ممكن اببعها وقالت ان مفيش مشاكل طالما والدتي مش هتدخل في حياتنا والا انا اللي هتعب

النقطه ديه تخليك تقلق جدا

استاذ بانشير

والدتك غير موافقه علي البنت لاسباب غير معروفه و يجب معرفتها ضروري جدا
عدم موافقه والدتك سوف تسبب لك مشاكل لا حصر لها في علاقتك مع البنت
موضوع السن مشكله عويصه فعلا لان الفتيات ينضجن بسرعه فبيعجزوا بسرعه
بعد عده سنوات عند تخطي الثلاثين سوف تشعر انك شاب و هي سيده عجوز

في النهايه
اجعل عقلك هو الحكم و ليس قلبك لان الحب مبيأكلش عيش

تحياتي

من الكلام الموضوع مش مشجع بصراحة
واحس انه تعود مش حب
والله اعلم

الخلاصة من حد خبرة :d

انت خايف متلاقيش فى موصافتها تانى فبتقبل اى حاجة وواهم نفسك انك هتكون سعيد

صلى استخارة وصدقنى هتلاقى اللى تناسبك واعتقد انها مش هى دى.