صوت طرقعة وانا بفرمل .

**abo_lamar** · 31-08-2013 10:24 PM

السلام عليكم يا شباب :

انا لما باجي ادوس فرامل وانا ماشي بالعربية بسمع صوت طرقعة او طقة جايه من الجنب الشمال بس مش عارف احدد من الفردة الامامية ولا الخلفية ... بس تقريبا من الفردة الخلفية .... تفتكروا ايه السبب ؟؟ وهي فيها خطر وانا بفرمل ؟؟

وشكراً

**hossamalsadik** · 01-09-2013 01:02 AM

ممكن يكون رمان البلى الخاص بالعجله
ارفع العربيه من أتجاه العجله الى فيها المشكله وحاول تهزها بايدك لو أتهزت معاك يبقى فيه مشكله فى رمان البلى ويتغير وبسيطه ماتقلقش ده شيىء عادى جدا بس ومش غالى ورخيص
وياريت تغير الفردتين مع بعض يمين وشمال عشان يكونوا عمر واحد
طيب لو متهزتش يبقى الموضوع جلب او عدم تربيط للعفشه الخلفيه وديه اى عفشجى يعملهالك وبرضوا بسيطه

بالتوفيق

**مصطفى-حسن** · 01-09-2013 03:59 PM

نصيحة شخصية
انا عمرى ما فكيت العفشة او الفرامل وعملت فيهم حاجة
او حاولت اجتهد
لان دى فيها ارواح ناس (واولهم انا) لو غلطت او نسيت حاجة
روح للعفشجى خلية يبصلك على المشكلة

**مصطفى-حسن** · 02-09-2013 04:24 PM

المشاركة الأصلية كتبت بواسطة ahmed nasser

لية كدا
انت معاك اسهل نظام عفشة فى العربيات الحديثة
والدايو عموما عفشته ساهلة جدااااااااا
لو انت فكيت اى حاجة او حبيت يكون ليك حب استطلاع
هتصين العفشة بنفسك

العفشة والفرامل مبقربش منهم خالص
ومعتمد على صنايعية بعاملهم من سنين وبثق فيهم وفى شغلهم
غير العفشة والفرامل اى حاجة بدوس فيها