ساعدوني العربية بطلت ومش عايزة تدور تفتكرو عمرة؟؟
مش هطول عليكو العربية مازدا ٩٢٩ خليجي اتوماتيك موديل ٨٥
النهردة كنت قارص عليها ماشي ١٦٠ تقريبا فترة كبيرة
مرة واحدة لقيتها برجلت وطفت نزلت بفتح الكبوت لقيتها غرقانة زيت مع العلم مغير امبارح زيت وفلتر نوع اماراتي كدة اسمو اتلانتك
المهم قفلت الكبوت وحاولت ادورها وامشي بيها براحة لاقرب حتة لاني كنت علي طريق سفر شوية وسمعت صوت طقطقة او تخبيط ودخان كتير المهم طفت تاني وبالعافية لقيت عربية تقطرها لتحت البيت
دلوقتي هي مبتدورش والماتور مش قافش وهي مسخنتش مني بفضل ادور صوت المارش والمروحة تلف لكن مبتدورش
تفتكرو ايه المشكلة وشكرا مقدما وبعتذر علي الاطالة