سيات ابيزا 94 ولا سكودا فيليشيا 97 ؟؟

السلام عليكم ...
انا قدامى عربيتين واحد سيات ابيزا 94 والثانية فيليشيا 97 ...
انا بصراحة محتار العربيتين حالتهم نظيفة والسعر متقارب بس انا ولا اعرف دى ولا دي ؟؟؟
فهل ممكن حد يفيدنى بعد اذنكم ؟؟

في البداية أحب أرحب بيك في قسم سيات نايل موتورز

قبل الأختيار بين السيارتين نحب نقارن بينهم ونشوف الأحسن فيهم مين

اولا هنمسك كام نقطة في المقارنة
ثانيا هنقرر

1- قطع الغيار وانتشارها
الأبيزا : منتشرة جديد واستيراد
الأسكودا: منتشرة جديد واستيراد

2- المحرك
الأبيزا : 1300 كاربراتير (بفرض انه استوك ومش متغير)
الأسكودا: 1300 كاربراتير

3- امكانية التعديل وتسقيط محركات
الأبيزا : المجال مفتوح تماما ابتداء من 1400 انجيكشن لحد 2800
الأسكودا : اعتقد مش بتقبل غير محركاتها فقط

4- ثبات علي سرعات
الأبيزا : ثابتة تماما لحد 160
الأسكودا : ثبات ما شاء الله

5- مظهر شيك من الخارج
الأبيزا : شيك جداً وقابلة للتعديلات
الأسكودا :: تصميم قديم نوعاً ما ومستوي التعديلات محدود

6- عمر افتراضي لقطع الغيار
الأبيزا معمرة جداً
الأسكودا: معمرة جداً

7- شياكة من الداخل
الأبيزا : مستوي جيد للخامات والفرش والتابلوه
الأسكودا : خامات اقل من الأبيزا

8- امكانية تزويد كماليات
الأبيزا : يمكن تركيب تكييف وباور وزجاج وسنتر وريموت ومرايات كهرباء وايموبلايزر وكل شئ نزل في اي موديل اخر من ابيزا
الأسكودا : اعتقد محدودة جداً في كماليتها فيما عدا التكييف

9- اعادة بيع
الأبيزا : مطلوبة
الأسكودا : مطلوبة

10- وسع داخلي
الأبيزا: تناسب شاب او اسرة صغيرة
الأسكودا : تناسب شاب او اسرة صغيرة

11- سهولة الصيانة وقلة الأعطال
الأبيزا : سيارة اعتمادية جداً
الأسكودا : سيارة اعتمادية جداً

دي معظم النقاط اللي بيتم المقارنة بينهم في الغالب بين سيارتين
رأيي الشخصي
الأبيزا تكسب بشكلها الخارجي والداخلي والمحركات وتوافر قطع الغيار وامكانية التبديل والتوفيق بينها وبين بولو وجولف
ثانياً محركات ابيزا تتطابق مع محركات فولكس اما اسكودا فبعيدة كل البعد عن محركات فولكس ولا تمت لها بصلة
ثالثاً امكانيات التعديل الغير محدودة في الأبيزا علي خلاف الأسكودا فيلشيا

والنهاية
الحالة هي الفيصل وامكانيات حضرتك

واي استفسارات لا تتردد في السؤال ونرحب بكل استفسارات حضرتك ويسعدنا تقديم العون والمشورة

تحياتي

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors

الله ينور ياهندسه

بصراحه المهندس محمد سيد قلك المفيد وعملك مقارنه موضوعيه
ونا بقلك وعلى مسؤلتى وليس تحيزا لوجبت السيات هتلزق فيها ومش هتسبها
العربيه ديه لما بتكون سليمه وتمام وبتعملها الصيانه العاديه الدوريه يعنى تغيير الزيت والفلاتر أنسى بعون الله ان فى صنيعى يقرب منها فتره طويله .
وكل الى الأعضاء فى القسم هنا عارفين الكلام الى قلتهولك ده

واهلا بيك معنا وبالتوفيق ان شاء الله

انا معايا ابيزا 94
العربية ممتازة ممتازة ماشاء الله
العربية لو حلوة ( ماتور - عافشة - كهربا - صاج) توكل على الله
قطع غيار معمرة
وعلى فكرة اللى يقولك مش اى صنايعى يشتغل فيها دا غلط
اى صنايعى يشتغل فيها
ماعدا الفنيات اللى مش هتحتاجها غير نادر
يعنى لما سقطت الماتور رحت متخصص المانى
غير كدا بروح لاى صنايعى شاطر
ولو جربت الابيزا مش هتسيبها حتى لو حدثت هتجيب ابيزا

طب انا بلاحظ فكرة ان الكل تقريبا بيسقط للابيزا موتور غير بتاعها .. ده كده بيعمل مشكلة فى العربية او ان الموتور نفسه مش تمام على العربية ؟!!
(هى العربية اللى قدامى متسقطلها موتور 1300 فولكس اصلا )

تسقيط الماتور مابيعبش العربيه اطلاقا وده شيىء طبيعى
وأكيد ماتورها الاصلى أنتهى من بدرى لان فات 19 سنه وكمان ده كربراتير 1300cc واكيد المتسقط انجكشن يعنى افضل منه
ومفيش مشكله انه يكون vw اى فولكس فاجن لان أكتر مواتير الجولف والبولو بتركب عادى على الأبيزا لأنها من العائله
وعلاوة على ان تسقيط الماتور بيميز بعض العربيات الأبيزا خاصة لما بيكون عالى القدره الحصانيه

مفيش كلام بعد المقارنه بتاعت اخونا محمد سيد
الله ينور عليك يا محمد
وبالنسبه لموضوع الماتور يا باشا برده اخونا حسام مسابش حاجه
وربنا يباركلك سواء فى الابيزا او فى الاسكوده الى هتشتريها ويكفيك شرها