98 % تجار لما رحت من كام يوم كنت بدور على ناس عادية ملاقتش
عرض للطباعة
98 % تجار لما رحت من كام يوم كنت بدور على ناس عادية ملاقتش
احسن حاجه تروح برنس معاكش فلوس خالص تتفرج برحتك ولو عجبتك عربيه قول لصاحب العربيه هات رقمك هكلمك بليل ونخلص برا السوق وتكون واخد معاك ميكانيكى بليل او سمكرى ومبروك
مليان تجار وحراميه
اعرف واحد اتفق مع واحد وراحوا سجلوا العربيه باسم المشترى
المشترى وهم مروحين اقله تعالى اوصلك ف سكتى
واول مالزبون نزل لسه مشدش شنطه الفلوس طلع بالعربيه وجرى
وطبعا معرفش يثبت حقه لانه باع العربيه رسميا على اساس انه قبض تمنها فعلا
ده غير العربيات الملحومه ولبط التجار
سوق الجمعة احسن مكان تقارن فيه بين العربيات اللى محتار بينها و تجربها ببلاش و ممكن توقع فى عربية كويسة سواء مع تاجر او صاحبها و معظم اللى هناك تجار او من الارياف او عربية تقيله فى البيع. لكن احذر احذر التجار. التاجر هتلاقيه بيفاصل معاك فى ال 100ج.
العربية اللى تلاقيها بتلمع من جوه و حوض ماتورها بيبرق اعرف انها مع تاجر و هيتطلب فيها سعر اوفر سيبك من ابو لمعه و ركز فالعربية.
انا اول حاجة ببص عليها وقفة العربية من بعيد.
ثانى حاجة حالة الكاوتش و سنة الصنع و النوع وخلى بالك من سنة الصنع جدا لانه بيبقى مغسول و بيلمع.
بعد كدا افحص العربية براحتك وبكل ما تعرفه من خبرة انت و اللى معاك و لا تعتمد ان اللى معاك خبير لان انت ممكن تشوف حاجة فاتته و ما تتكلمش كتير مع البايع.
و عمرى ما اشتريت و لا اعرف حد اشترى من هناك.