عاوز اشترى 316 و محتار فى قطع الغيار!

السلام عليكم و رحمة الله
لو سمحتم يا جماعة انا ان شاء الله ناوى اجيب 316 مستعمل 2007 او 2008 و محتار اجيبها ولا اجيب اوبل استرا 2013 بسبب اسعار قطع الغيار
فهل ممكن حد يفيدنى فى اسعار قطع الغيار و ايه الافضل ؟
وشكرا

متابع

لو البى ام حالتها كويسه وعدادها قليل ومفيهاش اى مشاكل طبعا البى ام تكسب
وعموما بسعر الاسترا تقدر تجيب 316 موديل 2009

انا كنت فى نفس حيرتك كنت بقارن بين الاسترا وبين البى ام 320 وشفت الاسترا معجبتنيش وصالونها ضيق جدا رغم ان ابعادها كبيره
واخدت القرار وجبت البى ام 320 موديل 2011 وبعد ماركبتها مقدرش اقولك انسى اوبل ولا اى عربيه تانيه
البى ام بى ام رفاهيه وفخامه وعزل شديد وعربيه فعلا غير نظره الناس ليك تختلف كتير اوى

وفى النهايه باكد عليك لو هتجيب بى ام مستعمل اكشف عليها فى التوكيل وحاول تجيب عدادها تحت ال 100 الف ولو لقيت ده اتكل عالله ومش هتندم

طب قطع الغيار حضرتك متعرفش ايه أسعارها ؟

قطع الغيار حقيقى معنديش خلفيه عنها لكن لازم تكون عارف ان صيانه البى ام عموما مكلفه عشان كده اتاكد من العربيه قبل ماتشتريها
ولو عملت صياناتها الدوريه باستمرار ان شاء الله مش هتتعبك فى حاجه البى ام حماله قسيه

شكرا لحضرتك :)