افضل مركز للسمركة و الدهان لنيسان تيدا
السلام عليكم
انا امبارح عملت حادثة بسيطة لكن للاسف هحتاج اغير الاكصطدام الامامى (كان كده كده فاكك و مربطه بمسامير بس المرة ديه فك من كل حتة و اتقطم حتى من فوق) و كمان الفانوس الامامى يمين
المهم انا بسأل اذا كان حد هنا من الاعضاء اتعامل مع مركز صيانة كويس علشان اعمل فيه الحاجات ديه تبع التأمين انا كنت من سنتين كده غيرت الأكصطدام الامامى برده عند السبع اللى فى المعادى لكن بصراحة شغلهم ماكنش حلو انا اعرف لما الاكصطدام يركب المفروض يكون راكب زى الجديد مافيش فروق بينه و بين الرفراف لكن للاسف انا لما استملتها من السبع كانت مفرقة معرفش ليه عاملة زى ماتكون راكبة بس من النصف و من فوق و تحت مفرق
المهم انا عاوز اعرف رايء الناس اللى جربت اروح انى مركز احسن بفكر اجرب مودرن موتوز اللى عند المطار القديم المرة ديه