اشتريت نيسان صني 2013 من شهر 2 اللي فات بالتقسيط مع بنط ناصر
كنت بسأل علي افضل شركات التأمين وافضل العروض للتأمين ع العربية... يعني شركات تأمين تكون بتعوض فعلا مش نصابة
عرض للطباعة
اشتريت نيسان صني 2013 من شهر 2 اللي فات بالتقسيط مع بنط ناصر
كنت بسأل علي افضل شركات التأمين وافضل العروض للتأمين ع العربية... يعني شركات تأمين تكون بتعوض فعلا مش نصابة
اليانز شركه محترمه
بس سؤال جانبى انت شارى قسط من شهر اتنين ازاى مأمنتش اجبارى من ساعتها
أليانز هي أفضل شركة للتأمين بس هي غالية حبتين
و ربنا يكفينا و يكفيك شر السرقات و الحوادث :)
بنط ناصر مش شارط تأمين اجباري
في حاجة غير اليانز لانها فعلا غالية جدا
أولاً مبروك يا ريس مع إنها متأخره شوية و ربنا ما يحوجك أبداً للتأمين و من شوفش فيك أي حاجة وحشه و لا في عربيتك ... شوف يا باشا في عندك المصرية للتأمين و في الشركة السعودية المصرية للتأمين دول بدون نسبة تحمل و قيمة التأمين 3.5 % من قيمة العربية و في كمان أليكو
بص يا باشا
شركة بيت التأمين المصري السعودي شركة إسلامية والدكتور علي السالوس أفتى بجواز التعامل معاها.
أنا مأمن معاها.
التأمين بقيمة 3.5 % من تمن العربية.
وفيه حوالي 350 جنيه ممكن تضيفهم علشان ما تدفعش أي مصاريف عند الاصلاح غير ال 10 % من تمن الاصلاح.
أنا عملت حادثة بعد التأمين استلزمت تغيير الاكصدام الامامي ومتعلقاته.
كانوا سراع جدا في المتابعة معايا وأخدت فلوسي أسرع من الوقت اللي كانوا محددينه.
نصيحتي أمن معاهم.
مبلغ التأمين حيبقى حوالي 4100 بكل حاجة.
ربنا يوفقك.
شركة قناة السويس للتأمين انا اتعملت معاهم اول مره جبت عربة و العربية اتسرقت " ربنا ما يكتبها على حد ان شاء الله " و فعلا ادونى التعويض و لما جبت عربية جديدة nissan sunny 2013 super saloon امنت معاهم و انا مغمض لان انا فعلا شوفت منهم معامله محترمة جدا
تقريبا قيمة القسط السنوى 4800 جنيه دا بدون تحمل اى مصاريف و حضرتك ممكن تكلمهم يجيلك المندوب يشرحلك كل حاجة
شكرا يا شباب علي النصايح
طيب حد عنده مندوب كويس اكلمه في شركة بيت التأمين المصري السعودي او قناة السويس للتأمين ؟؟
هو اية انواع استمرات التأمين