الموضوع: النقاش خد فلوسه كامله وبعد كدا مشفتش وشه تاني - أعمل إيه يا أهل الخبره؟

هى أتعملت فيك ؟ طب كويس ان الشقه عندك فاضيه . انا بقى فرش 4 غرف +انا والمدام وطفلين كل دول جمعناهم فى غرفه واحده أكل وشرب ونوم علشان أفضى الشقه للبيه يشتغل براحته جه أشتغل يومين وخد عربون وساب شويه عده فرشه وزراديه ومفك وزانه يوم أتنين تلاته اسبوع أصل ابوه فى المستشفى اصل أبوه بيموت والأسره كلها نايمه هى والعفش فى اوضه واحده والله العظيم انا كنت بنام على زاويه 45 والعيال فوق فوف الخشب والمراتب على ارتفاع مترين وعدا اسبوع والتانى لاحس ولا خبر جبت نقاش غيره كمل حكيتله على اللى حصل من فلان قالى هو عملها فيك ده ابوه ده مات فبل كده يجى عشر مرات وبعدها بشهرين لاقيت مراته بتتصل وتقولى انت كملت الشغل ؟ طبعا أديتها اللى فيه النصيب وطبعا سابلى شويه عده للذكرى كل مامسك المفك بتاعه افتكر الموقف ده .............. طبعا الناس بتربط شغل مع حد وتسيبله شويه عده وتربط مع واحد تانى وممكن يخلص شغلانتين تلاته والشغلانه الأولى لسه ما خلصتش نعيش ونتعلم

المشاركة الأصلية كتبت بواسطة ahmed_adham

خلي حد غيرك يتصل بيه من موبايل تاني ويجيبه على شغل في منطقه تانيه أو عنوان قريب من بيتك المهم ميكونش في نفس المكان ولما ييجي يكون معاك اتنين تلاته وتربطوه في عمود النور لحد ما يبانله أصحاب.

هههههههههههههه اية دماغ دي يا باشا فكرة 10 علي 10 :018a1d~146: دماغ عنب

حسبى الله ونعم الوكيل
اسوء فئه فى المجتمع الصنايعيه ورغم انهم بيكسبو كويس بس ربنا ما بيباركش لهم فى الفلوس
وسامحنى لو قولت انك غلطان انك اديته الفلوس
ونصيحه لا تحاول انك تطمع اى صنايعى فيك وانا دايما بتفق مع الصنايعيه قبل دخول البيت لانه لما يدخل يشوف شقتك ممكن يطمع ويقولك دة افندى ويعمل شغل لا لازم تتعامل معاهم برخامه ومطمعهمشى فيك قولهم معييش فلوس عامل جمعيه وهقبضها اخر الشهر
ربنا يعوض عليك بس طبعا لو تعرف تجيبه من قفاة متسبش حقك