يا شاركى ببساطة الحاجة عاملاها شركات كبيرة, لكنها مصنعة خصيصا لفولكس فاجن
زى مثال البوجيه, هو ماركته Bosch لكن عليه علامة فولكس فاجن علشان تبقى Genuine parts يتم بيعها فقط عن طريق الوكيل
الابيزا 2008 كده, مكتوب على حاجتها VW
عرض للطباعة
حلو الكلام دا يا معاذ يعن و هو دا إللى أنا بقوله يعنى هى مش صنع فولكس فاجن يعنى مش شرط تكون المانى
دلوقتى بقى إجابة سؤالى الأساسى هى صناعة إيه المانى أم اسبانى أم دولة أخرى ؟؟؟؟؟
التوكيل بيقول المساعدين و المقصات و الطنابير و التيل و الفلاتر و الحاجت دى أسبانى لكن الموتور و الشاسية المانى
هل الكلام دا صح ؟؟؟؟
بص يا شاركي الحاجة في العربية اللي بتبقي اسباني بيبقي مكتوب عليها made in spain و علامة Seat عليها يعني هقولك حاجة عهدي في الابيزا 94 الطبلات الخلفية مكتوب عليها made in spain و علامة سيات خلي بالك انا بتكلم علي الطبلة بس انما لو دخلت جوا علي البلي الخلفي تلاقيه الماني و عليه فولكس و اودي
الموتور الشاسيه العفشة الفتيس الماني و اللي يقول غير كده يبقي ملوش فيها و كل حتة في العربية عليها علامة vw بتبقي الماني و خلي بالك الشركات اللي بتصنع لفولكس bosch meyle دول اكبر شركتين بيصنعوا لفولكس حاجات الفابريقة و قطع الغيار برضه يعني لو جيت علي الاسبراتير عندي هتلاقيه bosch made in germany يعني الشركتين المان يبقي الماني اما بالنسبة للتوكيل انا اساسا بكره توكيل سيات لان زي ما فيه ناس بتفهم جدااااااااااااااااا في ناس حمير جدااااااااااااااااا و انا قابلت النوعين جوا:):)
و لعلمك عمر مستوي العفشة الاسباني ما بيبقي زي الالماني في الامتصاص و الجودة و العمر عن تجربة يعني انما اللي جرب العربية يعني اسأل عيشو بنفسك بيقولي امتصاص و مرونة روعة زي ما طول عمر الابيزا نفس مستوي الاداء و المرونة والامتصاص منزلتش عن مستواها
ما هو دا إللى أنا بقولوا يا معاذ من بدرى
يبقى التوكيل كلامه صح الموتور و الشاسية المانى و العفشة أسبانى مع التيل و الطنابير و الفلاتر
أصلها لو المانى إيه إللى يخلى التوكيل يقول غير كده !!!
معقوله فيه توكيل تبقى الحاجة المانى و يوقلك عليها أسبانى و فى مصر كمان !!!!
و مش شرط كده إنه لما يبقى فيه علامه VW إنها المانى
يعنى التوكيل و معاذ مالهومش فيها :laugh6:
دا الراجل بيقولك حاجات كتير أسبانى و عليها VW هى مش البولو و الإيبيزا مشتركين فى كل حاجة تقريبا :sifone:
يعنى الأسبانى مش حلو و مش فى جودة الألمانى
الله دا هنا الأسبانى بقى شديد
إيه يا محمد هيه لما بقى فيها كتير أسبانى بقت شديدة :sifone:
انا مش فاهم انت يا شاركي عايز تعمل مشاكل و خلاص و واضح من اسلوبك انك بتستفزني يعني ولا ايه و بتقولني كلام انا مقولتوش !!
اولا معاذ مقالش ان الموتور و الشاسيه و العفشة و الفتيس فيهم حاجات اسباني يبقي بناء علي ايه بتقول اني قلت علي معاذ انه ملوش فيها مش شايف ان كده مش صح يعني و اسلوب مش لطيف معاذ قال حاجات كتير انما مقالش ايه الحاجات دي اساسا و الحاجات دي بعيدا عن الاساسيات و انا عارف انا بكلم في ايه مش انت اللي هتعرف الابيزا اكتر مني !!
برضه بيقولني كلام انا مقولتوش انا مقولتش ان الاسباني مش حلو طلعلي مشاركة انا قلت فيها الاسباني مش حلو!!!!!!!!!!!!!!!!!!!!!!!!!!!!!!!!!ولا هي تقويل كلام و خلاص يعني ولا ايه!!!!!!!!!!!!الاسباني حلو و معمر لكن مش في جودة الالماني و انت عارف كده كويس و ادي الميجان اللي طلعت مخلطة عندك اهي مساعدينها اسباني و اكيد شايف ادائهم و امتصاصهم عامل ازاي
برضه رجع يقولني كلام انا مقولتوش اولا العربية مفهاش حاجات اسباني الا الحاجات اللي انا قلتها فوق دي و دي مش حاجات في العفشة و مش كتير و الحاجات دي عندي كلها فابريقة لحد دلوقتي و الاسباني في العربية بيبقي مكتوب عليه made in spain
يا ريت تبطل اسلوب تقويل الكلام ده معايا عشان انا عارف انا بكلم في ايه بظبط و انت عمرك ما هتبقي فاهم الابيزا و حاجتها اكتر مني مش غرور بس خبرة خليك انت في الميجان و سيب الابيزا للي بيفهموا فيها
يا اخوانا استهدوا بالله .....الموضوع مش مستاهل :flowers:
ابيزا ...سيات ...فولكس فاجن ....العربية أسباني تحت مظلة العملاق الألماني ....مكوناتها أكيد فيها ألماني و فيها أسباني .....إيه بالظبط الألماني و إيه الأسباني.... ممكن قوي تختلف من موديل لموديل ....قياسا على البولو و حتى الفيلشيا (أنا كان معايا فيليشيا ٩٥ و المدام معاها دلوقتي بولو ٩٩ و أنا شفت فيليشيات كتير و بولوهات كتير بتتفك قدامي و فعلا الحاجة بتختلف من موديل للتاني من أول الفوانيس و حتي الأجزاء الميكانيكيه )
طب الألماني أحسن و لا الأسباني أحسن .....الألماني أحسن طبعا .....طب الأسباني وحش ...لأ مش وحش .....أحسن من التشيكي ....طب التشيكي وحش ....برضه لأ ....زاي الفل كمان ....امال إيه الوحش يا عم شيكو ....الوحش إننا نتخانق قبل المقابلة اللي أنا نفسي احضرها :tooth:.....
ابيزا باشا و شاركي باشا..... صلوا على النبي الكريم ....
عوده الي الموضوع الأصلي ....ابيزا الشكل الجديد بتلعب في دماغي جامد جدا ....و شكلها حتبقى حكاية و رواية و قصة و مناظر :laugh6: