الف شكر ليكم يا شباب ربنا يكرمكم يا رب ويجازيكم خير على حسن المتابعه وان شاء الله اطمنك واقولكم عملت اية تحياتى لحضراتكم جميعا ،،
عرض للطباعة
الف شكر ليكم يا شباب ربنا يكرمكم يا رب ويجازيكم خير على حسن المتابعه وان شاء الله اطمنك واقولكم عملت اية تحياتى لحضراتكم جميعا ،،
نفس الكلام ده من سنه تقريبا حصل معايا وبرده الترس العجيب ابو 150 وفى الاخر جبت ماكينه استيراد ب 200 والى ركبها اخد 35 والحمد لله شغاله نازل طالع مبتقولش لا
وعلى فكره هتاخد كلام كتير قوى من الصنايعيه الى بيفتو والى هيقولك الترس الاصلى ب 150 والمصرى ب 120 وانا ممكن ارجلش القديم ولو زيت الواير مش فاكر ايه الى هيحصل وكل ده كلام ناس فاضيه كبر دماغك واعمل زى ما عملت وهات ماكينه استيراد مفيش اكتر منهم فى الحرافيين
وربنا يستر طريقك وطريقى
اه .. اه
النهاردة بركن تحت الشركة عندى واقفل فى الازاز ابداً مش طالع يرضيك يرضيك .. والله ما انا طالع انزل بس :(
اروح بيها فين لا عارف اسيبها ولا عارف اطلع الشغل
فيكت فرش الباب انى افهم حاجة بردوا ابداً بقت الساعة 10:30 قلت مبدهاش دور على حد بتاع مفاتيح الحمد الله ربنا وفقنى فى واحد كوفتجى جمب الشركة
فك ياعم .. جرب .. قالى الماتور رايح فى داهية !!!!
طبعاً انا عاوز اخلص وارفع الازاز وخلاص بس علشان الحق الشغل
كلمتين كدة وبجرب الازاز اشتغل .. احمدك يارب
الخلاصة ان الازاز بيشتغل بمزاجة وبعد الملاحظة ان الزجاج لو علق ومرضيش يطلع ( بينزل بس ) بسيب العربية خمسة كدة واجرب يطلع عادى مش عارف بقى الماتور بيسخن ولا اية ؟؟
بس النهاردة بكرة بالكتير ان شاء الله لازم احل المشكلة دى علشان موقف بايخ جداً
ربنا يسترها معانا
تحياتى
نصيحة محدش يطنش المشكلة دى
انا بسببها اتسرق منى حاجات من العربية بس ربنا سترها الحرامى طلع بن حلال سرق الفلاشة وريميوت الام بى ثرى وساب المحفظة وكان فيها فلوس ونضارة وحاجات تانية !!
ولسه مطنش !!
الحمد الله المشكلة فى المفتاح او زر الزجاج و هو اللى عامل المشكلة .. تم تغير المفتاح جديد بــ 50 جنيه
وتم تنظيف الماكينة والمجره بتاعت الزجاج والحمد الله احسن اى نعم هو سعات بيقف فى الطلعة فى المنتصف ولازم يتسند باليد بس كنا فين وبقينا فين