ما هى مميزات انك تشترى عربية من المالك الاول ليها
؟؟؟؟؟؟؟؟؟؟؟؟؟؟؟
مميزات قانونية وكمان العربية عموما
عرض للطباعة
ما هى مميزات انك تشترى عربية من المالك الاول ليها
؟؟؟؟؟؟؟؟؟؟؟؟؟؟؟
مميزات قانونية وكمان العربية عموما
لو راجل محترم
بيقولك على كل حاجه فيها
مثلا مخبوطه قبل كدا
فيها حاجه
كدا يعنى
من اليمه القانونيه
هتلاقى مفيهاش توكيلات انت اول اول توكيل
والعربيه باسمه فى المرور
وممكن الراجل يكون معها الكاتالوج الاصلي للعربيه ده في حد زاته كويس
وممكن تكون العربيه بالفرش الاصلي بتاعها وا باياس المصنع
طبعا اول توكيل ده حاجه كويسه
وهتلاقى معاه المفاتيح لاصليه بيبقوا 2 مفتاح طبعا
بيبقى ليها مميزات كتير على فكره
المالك الاصلى بتريحك من التوكيلات ثانيا مافيش هلك للعربيه يعنى اكيد محافظ عليها لانها معاه من الزيرو
العربية بتبقى بتاعته هو من الاول ، يعنى كان دافع فيها دم قلبه ، وبنسبة كبيرة ، كان بيحافظ عليها جدا ، مش زي المالك التانى اللى بيشتري العربية بتمن رخيص ، وبما انه مش راكبها زيرو ، بيبدأ يهينها لا اراديا ... (طبعا ده في الغالب ، مش قاعدة ابدا )
الحاجة التانية هى معاه من الاول واخدة على رجل واحدة في السواقة ، بتتصلح في اماكن واحدة (غالبا)، مش لفت على صنايعية مصر كلهم والكل مد ايده فيها ، وعندك ميزة انه لو المالك الاول وبيصلحها باستمرار ، فرصة ان يحصل عك في العربية قليلة ، لان بما ان كل حاجة بتبقى في الاول سليمة ، فالحاجة اللى بتبوظ يصلحها اول بأول وهو عارف تاريخ العربية كويس ، مش زي الملاك اللى بعد كدة ممكن يلطشوا ويطبشوا وهم مش عارفين تاريخ العربية القديم ..
الحاجة التالتة بتروح تشوفها يقولك فبريقة تماما مثلا ، ومعملتش اي حوادث ، بما انه المالك الاول يبقى كلامه ده هو مسؤول عنه ، يعنى لو رحت كشفت عليها وطلع كلامه غلط ، هتنفخه ، وكمان فرصة انه يكدب قليلة جدا ، لانه لو اتكشف مش هيستحمل نفسه وهو واقف قدامك
على عكس الملاك التاليين للعربية اللى لو اتزنق ، يقولك وانا اعرف منين ، انا اول مرة اعرف الموضوع ده ، وقد يكون هو فعلا كان شاريها معيوبة وهو ما يعرفش ...
من الناحية القانونية ، كدة كدة تحت اي ظرف لازم تتوخى الحذر وتتأنى وتفحص ورق العربية وملكيتها جيدا بغض النظر هو المالك الكام
يعني مفيش كلام بصراحة 10\10
زي ما قالوا لحضرتك الاخوه انت عندك المالك الاول احيانا كتير لما بيبيع العربية وهي بتبقة لسه كسر زيرو تقريباً بيكون بايعها لظروف وغير الظروف دي ولا كان باعها طول عمره
يعني في اي حال من الاحوال هتبقى ممتازه بأذن الله بس حرص ولاتخون برضه راجع على كل شئ بنفسك كأنك رايح تشتريها زيرو - انا بفصص العربية وهي زيرو كأني هجيبها مستعمله الايام دلوقتي بقيت السرقة فيها عيني عينك والتجار مش بيخافوا ربنا
وربنا يوفقك في الصالح