متى يبكي الرجل ؟!

**friendship7897** · 01-09-2013 03:39 PM

متى يبكي الرجل ؟
دي مش دعوه للبكاء – لأ - دا قلب الواحد اضعف من ان يرى دمعة رجـــل!!
ولكن سؤال مر في ذهني ، وقبل أن تجيب من فضلك أقرأ هذه السطور
دائما بيتقال ان : دموع المرأه هي سلاحها
أو ان دموع المرأه طوفان يغرق فيه امهر السباحين
وان البكى من شيم النساء
ولكني!!! أعرف إن الرجـــال ممكن تبكي برضوا- يمكن :

وهو في حالة خشوع لله ( سبحانه وتعالى )
عند موت عزيز له وفقده ( لاسمح الله)
عند شعوره بالظلم او نتيجه ضغوط الحياة
عندما يعجز عن حل مشكله
او لشعوره بالندم

فهل تبكي أيها الرجل - ام ان صرخــة الميلاد هي اول واخر دمعه لك ؟!
أو لاسباب اخرى - ومهما كانت الأسباب .!!!. لماذا لا يبكي الرجــــل .؟
لماذا لا تبكي ايها الرجل؟

فهذا ليس دليل ضعفك ولن ينقص من رجولتك ولن يقلل من قدرك - علي العكس سيستريح قلبك وفؤادك وتشعر بالراحه !!

وخلاصة الكلام ان دموع الرجال عندما تتواجد تكون في الغالب مؤثرة جداُ وصادقة فالرجل لا يبكي الا عندما يكون الامر فعلاً يستحق البكاء لذلك يكون بكائه مؤثر جداً !!!

ارجــوا ان تتقبلوا سؤالي هذا بصدر رحب .

متى يبكي الرجل؟

انتظر ردودكم

**S O P H O S** · 01-09-2013 03:52 PM

اعتقد ان الرجل مشكلته مع البكاء هو الكبرياء
وبما انه انسان طبيعي بيشعر اكيد ممكن يبكي فلحظة ما او موقف شخصي
لكن هو يستحب عدم البكاء لان مثلا لو حصل موقف والبنت بتكبي والولد كمان بيبكي
مين ياتري هيقدر يفكر بعقله ويحل الموضوع ..؟

**ahmedteam** · 01-09-2013 03:53 PM

اعتقد فى الحالتين دول بيحصل بكاء :

وهو في حالة خشوع لله ( سبحانه وتعالى )

عند موت عزيز له وفقده ( لاسمح الله)

انما اللى يفكر كويس ف حال الدنيا يعرف ان مفيهاش حاجه يتبكى عليها

**prof2013** · 01-09-2013 04:05 PM

يبكي بدل الدموع دم حينما يخسر الدنيا والاخره

**saddam** · 01-09-2013 04:17 PM

يبكي الرجل عند فقد عزيز عليه
ويبكي إن أساء إليه من أحسن هو إليه
ويبكي إن خانه أحد عزيز عليه
ويبكي إن أبدله الله فقرا بعد غنى
ويبكي إن وقف أمام الله وأحس مع نفسه أنه مقصر في حق الله
ويبكي إن ظلم أحدا ودارت اﻷيام وتاب وراجع ما فعل بالعباد من ظلم
ولكن أشد البكاء يكون من يبدله الله فقرا بعد غنى وينفض عنه اﻷهل واﻷحباب حتى من كان يساعدهم ويشفق عليهم صار لا حيلة له تجاههم
وهناك مواقف أخرى كثيرة يبكي فيها الرجل الصادق مع نفسه وليس من مدعي الرجولة.و دمتم

**Y a r i s** · 01-09-2013 06:05 PM

ممكن اقول بس محدش يدحك عليا :
انا بصراحة ببكي. وبتهرب من عنيا دمعتي. لمن تصعب عليا نفسي ... بالذات لمن انظلم .
وبدمع عيوني ايضاً لمن احس الدنيا قفلت عليا من كل حته .
وبدمع عيوني لمن اكون سايق وحاجة تخوش في عيني .

لكن ببكي بجد وبحق وحقيقي فعلاً لمن اشوف اب مات ابنو وهو شايلو وبيقولوا حبيبي اصحى يالله قوم بقه وهجبلك اللعبة والحلويات الي انتا عاوزها ... واخدك وافسحك وألفيفاك واوريكي العالم كلووو ببكي ... ببكي كمان لمن. بجد لمن اشوف طفل عمال يهز في جثت ابوه او امو وهو بيقلها ماما انا جعان. ماما انتي مش بتردي عليا ليه. ماما انتي نايمة !!! ماما ردي عليا بقه. عاوز اشرب يوووووه اووه ماما ردي عليا بقه !!

ببكي ودموعي بتنزل مني ومش طالع بيدي غير تقول للطفل بس يا بابا سيب ماما ترتاح شوية ماما تعبانه دلوقتي . ببكي بجد حتى لو الكلام ده شفتوا في تمثيلية او مسلسل ببكي ومقدرش امنع عيوني انها تبكي ... واكتر لقطة بكيت برضوا عليها الطفلة السورية الي طلعوها من تحت القصف وجالها حالة صدمة وهيا بتقول انا عايشة انا عايشة انا مو عايشة ... وواحد بيقولها حبيبتي بابا اهدي انتي عايشة عايشة ... ولا الطفل محمد الدرة. ياعيني لمن ابوه مخبيه وراه وبيحمية من الرصاص بتاع اليهود وفجئة. عسكري يضرب ابنوا قدام منو ويقعد على الارض يصرررررررخ ويبكي على ابنوا وهو منيم ابنوا على حجروا .

مين قال دموع الرجل غالية ... لا والله الضنى اغلى واهم من الف دمعه ودمعة ... حتى لو كانت مع الدمعة. دي شوية لحمة وفاصوليا خضرة ورز برضوا الضنا غالي عن ئزنكم اقوم اتغدى :) .... وتحياتي

**friendship7897** · 01-09-2013 06:27 PM

المشاركة الأصلية كتبت بواسطة saddam

يبكي الرجل عند فقد عزيز عليه
ويبكي إن أساء إليه من أحسن هو إليه
ويبكي إن خانه أحد عزيز عليه
ويبكي إن أبدله الله فقرا بعد غنى
ويبكي إن وقف أمام الله وأحس مع نفسه أنه مقصر في حق الله
ويبكي إن ظلم أحدا ودارت اﻷيام وتاب وراجع ما فعل بالعباد من ظلم
ولكن أشد البكاء يكون من يبدله الله فقرا بعد غنى وينفض عنه اﻷهل واﻷحباب حتى من كان يساعدهم ويشفق عليهم صار لا حيلة له تجاههم
وهناك مواقف أخرى كثيرة يبكي فيها الرجل الصادق مع نفسه وليس من مدعي الرجولة.و دمتم

يااااه
ما قلبكم مرهف
وإحساسكم عالية
كنت متوقعة إن مش هلاقي مشاركات في الموضوع دا خالص

**rotanamasoud** · 01-09-2013 09:24 PM

انا لما ببكى فى مواقف كتير بخبى البكاء بتاعى(كرامه) اقصد لمواقف انسانيه غير السابق ذكرها(الخشوع والموت)
الراجل بيعتبر الدموع ضعف ومفيش راجل يحب يظهر ضعيف