خروج جيلي امجراند 7 من اكثر 20 سيارة مباعة في شهر يوليو

**M I D O** · 02-09-2013 09:43 PM

المشاركة الأصلية كتبت بواسطة mohamed haggag

انا ركبت الجيلي امجراند في السعودية تقفيل تاني خالص وجودة تانية ومافيهاش اي مشاكل وزي الفل
لكن اللي في مصر عبارة عن نفس الأسم والشكل وبس
عشان كدة بنصح اي حد يبتعد عنها
وغبور كان جبها من هناك احسن لكن يقفلها هنا ويقرفنا بعيوب تقفيلو وعدم اهتمامو يبقي خليها عندو

انا سامع ان الي في السعودية عاملة شغل عالي اوي و انتشرت جدا وناس كتير بقت بتفضل تجيبها عن اي عربية تانية لان معروف عن دول الخليج مبيركبوش غير الماني او علي الاقل ياباني

**M I D O** · 02-09-2013 11:49 PM

المشاركة الأصلية كتبت بواسطة fo1fo

اللى فى السعوديه 1800سى سى وتقفيل بلادها ( مش غبور ) وسعرها تلت ثمن مثيلاتها من الكورى او اليابانى والسعودي ممكن يشترى عربيه تقعد معاه 3 سنين وبعدين يرميها فبيحسبها صح ودى اوفر له من انه يجيب حاجه يابانى وبعد 3 سنين سعرها يوصل للنصف انما دى ها يجيبها بتلت الثمن وياخد خيرها وبعد كده يرميها فى المكب

ايوة انا عارف انها اوتوماتيك 1800 سي سي وتمنها تقريبا نص تمن الكورولا عشان كدة سعوديين كتير اتجهو انهم يشتروها

**hossam_abdallah** · 03-09-2013 01:57 PM

انا ممكن اختلف شوية معاكم
العربية بدأت تنتشر جامد انا جايبها من شهر مايو العربية زي الفل ومفيش فيها مشاكل
أنا ركبت قبلها ميجان ومونديو وشاريد واكسنت والعربية متقلش عن حاجة منهم
بالنسبة للعيوب اللي الناس بتقول عليها دي حاجات فردية والمشكلة ان مش كل الناس اللي بتشتكي ليها خبرة في العربيات
اما شهر يوليو والمبيعات ف السبب في كدة ان العربية مبقتش موجودة في المعارض ولسة باديين يسلموا من امبارح ال 2014
و ع فكرة التوكيل بقي محترم جدا بشهادة ناس كتير وانا بصراحة مشفتش منهم حاجة وحشة في صيانة الالف

**M I D O** · 03-09-2013 03:35 PM

المشاركة الأصلية كتبت بواسطة mohamed kotb

سلام عليكم
انا عضو جديد هنا و دى اول عربيه اشتريها .... و معنديش خبرة فالعربيات اوى
لكن انا حاليا يا انهارده يا بكرة المفروض احدد اشترى ايه
وانا ما بين نوعين
الاسبرانزا الانفى و الاميجراند 7 2014
انهى اللى احسن ؟ انا سمعت و قريت ان جبور مبوظ الاميجراند
بس هل الاسبرانزا بردو بيظهر فيها عيوب بشعه زى الاميجراند كده ؟؟
بس اللى مطمنى ان اسبرانزا اسمها فالسوق كبير و منتشرة عربياتها فمصر كتير اوى
انا من اسكندرية و باشوفها كتيييير جدا
هل صيانتها كويسه ؟
ياريت حد يفيدنى لانى رايح المصرية انهارده اتفرج و اقرر

والله يا باشا عشان بس مكونش بضحك عليك محدش هنا خالص اشتري اسبرانزا انفي عشان يقول عاملة معاة اية ومحدش عارف عنها اي حاجة وانا كنت قرئت تقرير واحد بس عنها بيقول انها كويسة بس برضو دة مش مقياس لازم اكبر عدد ممكن يجبها عشان نعرف كلهم رايهم اية وفي رايي الشخصي اصبر شوية علي الاقل شهر تدرس السوق كويس عشان متجبش عربية تزهقك طول ماهي معاك ومترجعش تقول يارتني

**M I D O** · 03-09-2013 03:38 PM

المشاركة الأصلية كتبت بواسطة hossam_abdallah

انا ممكن اختلف شوية معاكم
العربية بدأت تنتشر جامد انا جايبها من شهر مايو العربية زي الفل ومفيش فيها مشاكل
أنا ركبت قبلها ميجان ومونديو وشاريد واكسنت والعربية متقلش عن حاجة منهم
بالنسبة للعيوب اللي الناس بتقول عليها دي حاجات فردية والمشكلة ان مش كل الناس اللي بتشتكي ليها خبرة في العربيات
اما شهر يوليو والمبيعات ف السبب في كدة ان العربية مبقتش موجودة في المعارض ولسة باديين يسلموا من امبارح ال 2014
و ع فكرة التوكيل بقي محترم جدا بشهادة ناس كتير وانا بصراحة مشفتش منهم حاجة وحشة في صيانة الالف

يا باشا معا احترامي لراي حضرتك واكيد انت صح لانك مالك للعربية بس لو العربية فعلا ممتازة لية مبيعاتها في شهر واحد انخفضت من المركز التاني للخروج من اكثر 20 سيارة مباعة ؟؟ اكيد في سبب يخلي كل الناس تبعد عن العربية مرة واحدة ويحصل الانخفاض الحاد دة لان لو هية مجرد عيوب بسيطة فيها و التوكيل ممتاز زي ما حضرتك بتقول كانت هتنزل للمركز الخامس . العاشر .. انما مش هتقع خالص وتخرج من المنافسة ولا اية ؟؟

**saddam** · 07-09-2013 03:07 AM

اﻷسبرانزا عربية جيدة ولكن الأخ اﻷي بيسأل عن الإنفي واﻷم جراند7 فقولا واحدا خد إمجراند 7 لسرعة البيع ودمتم للنضال ملحوظة أنا من ملاك نوعين إسبرانزا وعربيات محترمة ولكن المفاضلة بتاعتك تستوجب نقلك إمجراند بس لو كاتت بين تيجو أو 620 كان حنقلك سيبك من إمجراند وبالتوفيق

**M I D O** · 07-09-2013 07:46 PM

المشاركة الأصلية كتبت بواسطة dedi

انا راى المتواضع انة مفروض الناس تهدى من شرائها لحد ماغبور يعالج العيوب التى عندة
سؤال محيرنى هو موش الدولار نزل تقريبا 10% بعد ماغبور رفع سعرها يعنى منطقيا مفروض تنزل على الاقل لسعرها الذى اعلنة عند بدا الانتاج موش عمال يغلى السعر طيب اية حجتة الدولار بردة

عشان نكون حقانيين .. هوة انت عندك اية في مصر لما بيغلي بينزل تاني و السبب مفيش حماية مستهلك انما التجار مش غلطانين مادام بيزودو واحنا بنشتري يبقي ليهم يحق يعملو فينا اكتر من كدة كمان

الموضوع: خروج جيلي امجراند 7 من اكثر 20 سيارة مباعة في شهر يوليو

LinkBack

أدوات الموضوع

عرض

-

-

-

-

-

المواضيع المتشابهه

أسعار قطع غيار جيلي امجراند

مراكز خدمة جيلي امجراند

محور 26 يوليو اكثر الطرق حوادث في مصر 2012

بروتون ساجا 2013 ولا جيلي امجراند

الكلمات الدلالية لهذا الموضوع

المفضلات

المفضلات

ضوابط المشاركة