(عاجل) مشكله تسريب بنزين

**ZOoOoMA** · 02-09-2013 12:28 AM

اولا بسم الله الرحمن الرحيم

انا طالب مساعدتكم في حاجه مهمه قوي من فتره دخلت البنزينه افول و لقيت واحد بيقولي الحق ده عربيتك بتوقع بنزين ببص تحت العربيه لقيتها بتوقع بنزين فعلا قولت لعامل البنزينه وقف الخرطوم بسرعه راح موقف و نزلنا بصينا عليها قالي ده تقريبا خرطوم الفايز المهم مشيت و العربيه المؤشر مكنش وصل ل حرف ال f و وقفت شويه عشان اتاكد فيه تسريب ولا لا و اتصلت ب الميكانيكي بتاعي قالي هتلاقيه خرطوم الفايز و الميكانيكي قالي فول لحد لما المسدس يقف لوحده متزودتش تاني عن كده روحت لكذا ميكانيكي و اجمعو ان المشكله خرطوم الفايز و لما دورت عليه ملقتوش لوحده الراجل قالي هبيعهولك ب الزور كامل جديد ب 250 جنيه عندي سؤالين مهمين بقى و عايز اجابتهم:

اجيب من فين الخرطوم ده؟؟؟

السؤال التاني:

قبل ما اكتشف موضوع التسريب ده عمر المؤشر ما وصل لحرف ال f تفتكرو ان التسريب ده هوا السبب؟؟

**windofchange** · 02-09-2013 04:36 AM

وممكن برضه لو تشوف التسريب جاي منين بالظبط لو جاي بسرسوب من فوق التانك وبيرسب لتحت وينقط ممكن تكون جوان طرمبة البنزين مش بايت كويس في مكانه او عايز يتغير (حصلت معايا)

**MMamdouh** · 02-09-2013 12:07 PM

شوف التسريب جاى منين الاول.... هما اللى قالولك خرطوم الفايظ بصوا على العربية اصلا؟؟

MMamdouh

**مصطفى-حسن** · 02-09-2013 12:31 PM

هقولك على اختبار بسيط
ارفع الشلتة بتاعة الكنبة الى ورا
وارفع الغطا الفبر اللى مغطى على طرمبة البنزين
وروح مون للاخر وانت قاعد جنب طرمبة البنزين
وقلى اية ملاحظاتك

**ZOoOoMA** · 05-09-2013 09:19 PM

المشاركة الأصلية كتبت بواسطة zaza2002

طب ممكن حضرتك تكملنا بقية الاختبار يعنى لو طلع بنزين يبقى عيب ايه لان انا احيانا لما افول لاخر الزور بشم ريحة بنزين داخل العربية وبعد كده بتروح ولك جزيل الشكر....

ده بيكون عيب جوان طرمبه البنزين عايز يتغير و ده جديد ب حوالي 10 او 15 جنيه

بس انا عايز اعرف الاقي قين خرطوم الفايز؟؟