اقتباس المشاركة الأصلية كتبت بواسطة Y a r i s مشاهدة المشاركة
لا يا خلودة مش كلهم
التعميم غلط ... ده في خليجيين غلابة ... وفي منهم الملتزمين وفي منهم المصليين وفي منهم نسبة كبيرة مبيسبوش فرض ربنا والصلاة بتتصلى في وقتها وصيام وزكاة ويحب الخير لكل الناس ... بس الحالة الي احنا قدامها دي اسمها بطررر ... يعني فيها ايه. لو دفع الفلوس دي مهر وراح اتجوز. اشهر فنانة او مطربة لبنانية ولا راح اتجوز بنت فرز اول كده من المغرب. ... من البنات الحلوين الي كده بياض على حمار على حلاوة بقلاوهة ... وباكو واحد من الفلوس دي وهيا ترقصلك وتغنيلك وتدلعك وتهننك كمان. ومش بعيد تدلكلك كتافك ورجليك كل يوم .

يعني الفلوس دي كفيلة لاعادة اعمار العراق. ... كفيلة لحل مشكلة مقديشو ... كفيلة لاعادة اعمار بولاء. وعمل مترو معلق وتيلي فريك في امبابة هههههه وتحياتي
الفلوس دي كفيلة انها تجيب لي طقم جنوط وكاوتش جديد من اللي نفسي فيهم ههههههه

والله ياباشا انا عيشت معاهم يجي 11 سنة ومش كلهم زي ما انت قولت كدا...فيه منهم غلابة ومحترمين جدا وناس تعرف ربنا..بس للأسف أغلبيتهم مش كويسيين..عشان كدا ادو انطباع للعام كله انهم مفتريين ومش بيحافظو على نعمة ربنا ومبذرين..ياراجل كنت معزوم على فرح واحد هناك انا ووالدي..طبعا التيوس مدبوحة ورز أصفر بقى وكبسة..يعني وليمة كبيرة..المهم كلنا أكلنا والحمد لله..واتبقى في الآخر كمية أكل كبيرة بغباء على ربع خروف على مش عارف ايه..
عارف عملو ايه؟
لم في أكياس كبيرة وعلى الزبالة وارمي
ياخي دا كفر بنعمة ربنا..على الأقل اديهم لعمال النظافة الغلابة ولا اديهم لحد مسكين مش لاقي ياكل ولا عمره شاف اللحمة..او على الأقل حطهم في التلاجة عندك واقعد افطر واتغدى واتعشى من الأكل دا شهرين ولا حاجة واهو توفير بردو هههههه.
احنا العرب والله نستاهل اللي يجرالنا..ناس في الصومال بيموتو من الجفاف والجوع..وفي سوريا بيتدبحو زي الفراخ..وناس تانية تسهر في الكابيرهات وتسكر ويرمو الأكل في الزبالة ويفحطو بعربيات تحلم حتى تشوفها من بعيد.

وبجد بجد ربنا يستر ومينزلش غضبو علينا كلنا وياخدنا بذنب ناس تانيين.