السلام عليكم
ياريت لوحد يعرف قيمه اتعاب محامى لعقد ابتدائى لبيع شقه بتكون كام
ولما اسدد كل الاقساط فى العقد النهائى هياخد برده فلوس ولا ايه النظام
عرض للطباعة
السلام عليكم
ياريت لوحد يعرف قيمه اتعاب محامى لعقد ابتدائى لبيع شقه بتكون كام
ولما اسدد كل الاقساط فى العقد النهائى هياخد برده فلوس ولا ايه النظام
ياشباب اى رد طب المحاميين يعنى اكرمشه 20 جنيه فى ايده ولا ايه :C_laugh[1]:
استاذ عمرو اكسيل هيجبلك الزيتونه
500 عن تجربه
متجيبو نموذج عقد جاهز من أي مكتبه وتضيفو عليه عدد دفعات التقسيط وقيمتها وخلاص.
شوف كده حاجه زي دي
http://www.mostsharak.com/........s_10.html
500 لو هيخلص كل الورق والمحكمة وصحة التوقيع
اما لو جلسة عقد ابتدائى فقط بتبقى ب 100 ل 200
والله ياباشا انا مش فاهم حاجه خالص من اللى انته قولته هههههههههه هوه الحوار كله على عقد عليه تفاصيل البيع والاقساط ومختوم بختم المكتب وبالنسبه لما تنتهى الاقساط هيسجلى فى الشهر العقارى وبعدين ده اتحاد ملاك وانا روحت المحافظه وشفت اعلان محضر الاتحاد وترخيص البناء حتى الموظفه كانت قالتلى بالعقد الابتدائى اللى هيكون معايا هتضفنى على قايمه اعضاء الاتحاد فى المحضر اللى موجود بالحى بيتهيالى كده كفايه ولا لازم صحه توقيع على العقد الابتدائى والف شكر ليك على الرد ياباشا
المحامى بيستعلم عن المستندات اللى هتشترى بيها أول حاجه....يعنى لو توكيلات بيتأكد انه سارى وان أطرافه على فيد الحياه وقت العقد ويتأكد من تسجيل الشهر العقارى او صحه أحكام الصحه والنفاذ.....
الخطوه التانيه بيكتب ليك صيغه العقد حسب الإتفاق بينك وبين البائع وطريقه الدفع وبيثبتلك جميع حقوقك وحقوق البائع والتزاماتكم.
الخطوه التالته بيرفع دعوى صحه توقيع لو مش هتسجل شهر عقارى عشان النسبه بتاعه التسجيل مثلا ..
الرابعه انه لما الحكم ييصدر يجيبلك العقد مختوم من المحكمه ومعمول ميكروفيلم وبعد فتره قصيره حكم المحكمه مطبوع بصحه التوقيع على العقد...
الليله دى على بعضها بياخد فيها فى حدود 500 ل 600 أتعاب ومصاريف وإن كان الأمر لا يخلو من انه يقلبك فى 100 كمان بأى حجه....
وعلى فكره مفيش حاجه اسمها ختم مكتب المحامى على العقد.......هو بس بيكتب العقد كمبيوتر وبيحط الهيدر والفوتر بتاعه عالورقه واى لوجو ويقولك العقد على مطبوعات المكتب....
نصيحه أخيره...
خللى البايع يعمللك توكيل خاص بالبيع للنفس وللغير والتوكيل للغير والتعامل مع الكهرباء والغاز والتليفونات وكل الجهات الحكوميه فيما يخص الشقه موضوع العقد.عشان تغير العدادات بإسمك .
500 جنية عن تجربة