عرض للطباعة
يا جماعة تحية طيبة
اتفرجت عند عز العرب عن الدفعة الاخيرة
وكان فيها حجات متغييرة
زى شعار العربية بقى اسود فى فضى يعنى مش داخل فيه ازرق او اخضر
الجنوط ليه اتغييرت؟؟؟
بصراحة يعنى شىء انا مستغربلة جدا
ازاى التوكيل بيبع اغلى من المعارض
يعنى ال GEN.2 Auto Sport 94500
في حين انها برة عند المعارض ب 93500 فرق باكوو
يا جماعة اللى اشترى العربية وفيها الملاحظات ديه يطمنا
الصور من كاميرتى وتعديلى الخاص
http://www.geocities.com/zimofox/Gen2.jpg
http://www.geocities.com/zimofox/Gen1.jpg
تحياتى
الصور مش ظاهرة يا زيمو
لا ظهرت دلوقتى .... سورى
الصور ظاهرة ولا لا يا جماعة
أستاذ زيموس
بالنسبة للشعار
تم تغيير الشعار إلى اللون الداكن مع نزول موديلات 2008
بالنسبة للجنط
هو ده الجنط اللي نازل منذ موديلات 2007
إنما الجنط اللي أنت قصدك عليه
ده الجنط القديم لغاية 2006
شكرا
تعرف انا فكرت مرة فى العربية لما شفتها فى معرض بالاسكندرية
لما دخلت المنتدى وشفت ابداع الاعضاء فى قسم البروتون وعلى راسها انت يا توت
حبيت الموضوع اكتر
لاقتنى رحت اتفرجت عليها عند عز العرب ولاقيت نفسى بطلع الفلوس وبحجز بيها
ولما رجعت لاقيت مزاجنجى بيه حبيب قلبى اللى فرقتنا مشاغل الحياة منذ سنوات اتفائلت
بس للاسف اخويا غير راضى على اختيارى ويفضل الهوندا سيفيك
فا مش عارف اغير رايه ازاى تخيل انى كنت ناوى فى الاول على الياريس
وبعد كدا دخلت فى موود الكورولا الجديدة وبعد كدا الهوندا شوف بقه العربية دية شدتنى من الوحوش دول واللع العظيم معرفش ازاى
انت رايك ايه بالامانة وبدون تحيز
بُص هوندا سيفيك ........... و جين 2اقتباس:
المشاركة الأصلية كتبت بواسطة ZIMOFOX
فرق كبير قوي في السعر ........ يعني تقريبا الضعف ..... تقريبا
السيفيك إسم كبير ........... و موتور أقوى من موتور الجين 2 تقريبا ب 12 حصان
و طبعا صالون السيفيك فخم و افخم من صالون الجين 2
بس هل فرق السعر يستاهل معاك ؟؟؟
معي أنا ......... لا يستاهل
ليه ؟؟
علشان الفرق في الأداء مش كبير قوي
فرق الصالون اللي لصالح السيفيك مش فارق معايا
فرق الإسم ............ و لا يفرق نهائي معايا
فرق الفلوس ......... يفرق قوي معايا خصوصا إن الأداء متقارب
يعني هادفع ضعف الثمن ......... و مفيش فرق كبير هاخده
بس برضه أرجع و أقول إن السيفيك ....... برستيج تاني
يبقى أنت مستعد تشتري عربية غالية و قطع غيارها غالية مع كل مميزتها ...... و عيب إنخفاضها و قربها الشديد من الأرض
يبقى أتكل على الله و هات السيفيك
لو عايز مميزات السيفيك ............ مع سعر أقل و صالون أقل
و شكل أجمل ( من وجهة نظري الشخصية ) هات الجين 2
ده حتى كماليات الجين 2 تقريبا أكثر
بس أوتوماتيك السيفيك أفضل كثيرا من أوتوماتيك الجين 2
و أنا كنت بفاضل بين أثنين مانوال
لو فرق الفلوس مش فارق معاك ......... هات سيفيك لو أنت مرتاحلها
توت باشا ممكن مقارنة سريعة كدة على الماشى بين جين 2 :scooter:و المرسيدس:3gears:
اوعة تزعل انا بهزر معاك :freakedout:
الهوندا معروفة انها high reliability و قطع غيار معمرة جدا
بس كفاية كدة عشان الصلاة
طيب يا توت فيه ناس تقولك طب ما تزود كام ألف وهات لانسر يابانى وموتور أقوى ومش عارف ايه ، ردك ايه عليهم ؟؟
السلام عليكم... رمضان كريم
الهوندا لايمكن يختلف عليها اثنين طبعا عربية قوية الاحتمال جدااا من بداية تاريخها وانا كنت باشترى كانت الهوندا وسكودا A5 امنية واخذت افاضل بدون منتديات مع نفسى وكانت الهوندا القديمة 2006 مش الشكل الجديد كان لسة منزلتش وكان على اساس عربيات معمرة ومستوى جيد من التجهيزات وعائلية حتى علمت بالجين2 من خلال النت موقع بروتون وكانت لسة منزلتش فى التوكيل لما سالت عليها عرفت لسة مش هاتنزل ,,,,,تعطل الشراء حتى علمت بنزولها ورحت جربتها مع ماقرات عنه... لقتنى صرفت نظر عن كل العربيات وخصوصا السعر لانى كنت متوقع انها هتنزل غالية من امكانيتها الجبارة لكن عقلى توقف معها تماما مش عشان شكلها الجميل لكن كماليات وامكانيات بنصف سعر الى نفسى فية لية لا اجرب وشركة اسلامية ربنا يجعلنا سبب مثلهم فى نهضة الامة الاسلامية ولم اندم ولا لحظة حتى الان بالعكس اعجب بها اكثر واحترمها اكثر
وللعلم لى صديق اشترالهوندا نفس الكماليات بل جين 2 اكثر 139000 وقت ومكنا بنشترى مع بعض ..وبرضة غير المساعدين الامامى بعد 40000 فى الضمان وحاجات تانية طبعا دنيا تكنولجيا العربيات الجديدة مع كل احترامى للعمالقة تجعلهم يقعوا فى هفوات كمان دايما الى بيجى بلدنا الحبيب تقفيل خاص وكماليات محدودة واسعار مستغلة دة الى عجبنى فى جين2 الجميلة ربنا يوفق :svengo:
سبحان الذى سخر لنا هذا وماكنا لة مقرنين وانا الى ربنا لمنقلبون
عندي انا يا عم توت معلش ... انا ها اعرفة غلطةاقتباس:
المشاركة الأصلية كتبت بواسطة tutankhamoun
بكرة ها نزلة ويندوز جديد و انتي فيروس و ها العبة كل الالعاب :laugh6:
و انا بأكد كلامك على الرغم من اعجابي الشديد المتفجر بهوندا سفيك الا اني باكد معاك على موضوع قربها من الارض ..... العربية وطية وطية يا رجالة :sifone:
يعنى تقدروا تقولوا مفيش مطب مصري من اياهم الا لما بتاخدة بالاحضان ، و هتلاحظوا دايماً كل لما تعدى عربية من جنبكم بصوا على العتب .... هتلاقوة واخد البركة .
غير كدة .......... فالهوندا هوندا يا شــــــباب ، و ثانيا ً اية اللي جاب الملوخية للسبانخ ، و لا عشان كلة عند العرب جرجير :sifone:
السلام عليكم
يا جماعة أنا مش بقارن بين سيفيك و جين 2
ده أولا
أنا بتكلم عن المبدأ
أداء متقارب ........... فرق سعر كبير جدا ......... فرق في خامات الصالون
يبقى أنا أروح للي هايوفر فلوسي
يعني أنا لو معايا 150 ألف جنيه و عايز أشتري عربية
هافكر في كل المتاج في السوق ...
عربية ب 90 ألف مثلا بتقدملي كل اللي هاخدوه من عربية ب 150 ألف جنيه غير البرستيج الزيادة
يعني أنا بشتري ماركة + جودة أحسن قليلا + صالون أفضل
ب 60 ألف جنيه زيادة !!!!!!!!!!!
أدام لقيت عربية بجودة معقولة + كماليات معقولة + منتشرة +
يبقى أيه اللي يخليني أدفع المبلغ الزيادة ده ؟؟؟
أرجوا أنكم تكونوا فهمتوني
بغض النظر عن الجين 2 و السيفيك
بس سؤال الراجل كان عليهم و بيأخد رأيي و أنا قلت رأيي
لانسر عربية محترمة و عملت مبيعات ممتازة في السوق المصرياقتباس:
طيب يا توت فيه ناس تقولك طب ما تزود كام ألف وهات لانسر يابانى وموتور أقوى ومش عارف ايه ، ردك ايه عليهم ؟؟
بس برضه الفرق مش كام ألف
الفرق في السعر كبير .......... ده كان أولا
طيب بالنسبة لي
هل الفرق ده يستاهل إني أضحي بعربية عاجباني ؟؟ و هاتقضي تقريبا نفس الأداء !!!
اللانسر منتشرة إنتشار فظيع ............. مع تميزها كسيارة و لكنها غير متميزة في الشارع إطلاقا
و بعدين كلمة ياباني و الماني دي ........ بتجيبلي الضغط
مش بحب أسمعها ......... الناس محسساني إن الناس دي بتعمل اللي ما يتعملش
يعني هجيبلك مثال
كل لما حد يسأل على الهوندا سيتي مثلا و الياريس
تلاقي سبب من أسباب تفضيل الياريس على السيتي
أنا ياباني ........... و السيتي تايلندي
مع أن مفيش حد أشتكى من السيتي !!!!!!!!!!!!!!!
ثانيا بقى و دي مهمة
لو الناس تمشي على طول ورا المشهور بس
مكنش اليابان باعت في مصر عربيات خالص
أنت فاكر زمان في أوائل الثمانيات و أواخرها كان هناك سيطرة من فيات و بيجو و الشركات الأوروبية على السوق المصري
و لو حد فكر يشتري عربية ياباني تلاقيه يشيل تريقة للصبح
و نفس الموقف ........... كوريا و ماليزيا دلوقتي
في الأخر العربيات دي مزاج
يعني لو واحد عاجبه عربية معينة ........ بيروح يشتريها
يشوف مميزتها ......... و عيوبها ......... و يدرسها
و في الأخر بيوازن ما بين كل ده ....... و أحتياجاته الشخصية من السيارة
و طبعا نرجع لسؤالك
السعر عامل من عوامل المقارنة و عامل مهمم خصوصا لما تكون هاتاخد نفس القيمة المادية مقابل أموالك
فأنا شايف إن الجين 2 صفقة ممتازة مقابل سعرها
يمكن لو كانت في سعر العربيات الياباني ال 1600
كانت ممكن تبقى صفقة عادية جدا و هنا كنا هانطلع السعر كعامل خارج المنافسة و تبقى المقارنة على العوامل الأخرى فقط دون السعر
بس و شكرا
كلام توت مظبوط 100%
انا بصراحة من عشاق الهوندا بس هى بلدنا بصراحة ماتستاهلش ان الواحد يركب عربية غالية فيها و تتبهدل من الطرق الوعرة اللى بنمشى فيها