حادثة ريو 2013 واسعار قطع الغيار

السلام عليكم ياشباب كيا والريو الجديده تحديدا عملت من اسبوعين حادثه في عباس العقاد كنت ماشي علي الشمال وفجأه علي الملف الي عند جاد واحده سايقه ناحيه اليمين قررت انها تلف شمال مره واحد من غير اشاره وبدن ماتنتبه ليا ولا حتي هدت السرعه المهم قضاء الله حصل ولبسنا في بعض الاضرار كلها عندي من الناحيه الاماميه يمين
1 - فانوس أمامي وسعره 1800 جنيه
2 - مقص امامي يمين وسعره 950 جنيه
3 - الاكصدام الأمامي كان ممكن يتعمل ويتسمكر بس احنا غيرنا الاكصدام وسعره 1450 جنيه
4 - رفرف أمامي يمين وده برده اتغير وسعره 1050 جنيه
5 - شبكه أماميه وسعرها 550 جنيه
ده غير تكلفة الرش والسمكره والمصنعيات الي هتوصل لي 2300 جنيه
طبعا الشغل كله في التوكيل

الحمدلله طبعا ان الواحد طالع سليم وقدر الله وماشاء فعل والحمدلله بس عايز اعرف من الساده الأعضاء لو قيمنا أسعار قطع الغيار هتكون ايه غاليه ولا عاديه

الف حمد لله على السلامة يا بشا و فداك 10000000 عربية و يعوض عليك ربنا ... الأسعار بالنسبة للتوكيلات و الهبل الي بيحصل فيها طبيعي و مفهوش أي اندهاش لأنك لو كنت عمل الدوكو و السمكرة بره كامن هتكلفك ربع المبلغ ده و أقل كمان ... بس لو إنت مأمن عليها يبقى توكيل على طول أما لو لأ يبقى يعوض عليك ربنا ... آه معلش سؤال صغير كده الي خبطتك دي عملت فيهاااااااااااااااااا إيه بصراحه لأني من ساعت ما قريت الي انت كاتبه و انا دمي محرقلك أوييييييييييييييي ...؟؟؟

شكرا علي الإهتمام ياهيثم الحمدلله انا مأمن علي العربيه والي خبطتني هيه بصراحه قالتلي انا تحت أمرك ومستعده اصلحلك العربيه بس مش في التوكيل قولتلها شكرا انا الحمدلله مأمن ومش عايز منك حاجه بس عملنا محضر في القسم علشان التكلفه لما تعدي 5000 جنيه شركه التأمن بتطلب محضر شرطه والحمدلله علي كل شي بس لما تبص علي عربيتك وهيه موديل 2013 ومدعوكه بجد ربنا يبعدها عن كل الناس ويحفظ طريقهم يارب ويحفظ طريقك

اقتباس:

---

المشاركة الأصلية كتبت بواسطة Haitham Basha

الف حمد لله على السلامة يا بشا و فداك 10000000 عربية و يعوض عليك ربنا ... الأسعار بالنسبة للتوكيلات و الهبل الي بيحصل فيها طبيعي و مفهوش أي اندهاش لأنك لو كنت عمل الدوكو و السمكرة بره كامن هتكلفك ربع المبلغ ده و أقل كمان ... بس لو إنت مأمن عليها يبقى توكيل على طول أما لو لأ يبقى يعوض عليك ربنا ... آه معلش سؤال صغير كده الي خبطتك دي عملت فيهاااااااااااااااااا إيه بصراحه لأني من ساعت ما قريت الي انت كاتبه و انا دمي محرقلك أوييييييييييييييي ...؟؟؟

---

اسعار التوكيل غالية بس لازم تاخد شغل 100 / 100 و تقفيل مظبوط

ياباشا بالنسبة للست اللي خبطته هايعملها ايه ؟!
هي خبطته خلاص الموضوع حصل . يعني لو كلها علقة موت العربية مش هاتتصلح
خلاص حصل خير و ربنا مقدر كدة و اكيد ربنا بعد عنه حاجة وحشة
كان اي حد يلمس العربية كنت انزل و ازعق و اتخانق وممكن اضرب اللي خبطني بس اكتشفت ان كل ده ولا ليه لازمة حقي هايضيع (لو في فرصة انه يرجعلي) و ممكن اهزء نفسي و علي ايه
اللي ليه عندها هو يا اما يجي ضابط المرور (ده لو كان نزل من بيته اساساً) ويعمل محضر او يروحو القسم و يعمل مقايسة و معاينة و العربيتين يتحجزو في القسم و موال
او تدفعله حق تصليحها
او لو مش طايقها يدغدغلها العربية علي دماغها طالما مابتعرفش تتهبب تسوق بتنزل من البيت ليه

:C_laugh[1]:

اقتباس:

---

المشاركة الأصلية كتبت بواسطة mshmshm3

اسعار التوكيل غالية بس لازم تاخد شغل 100 / 100 و تقفيل مظبوط

ياباشا بالنسبة للست اللي خبطته هايعملها ايه ؟!
هي خبطته خلاص الموضوع حصل . يعني لو كلها علقة موت العربية مش هاتتصلح
خلاص حصل خير و ربنا مقدر كدة و اكيد ربنا بعد عنه حاجة وحشة
كان اي حد يلمس العربية كنت انزل و ازعق و اتخانق وممكن اضرب اللي خبطني بس اكتشفت ان كل ده ولا ليه لازمة حقي هايضيع (لو في فرصة انه يرجعلي) و ممكن اهزء نفسي و علي ايه
اللي ليه عندها هو يا اما يجي ضابط المرور (ده لو كان نزل من بيته اساساً) ويعمل محضر او يروحو القسم و يعمل مقايسة و معاينة و العربيتين يتحجزو في القسم و موال
او تدفعله حق تصليحها
او لو مش طايقها يدغدغلها العربية علي دماغها طالما مابتعرفش تتهبب تسوق بتنزل من البيت ليه

:C_laugh[1]:

---

هههههههههههههههه
والله رد زي العسل اكتر حاجة ضحكتني هي علقة الموت

ياعم كنت اديها على دماغها هي وعربيتها اللي يخرب بيت اللي بيخلى البنات تسوق

والله والله والله البنات اساساً مش بتمتحن سواقة في المرور وبتروح تتصور على طول
في وسايط كتير بتقول لك لأ البنات متدخلش تتبهدل في وسط السواقين !!!!!!!!!!!!!!

ده على اساس اننا كلنا سواقين جرارات وكساحات وهم الملاكي ؟؟؟؟ وتشوف البنت منهم تلاقيها جربوعة ههههههههههههههههههههههههه ههههه

ربنا ينور طريقكم ويسترها معانا كلنا وانا بصراحة لما بشوف واحده بتسوق باخد اول ملف يمين او شمال اي حته المهم ابعد عنها ولو الطريق مستقيم بركن على جنب استناها تعدي براحتها :C_laugh[1]::C_laugh[1]::C_laugh[1]::C_laugh[1]:

اقتباس:

---

المشاركة الأصلية كتبت بواسطة mohamed moataz

شكرا علي الإهتمام ياهيثم الحمدلله انا مأمن علي العربيه والي خبطتني هيه بصراحه قالتلي انا تحت أمرك ومستعده اصلحلك العربيه بس مش في التوكيل قولتلها شكرا انا الحمدلله مأمن ومش عايز منك حاجه بس عملنا محضر في القسم علشان التكلفه لما تعدي 5000 جنيه شركه التأمن بتطلب محضر شرطه والحمدلله علي كل شي بس لما تبص علي عربيتك وهيه موديل 2013 ومدعوكه بجد ربنا يبعدها عن كل الناس ويحفظ طريقهم يارب ويحفظ طريقك

---

على إيه يا باشا ربنا يعوض عليك و متشوفش أي حاجة و حشه أبداً و الحمد لله إنها جت على كده و إنك مأمن و عارف إحساسك و الله حصلت معايا قبل كده بس يا دوب كنت بطلع من المعرض و العربية خبطها تاكس بس هنقول إيه الحمد لله على كل شيء ... تقبل مروري

اقتباس:

---

المشاركة الأصلية كتبت بواسطة mshmshm3

اسعار التوكيل غالية بس لازم تاخد شغل 100 / 100 و تقفيل مظبوط

ياباشا بالنسبة للست اللي خبطته هايعملها ايه ؟!
هي خبطته خلاص الموضوع حصل . يعني لو كلها علقة موت العربية مش هاتتصلح
خلاص حصل خير و ربنا مقدر كدة و اكيد ربنا بعد عنه حاجة وحشة
كان اي حد يلمس العربية كنت انزل و ازعق و اتخانق وممكن اضرب اللي خبطني بس اكتشفت ان كل ده ولا ليه لازمة حقي هايضيع (لو في فرصة انه يرجعلي) و ممكن اهزء نفسي و علي ايه
اللي ليه عندها هو يا اما يجي ضابط المرور (ده لو كان نزل من بيته اساساً) ويعمل محضر او يروحو القسم و يعمل مقايسة و معاينة و العربيتين يتحجزو في القسم و موال
او تدفعله حق تصليحها
او لو مش طايقها يدغدغلها العربية علي دماغها طالما مابتعرفش تتهبب تسوق بتنزل من البيت ليه

:c_laugh[1]:

---

هو سؤال واحد الي عملته ده يغيظ و لا لأ ؟

الحمد لله انك سليم و فداك 100 عربيه ... قدر الله و ماشاء فعل
ان شاءالله ترجع احسن من الاول ... و لو احتجت اى مساعده انا تحت امرك فى اى وقت

اقتباس:

---

المشاركة الأصلية كتبت بواسطة Haitham Basha

هو سؤال واحد الي عملته ده يغيظ و لا لأ ؟

---

يغيظ !!! انا لو مكان صاحب الموضوع مش عارف رد فعلي ساعتها هايكون ايه :khd:
ياباشا انا خبط في واحد في تقاطع كنت بعديه و ماشفتوش
الاكصدام عندي دخل لجوة بس الدهان زي ماهو
كنت هاكله
مع اني انا الغلطان و الرفرف عنده ريح علي الباب
و رديت الاكصدام بالمية السخنة

هي غلطانة في بديهيات
مش مثلا كانوا علي طريق سريع و العربية عامت منها و خبطوا بعض

اقتباس:

---

المشاركة الأصلية كتبت بواسطة 2CODE

هههههههههههههههه
والله رد زي العسل اكتر حاجة ضحكتني هي علقة الموت

ياعم كنت اديها على دماغها هي وعربيتها اللي يخرب بيت اللي بيخلى البنات تسوق

والله والله والله البنات اساساً مش بتمتحن سواقة في المرور وبتروح تتصور على طول
في وسايط كتير بتقول لك لأ البنات متدخلش تتبهدل في وسط السواقين !!!!!!!!!!!!!!

ده على اساس اننا كلنا سواقين جرارات وكساحات وهم الملاكي ؟؟؟؟ وتشوف البنت منهم تلاقيها جربوعة ههههههههههههههههههههههههه ههههه

ربنا ينور طريقكم ويسترها معانا كلنا وانا بصراحة لما بشوف واحده بتسوق باخد اول ملف يمين او شمال اي حته المهم ابعد عنها ولو الطريق مستقيم بركن على جنب استناها تعدي براحتها :C_laugh[1]::C_laugh[1]::C_laugh[1]::C_laugh[1]:

---

الله يكرمك :C_laugh[1]:
اه والله عندك حق

الحمد لله انك بخير بس معلش فانوس ب 1800 جنية !! لية يعني

-دي أسعار عربيات ألماني مش كوري على ما تفرج

-ثم من شرح الحادثة مقص يبوظ لية هو بلاستيك ولا اية أعتقد حتة زي دي الواحد اخره 50=60كم-س و كل دي تلفيات لية السرعه كانت كام ؟

معلش انا مش فاهم قصدك يعنى ايه عربية كورى على ما تفرج انت محسسنى انه راكب عربية بحمار ده على اساس انها بتعقد معاك 5 سنين وبعد كده ترميها فى الزبالة ....... حاجة غريبة والله

اقتباس:

---

المشاركة الأصلية كتبت بواسطة MoH.SaLaDiN

معلش انا مش فاهم قصدك يعنى ايه عربية كورى على ما تفرج انت محسسنى انه راكب عربية بحمار ده على اساس انها بتعقد معاك 5 سنين وبعد كده ترميها فى الزبالة ....... حاجة غريبة والله

---

-يعني عربيات محدوده الكفاءة و العمر الافتراضي لقطع الغيار اللي هي كوري مغمورة مش Bosch ولا حاجه الماني معروفة دي MANDO و تعبانه و الثبات و و بعد خمس سنين لو استخدامك تقيل هترميها في التوكيل مش الزبالة من كتر الهلاك

-ده فيها قطع أغلى من عربيات اغلى منها مرتين و انا بقول كده عشان معايا عربية كوري برده و عارف اللي فيها يعني ايه تيل فرامل كوري ب 700-750 جنية لية مرسيدس يعني ايه علبة دركسيون بتبوظ بعد 40 ألف كيلو ب 10-11 ألف جنية من التوكيل

علبة دركسيون علي 40 الف !!

اقتباس:

---

المشاركة الأصلية كتبت بواسطة mshmshm3

علبة دركسيون علي 40 الف !!

---

-والنبي بلاش علامات تعجب عربية المهندس-سمير الشهاوي المنسق لقسم هيونداي النترا md جايبة علبة دريكيسون على نفس الكيلومتر ده و النترا hd بتجيب قطمة بعد 3 سنين و لا حاجة انا اعرف عربيات الماني توصل 200-250 الف بعلبة الدريكسيون الاصلي

-أصل في ناس بتسوق عربياتها و خلاص متبقاش عارفة علبة الدريكسيون بايظه و لا سليمة معلش انا فتاي أصلي

-عامة انا مش هجادل لان احنا اصحاب المثل المشهور لما تلاقي كده يقوللك "سيبة ده قطه جمل" و الكلام اتهرش على الكوري في المنتدي ة الناس أثبتت أنه الش و على فكرة انا معايا Accent RB بس بعرف أفرق بين العربيات

اقتباس:

---

المشاركة الأصلية كتبت بواسطة toty_305

-يعني عربيات محدوده الكفاءة و العمر الافتراضي لقطع الغيار اللي هي كوري مغمورة مش Bosch ولا حاجه الماني معروفة دي MANDO و تعبانه و الثبات و و بعد خمس سنين لو استخدامك تقيل هترميها في التوكيل مش الزبالة من كتر الهلاك

-ده فيها قطع أغلى من عربيات اغلى منها مرتين و انا بقول كده عشان معايا عربية كوري برده و عارف اللي فيها يعني ايه تيل فرامل كوري ب 700-750 جنية لية مرسيدس يعني ايه علبة دركسيون بتبوظ بعد 40 ألف كيلو ب 10-11 ألف جنية من التوكيل

---

الكورى محدود الكفاءة عشان اسمه كورى طب مجبتش سيرة ليه على الفرنساوى اللى محدود الكفاءة برده شوف كده اى حد معاه ميجان من اول 2005 واسأله ايه اخبار كفائة العربية وهو يقولك النهاردة مفيش حاجة اسمها كورى ومش كورى النهاردة فيه استاندرد عالمى و تجارب بتتعمل على العربية لقياس كل حاجة فيها لو الكورى تعبان اووى كده ماكنتش تلاقيه بيغزو اسواق اوروبا وامريكا لدرجة تخلى شركة كبيرة زى psa تعمل عربية زى301 عشان تحاول تنافس اى حاجة ممكن المشكلة اللى حصلت دى تكون مشكلة فردية ودا وارد يحصل لاى حد مش معنى كده ان كله سيئ انا برده مش حقولك ان الكورى زى اليابانى او الالمانى لانه فيه فرق طبعا بس هو كمستوى عام مرضى جدا ومتنساش انك مينفعش تاخد كل حاجة من العربية زى ما حتلاقى مميزات لازم تلاقى فيها عيوب

-انا مجبتش سيره التصنيع الفرنسي عشان مجتش فرصه

-فى اوروبا الكوري بيتجاب عشان عندهم الضمان بيوصل ل 7 سنين و كده كده بيغيرها على 5 سنين و تامينها و صيانتها ارخص ما يمكن و مليان اوبشن مش عشان اداء و كده

-الماركات الفرنسيه ألش باستثناء البيجو في كام موديل تمام

-الالماني لا غبار عليه و الكوري و الياباني بيقوم و ظيفته كعربيه متوسطة لكن اسعارهم و قطع غيارهم يكونوا زي الماركات الالماني لا نقطة من اول السطر سواء كوري او ياباني

التعميم فى الكلام مينفعش الالمانى ممتاز طبعا بس ده مش ختم يعنى مش اى حاجة المانى لازم تكون احسن من اى حاجة فرنساوى او كورى والا كنت تشوف انتشار العربيات الالمانى رهيب فى كل دول العالم يعنى عندك مثال دول الخليج الالمانى ملهوش مكان خالص هناك طب ازاى حتقولى عشان ضمان الكورى سبع سنين برده ياريت المقارنة تبقى موضوعية اكتر نتكلم فى نقط محددة ثبات عوامل امان كماليات اعتمادية مش مجرد فرق صناعة وخلاص ما عندك الكورولا الجنوب افريقى مثلا فيها مشاكل عندك النيسان صنى فيها مشاكل اينعم هما مش تقفيل يايانى بس الناس اشترتها عشان اسم العربية تويوتا او نيسان ومدورتش هيا متصنعة فين هل ده التفكير الصح

-الخليج مش بيجيبوا الماني كتيير معنديش فكرة ليه ممكن ثقافة شعوب بس اكيد مش عشان قلة الكفاءة بتاعتهم

-احنا عندنا بتركب الفئات الاقتصادية من جميع الماركات و غالية جدا و طالعين بيها السماء يعني الكيا اخرنا كارينز و سبورتاج و سيراتو فين الموديلات الفاخمة بتاعه كيا ....التويوتا بنركب كورولا و النيسان في مصر دي اصلا مش عربيات نسيان دي بواقي النيسان فين الالتيما و الحاجات العالية دي

-في اوروبا الناس تبعنا عايشة هناك و بيقولك ألش محدش بيجيبها غير عشان الضمان و كدة و الكوري مش كتيير يمكن قصدك امريكا اكتر شوية

-الثبات امان الكوري مقبول و ده في الموديلات ال Fully loaded مش الفاضية اللي في مصر يعني لما تتقارن Kia quoris ب BMW 5 series أو Honda Accord.....يعني الهوندا و الكيا في وجه بسيط للمقارنة لكن BMW غير.

-التطوير زي mmt أو DSG حاجات لسه جديدة بعدين يطلع فيها عيب صناعة و المشتري ينخدع في العربية طبعا ده شئ غير مقبول.


-الكماليات مش محتاجه مهارة يعني و سهل يملأ العربيات كماليات

ياه أسعار قطع الغيار غالية قوي .

دي أغلى من الجين 2 ؟؟؟ اللي الناس بتقول قطع غيارها موت .

عموما الحمد لله أنك بخير و عربيتك بخير .

أنا شايف أن اسعار التوكيلات بصراحة غالية قوي .

أنا عندي مثلا
فانوس أمامي 1450 جنيه مصري
أكصدام امامي 1050 جنيه بدون دهان
رفرف ب 480 جنيه بدون دهان
شبكة اكصدام سفلية 190
شبكة أكصدام علوية تقريبا 190
علامة أمامية 80 جنيه

أنا قلت أشاركك بأسعار بعض قطع الغيار اللي زي الي أنت غيرتها .

و ربنا يباركلك ... الريو عربية جميلة .

اقتباس:

---

المشاركة الأصلية كتبت بواسطة toty_305

-والنبي بلاش علامات تعجب عربية المهندس-سمير الشهاوي المنسق لقسم هيونداي النترا md جايبة علبة دريكيسون على نفس الكيلومتر ده و النترا hd بتجيب قطمة بعد 3 سنين و لا حاجة انا اعرف عربيات الماني توصل 200-250 الف بعلبة الدريكسيون الاصلي

-أصل في ناس بتسوق عربياتها و خلاص متبقاش عارفة علبة الدريكسيون بايظه و لا سليمة معلش انا فتاي أصلي

-عامة انا مش هجادل لان احنا اصحاب المثل المشهور لما تلاقي كده يقوللك "سيبة ده قطه جمل" و الكلام اتهرش على الكوري في المنتدي ة الناس أثبتت أنه الش و على فكرة انا معايا Accent RB بس بعرف أفرق بين العربيات

---

احنا بنتناقش اهدي بس و اشرب كركديه يهدي او كاكاو يرخي :C_laugh[1]:
بلاش علامة تعجب :C_laugh[1]:
علبة دركسيون بعد 40 او 30 ظهرت في عربيتك و عربية حد تاني من موديل تاني لكن مش عيب تصنيع زي ال dsg ممكن تكون بتسوق غلط يعني بتجري في طرق مكسرة مثلا
الالماني طبعا عربية ممتازة و ماتتقارنش لا بكوري ولا ياباني بس مش معني كدة ان الكوري وحش لا الكوري ممتاز و تفوق علي الياباني في معظم الماركات و الموديلات :C_laugh[1]:

-معلش كنت قافش شوية من البلد :Oc_sun1[1]: حقك عليا

-على فكرة لو بصيت على التقرير اللي مهندس-سمير عمله مع مع مدير مركز الصيانة غبور العبور هتلاقيه كان بيتكلم على العيب بتاع علبة الدريكسيون و في الالنترا hd حكاية القطمة ده العادي بتاعها بتبوظ بسهولة

-الكوري علم على الياباني ماشي لكن أسعارهم الاتنين هبل و أصبحوا زي الالماني المفوق عليهم شكلا و موضوعا

اقتباس:

---

المشاركة الأصلية كتبت بواسطة toty_305

-معلش كنت قافش شوية من البلد :oc_sun1[1]: حقك عليا

-على فكرة لو بصيت على التقرير اللي مهندس-سمير عمله مع مع مدير مركز الصيانة غبور العبور هتلاقيه كان بيتكلم على العيب بتاع علبة الدريكسيون و في الالنترا hd حكاية القطمة ده العادي بتاعها بتبوظ بسهولة

-الكوري علم على الياباني ماشي لكن أسعارهم الاتنين هبل و أصبحوا زي الالماني المفوق عليهم شكلا و موضوعا

---

مفيش حاجة مستاهلة
ان شاء الله ربنا يصلح الحال و الدنيا تهدي
صح فعلا الاسعار عالية جدا بس الفرق بين الكوري و الياباني و بين الالماني انك في الالماني بتركب قطعة الغيار بتنساها
الكوري و الياباني بتركبها من هنا و تقول امتي هغيرها تاني

اسعار عالية شوية فرأي

انا اسف اني مكنتش قادر ارد علي مشاركة اخواتي هنا في المنتدي لظروف السفر واحب اشكر جدا mohab555 لعرضه المساعده واشكر كل اخواتي الي شاركوني انا الحمدلله استلمت العربيه وبسم الله ماشاء الله مش باين ان العربيه كانت عامله حادثه خالص بس للاسف التوكيل فعلا مالوش في ظبط الزوايه خالص كانت زوايه العربيه مش مظبوطه وكانت بتعوم مني جامد بعد سرعة 100 بس الحمدلله ظبطها عند خالد الي في الحي السابع فعلا فنان بس في حاجه مجنناني شويه الحادثه حصلت وانا كنت ماشي علي سرعه في حدود 50 ولما شوفت المقص بعد اما اتفك لقيتوه معجون بكل ماتحمله الكلمه من معني معقول علي السرعه دي المقص يحصل في كده !!! الحمدلله وربنا يكفينا شر الطريق وشكرا لكل الي شارك معايا الموضوع وعرض مساعدته بجد شكرا ليكوا

اقتباس:

---

المشاركة الأصلية كتبت بواسطة mohamed moataz

انا اسف اني مكنتش قادر ارد علي مشاركة اخواتي هنا في المنتدي لظروف السفر واحب اشكر جدا mohab555 لعرضه المساعده واشكر كل اخواتي الي شاركوني انا الحمدلله استلمت العربيه وبسم الله ماشاء الله مش باين ان العربيه كانت عامله حادثه خالص بس للاسف التوكيل فعلا مالوش في ظبط الزوايه خالص كانت زوايه العربيه مش مظبوطه وكانت بتعوم مني جامد بعد سرعة 100 بس الحمدلله ظبطها عند خالد الي في الحي السابع فعلا فنان بس في حاجه مجنناني شويه الحادثه حصلت وانا كنت ماشي علي سرعه في حدود 50 ولما شوفت المقص بعد اما اتفك لقيتوه معجون بكل ماتحمله الكلمه من معني معقول علي السرعه دي المقص يحصل في كده !!! الحمدلله وربنا يكفينا شر الطريق وشكرا لكل الي شارك معايا الموضوع وعرض مساعدته بجد شكرا ليكوا

---

يا باشا لا شكر على واجب تحت امرك
بس قولى وديت العربيه انهى فرع فى التوكيل ؟؟؟ و الزوايا كانت بتعمل ايه معاك ؟؟؟

العربيه وديتها ابو رواش وقعدت معاهم 9 ايام بالظبط ولما خدت العربيه وانا راجع علي المحور بعد سرعه 100 لقيت العربيه بتعوم جامد وكمان بعد ماطلعت لقيت الطاره جايبه يمين شويه انا قولت ارجع بس بصراحه كسلت بس امانه ربنا انا اتصلت بيهم وقالولي هات العربيه نظبط زوايها تاني حتي سالتهم انتوا ظبطوها اصلا ولا لأ قالولي ظبطنها بس مش مشكله هاتها تاني

اقتباس:

---

المشاركة الأصلية كتبت بواسطة mohamed moataz

العربيه وديتها ابو رواش وقعدت معاهم 9 ايام بالظبط ولما خدت العربيه وانا راجع علي المحور بعد سرعه 100 لقيت العربيه بتعوم جامد وكمان بعد ماطلعت لقيت الطاره جايبه يمين شويه انا قولت ارجع بس بصراحه كسلت بس امانه ربنا انا اتصلت بيهم وقالولي هات العربيه نظبط زوايها تاني حتي سالتهم انتوا ظبطوها اصلا ولا لأ قالولي ظبطنها بس مش مشكله هاتها تاني

---

يانهار ابيض !!! ده انا رايح ابورواش الاسبوع الى جاى اعمل الصيانة و اضبط زوايا هناك علشان مقاسات الريو مش موجوده عند اى حد و كله بيظبطها على مقاسات ريو 2004 فبتطلع بايظه !!! انا بدأت اقلق من موضوع ابوروااش ده !!:nosebleed:

اقتباس:

---

المشاركة الأصلية كتبت بواسطة Mohab555

يانهار ابيض !!! ده انا رايح ابورواش الاسبوع الى جاى اعمل الصيانة و اضبط زوايا هناك علشان مقاسات الريو مش موجوده عند اى حد و كله بيظبطها على مقاسات ريو 2004 فبتطلع بايظه !!! انا بدأت اقلق من موضوع ابوروااش ده !!:nosebleed:

---

انا حاسس نفس الاحساس المهبب دة. ميعادى الثلاثاء ١٠ الصبح والمفروض اظبط زوايا
انا شايف ان واحد فينا يروح و يبقى يشرح للتانى بقى :M_yes[1]:

اقتباس:

---

المشاركة الأصلية كتبت بواسطة mostafaenany

انا حاسس نفس الاحساس المهبب دة. ميعادى الثلاثاء ١٠ الصبح والمفروض اظبط زوايا
انا شايف ان واحد فينا يروح و يبقى يشرح للتانى بقى :m_yes[1]:

---

هو حضرتك برده معاك ريو جديدة زى حالتنا و عاوز تضبط زوايا ؟؟؟ لو كده يبقى الاسبوع الى جاى ده اسبوع ضبط الزوايا العالمى لملاك الريو ..... حضرتك هتعمل حاجة تانى ولا زويا بس ؟؟؟
على العموم انا معادى يوم الاثنين ... و خلى بالك ابورواش فرع كيا الوحيد الى فيه ضبط زوايا دلوقتى .... ربك يكرم ان شاء الله و يسترها علينا

اقتباس:

---

المشاركة الأصلية كتبت بواسطة mohab555

هو حضرتك برده معاك ريو جديدة زى حالتنا و عاوز تضبط زوايا ؟؟؟ لو كده يبقى الاسبوع الى جاى ده اسبوع ضبط الزوايا العالمى لملاك الريو ..... حضرتك هتعمل حاجة تانى ولا زويا بس ؟؟؟
على العموم انا معادى يوم الاثنين ... و خلى بالك ابورواش فرع كيا الوحيد الى فيه ضبط زوايا دلوقتى .... ربك يكرم ان شاء الله و يسترها علينا

---

مهاب باشا انا ريو ٢٠١٣ هاتشباك رايح عشان اظبط زوايا ة العربية بتدلع بعد ال ١٠٠
واضح ان احنا هندخل الجنة بسبب العربية دى ربنا يستر ابقى طمنى بقى

اقتباس:

---

المشاركة الأصلية كتبت بواسطة mostafaenany

مهاب باشا انا ريو ٢٠١٣ هاتشباك رايح عشان اظبط زوايا ة العربية بتدلع بعد ال ١٠٠
واضح ان احنا هندخل الجنة بسبب العربية دى ربنا يستر ابقى طمنى بقى

---

حبيب قلبى يا مصطفى بيك ...هروح ان شاء الله و هاقولك على الى حصل لما ارجع ان شاء الله

[QUOTE=toty_305;3875164667]-دي أسعار عربيات ألماني مش كوري على ما تفرج

-ثم من شرح الحادثة مقص يبوظ لية هو بلاستيك ولا اية أعتقد حتة زي دي الواحد اخره 50=60كم-س و كل دي تلفيات لية السرعه كانت كام ؟[/QUOTE


انا جبت المرايا بتاعة فورد فيستا ب 70000

وانت تقلى المانى

فانوس الباسات بحوالى 11000

المرايا بكام يا باشا ؟؟