الموضوع: زيارة مقر حماية المستهلك

المشاركة الأصلية كتبت بواسطة seeworld

انا مش عارف اية الهجوم القوى دا على الاليزية
العربية معايا بقالها شهرين وعامل بيها 8 الاف كيلو دلوقتى ووالله العظيم مبهدلها حرق وسفر وجرى ومطبات حاجة محترمة تحسسك انك راكب البيجو 504 بتاعة زمان وتكييفها تمام
هو لية علشان تصادف مشكلة او اتنين او حتا 10 الناس كلها تقوم عليها مصنع بيتتج بالملايين لما تيجى فيهم 10 عربيات مثلا خلاص كدا يبقا دى شركة فاشلة بجد مش عارف الناس اللى بتهاجم دى ركبت كام عربية فى حياتها وكام ماركة علشان تهاجم ماركة زى محترمة انا راجل عايش فى الخليج ومش خليت عربية مش سوقتها والستروين براند محترم بجد
ياريت الى يتكلم يقول العيب فى اية يمكن ققدر اساعده انا معايا العربية والاستاذ مراون برده معاة العربية ومش بنشتكى من حاجة

في 5 مواضيع على الاقل عن المشكله الي في العربيه بس حضرتك مش متابع. وكلنا هنا بنفهم في العربيات الحمدلله وامتلكنا عربيات كتير والحمدلله فبالنسبه لينا الاليزيه عربيه عاديه. حضرتك شايفها حاجه واااو فده لنوعية العربيات الي حضرتك ركبتها.

بالمناسبه في اي بلد محترم لما بيظهر مشكله في عربية الشركه بتسحبها مش يطلع الناس الي ماعندهاش مشكله تقول مش مشكله ويلبسهالهم.
عندك اقتراح كويس اتفضل قوله. ماعندكش يبقى الله يكرمك الناس مش ناقصه حرقة دم في فلوسها الي اترمت في الارض

المشاركة الأصلية كتبت بواسطة hamaka

يا جدعان استهدوا بالله ، انتم عمالين تتخانقوا على ايه ، الراجل أكيد ميقصدش حاجة وحشة ، و
المهم مشاكلكم تتحل ، و أنا بس عايز أقولكم معلومة ان استحالة حماية المستهلك يلزم التوكيل انه يرجعلكم فلوسكم لو كان التوكيل عنده حل للمشكلة ، و ده اللى خلى معظم الناس هنا ينصحوكم تروحوا مرة أخيرة تجربوا الكلام اللى نزل ده عشان انتم قبل غيركم ترتاحوا ، و حتة الأنتقام من التوكيل أو انكم تذلوه للاسف مش هيحصل (و أنا نفسى كل توكيل عربيات فى مصر يتذل بصراحة عشان كلهم نصابين و حرامية بنسب و كفاية المصنعيات اللى بياخدوها و حركات الأوفر برايس ، خصوصاً غبور بيه) بس ده عمره مابيحصل لاننا للأسف فى مصر ، أنا مقصدش أهبط فيكم طبعاً ربنا معاكم بس انا فعلاً صعبان عليا واحد يبقى دافع قد كده و قاعد بيعانى و يمكن الحل يكون موجود ، هى حاجة تحرق الدم فعلاً فا ربنا معاكم و يعينكم....

+111
دا نفس رأيي ونفس اللي قلته قبل كدا,
ولو كان التوكيل غلط قبل كدا مش عيب إني أسامحه وأروح له لو بقي عنده حل جديد دلوقتي, عشان أحل مشكلتي اللي عملت شكوي بسببها بدل ما اعطل نفسي اكتر لحد ما الجهاز يرد عليا. وفي الاخر برضه الجهاز هيبعتها للتوكيل,,

ومش هتبقي ذلة ليه ولا ضربة قلم مثلاً. فا ليه أضيع وقتي لو انا عرفت إن فيه أبديت جديد أو حل لمشكلتي.؟!!
وكل او اكتر توكيلات مصر بتكذب, وبتشتغل العملاء. وكلنا بنشتكي,, ونشتم ونقول أخر مرة نروح,,
ونروحله تاني,,, علي الحلو والمر بتاعه,, عشان كدا كدا محدش فينا يقدر يستغني عن التوكيل دلوقتي او قدام,, سواء في أعمال صيانة أو ضمان.! لو حصل حاجة تانية لعربية أي حد لقدر الله.

كل اللي بنتكلم فيه انكم توفورو وقتكم لو فيه جديد عنطهم وتاخدو راحتكم مع العربية,,

ومحدش بيعيب في اللي عندهم مشاكل ولا بيكذبهم, أحنا بنقول ربنا عرفوة بالعقل,, انا كان عندي مشكلة وروحت للتوكيل عشان يحلها ومكنش عارف يحلها او مكنش عنده علاج لسه فأشتغلتي,, ودلوقتي لما بقي عنده حل أعانده ومرحلوش.؟!!
وأفضل مضايق من نفسي ومن عربيتي أكتر وأحس إنها معيوبة وأركنها, ولا أمشي بيها من غير تكييف في الصيف وهيا زيرو.!!
ولا أروح وأخده وأجربة يمكن يكون فيه حل لمشكلتي,,


كلنا بندعي لكم تتحل المشاكل الل في عربياتكم قريب, سواء مع الجهاز أو التوكيل
وكل واحد بيقول رأيه اللي شايفه مناسب لحل المشكلة, ومحدش بيعيب فيكم.

وانتو في ايديكم القرار , بالتوفيق في كل مشاكلكم.