زيارة مقر حماية المستهلك

**hamaka** · 13-09-2013 12:32 PM

المشاركة الأصلية كتبت بواسطة asuity

استلمت العربية والحمد لله (الى اﻻن) العربية اتظبط وده تطور نوعي كبير جدا من عز العرب.
قابلت امبارح اتنين من اكثر الشخصيات احتراما المهندس محمد غازي والمهندس امر الكوافي شخصين رائعين وقمة اﻻحترام وفاهمين ازاي يكسبوا العمﻻء.
عموما وكما اتفقنا طبقا ﻻوامر حماية المستهلك العربية هتكون تحت المﻻحظة لمدة اسبوعين للتجربة وان شاء الله تكون العربية عند حسن الظن.

والله المستعان

ألف مبروك يا باشا و ان شاء الله العربية تفضل كويسة معاك و تتبسط بيها ، و بخصوص المهندس محمد غازى أنا اتعاملت معاه شخصياً و هو فى منتهى الاحترام أقوال و أفعال و بيعرف فعلاً يكسب العميل بتاعه ، مش يقولك احنا تحت امرك و فى الاخر مفيش فعل ، مهندس امر أنا معرفوش و متعاملتش معاه بصراحة...

أما بالنسبة لعيب العربية فا ده كده معناه انها كانت مشكلة سوفت وير فعلاً مش أى حاجة تانى الحمد لله ، ربنا يباركلكم فيها....

**zooma2009** · 13-09-2013 05:49 PM

المشاركة الأصلية كتبت بواسطة asuity

هو يا باشا .. والله انا ليا ان العربية تظبط عشان انا شوفت الويل في العربية دي. عموما الحمد لله العربية كانت طبيعية من الصحراوي لغاية البيت والدنيا كانت زحمة وحر وكانت كويسة ربنا يديمها نعمة.

دعواتكم

والله يا باشا انا فرحانلك اوي

يارب تبقي المشكله اتحلت نهائي وتتمتع بعربيتك , لأن بجد العربيه دي خساره

يارييت تطمنا كلنا

**amrelsaqqa** · 13-09-2013 06:13 PM

الف مبروك يا رجالة
وعايزين نطمن على استاذ اسلام برضه عمل ايه في عربيته ؟

**Mohamed_Hamid** · 13-09-2013 10:00 PM

قلتلكم ابشروا خير ان شاء الله :) الف مبروك وربنا يرزقكم خيرها ويكفيكم شرها

**Haitham G** · 13-09-2013 10:46 PM

مبروك يا باشا وعقبال باقى الاعضاء ان شاء الله

**MaZaGAngeE** · 13-09-2013 10:51 PM

ايه الاخبار يا شباب ؟

**S.Hasan** · 14-09-2013 01:35 AM

الف مبروك وعقبال لما نطمن علي بقية الرجالة

**mohamed zizo** · 14-09-2013 04:17 AM

المشاركة الأصلية كتبت بواسطة asuity

هو يا باشا .. والله انا ليا ان العربية تظبط عشان انا شوفت الويل في العربية دي. عموما الحمد لله العربية كانت طبيعية من الصحراوي لغاية البيت والدنيا كانت زحمة وحر وكانت كويسة ربنا يديمها نعمة.

دعواتكم

ان شاء الله تدوم يا ابوحميد ... والمره دى تبقئ الاخيرة والعربية تبقئ زاى الفل .... وعقبلنا انا واسلام

**asuity** · 14-09-2013 09:24 AM

الحمد لله العربية لغاية دلوقتي ماشية تمام. ان شاء الله كل مشاكلنا تتحل.
بصراحة لما قابلت المهندس غازي حسيت ان لسة في امل في عز العرب.

والله المستعان

**Ahmed Amin** · 14-09-2013 08:37 PM

كان نفسي أحط الصورة دي من يوم ما أستاذ أسيوطي راح عمل السوفت وير أبديت الأخير,
بس مكنتش لاقيها,, و لاقيتها من شوية

عشان تعرف بس إن كل الأعضاء هنا كان همنا وهدفنا إن مشكلتكم تتحل,,
وحضرتك كنت متحامل علي بعض الأعضاء بردك دا,,
http://www.nilemotors.net/Nile/37619...post3875171127

وأحنا كلنا مقدرين الزعل اللي أي حد بيحسه لما بيجيب عربية جديدة وفيها مشكلة أو عيب,
بس أحنا المفروض ناخد بالأسباب,
وكان لازم لما يبقي فيه جديد زي ما أستاذ seeworld وضح تروحو وتاخدوة,,

خصوصاً أن من الموضوع كان واضح أنها مشكلة سوفت وير وليست مشكلة ميكانيكا لأنها تغيرت مع تغيير السوفت وير مع أسلام عفيفي لمحاولة حل المشكلة,, وأنتهت كلياً مع seeworld بأخر أبديت, دا طبيعي في أي عربية بتنزل السوق لأول مرة ممكن ينزل لها أكتر من أبديت في أول سنة ليها في السوق, بعد كدا بيبقي كل سنة,,

كمان مشكلة التكييف محصلتش في البيجو 301 وهما الأتنين خارجين من نفس المصنع بنفس الأجزاء الميكانيكة والعفشة بالظبط..

عمتاً مبروك يا أستاذ أسيوطي علي حل المشكلة,, وأحساسك بالعربية الجديدة من غير مشاكل,,
وعقبال ما بقي الأعضاء الكرام يروحو ياخدو السوفت وير ابديت الأخير اللي حضرتك و أستاذ seeworld أخدتوه,,