مشكلة : اسرق فلوسوا واكلها عليه ولا ارجعهالو وأمري لله !!

**Y a r i s** · 02-09-2013 06:45 PM

ارجعلوا فلوسوا ولا اكولها عليه وخلاص وامري لله !

الموضوع باختصار جتلي مكلمة من واد فلاح طالع من وره الجموسة طازة ... قال ايه الواد غلبان يا عيني ... المهم بيقولي ايه حضرتك يا حاااج بعتلك. فلوس بالغلط وحياة عيالك ياشيخ لا ترجعالي. وحيات ابوك يا شيخ. وحياة عنيك محتاجهم ضروري وانا اقولوا يا ابني مفيش حاجة جتلي وهو لا انا بعتهم ... المهم بعد ما يسك معاك بعديها بدقيقتين تلاقي مسج جالك انوا تم تحويل لك مبلغ ١٠ جنية

فيرجع يتصل الافندي عاوز ال ١٠ جنية بتاعتوا طبعاً انتا بكل امانه تبعتلوا ال ١٠ جنية
يرجع يتصل بيك. بعدها ٢٠ مره وكل شوية يقلك موصلنيش حاجة. ويقعد يسبك يشتمك ويقل ادبوا ويدعي عليك وانتا ضميرك ينقح عليك. لغايت ما تكون بعتلوا او حولتلوا ١٠ مرات ال ١٠ جنية بتاعت امووو. الي بعتهالك في البداية .

@@@@@@@@@@@@@@@@@

المهم الموضوع ده كمان رجع انعاد معايا النهردة بس انا اول ما كلمني. وبعد ما قفل الخط قام وصل التحويل. عندي برنامج اسموا بلاك ليست خدت العشرة جنيه وبوست ايدي وش وظهر وقلت احمدك يارب سبحانك وترزق من تشاء بغير حساب. ... وقمت حاطط الواد في البلاك ليست والله لو قعد يطنطط من هنا لبكره ما هرجعهالوا :)

فهل انا مجرم لاني صادرت. ال ١٠ جنية بتاعت الواد الشحات النصاب ده
ولا جايز فعلاً يكون بعتها بالغلط بس انا اصلي كمان رقمي مميز
المهم هل ال ١٠ جنية دي حلال عليا
ولا حرام. ولازم ارجعها. للواد علشان يكمل سرحان بيها على امة لا اله الا الله

@@@@@@@@@
وتحياتي

**ashraf_sms** · 02-09-2013 07:05 PM

انا مع الاستاذ rotanamasoud لو فعلا جتلك عشرة جنيه رجعهاله ولو رجعتها وقال لا مجتش يبقي ديه اشتغالة عشان ياخد اكبر كم من التحويلات ويبقي هو ضحي بعشرة جنيه وجاتله مية

**m1f1e** · 02-09-2013 07:05 PM

بيتهيالى ياباشا والله اعلم انك المفروض ترجعهالوا لانها فعلا فلوسه حتى لو انت عارف انها عمليه نصب وهيبنصب بيها على غيرك بس برده فى الاول والاخر مش فلوسك اساسا
وبصراحه انا محتار معاك عاوز اقولك علم عليه بس برده مقدرش علشان متدخلش عليك فلوس حرام فاعتقد احسن حل انك تجتنب الشبهات ورد له فلوسه
لو تعرف مثلا تشتكى على رقمه فى خدمه العملاء او اى جهه رسميه على اساس انك شاكك فى الرقم بيمارس عمليات نصب يبقى اعتقد انك عملت اللى عليك بس اتاكد فعلا انك وصلك العشره جنيه واتاكد وانت بتبعتهالوا وبعد كده اعمله بلاك لست

**mikology** · 02-09-2013 07:17 PM

بيجيلك رساله من فودافون ولا من رقمه عشان دى حركه نصب قديمه - بيبعتلك من رقمه رساله بيقولك انه تم شحن 10 جنيه و يروح هو مكلمك و هكذا مع غيرك - يبعت رساله لاى حد ب 30 قرش و يرجعهاله 10 جنيه

**magic girl** · 02-09-2013 07:39 PM

انا سمعت الحوار ده بيحصل بس الرسالة بتبقى مبعوتة من رقم مش من الشركة نفسها على اساس ان الواحد مش بياخد باله..

بس لو كده حوله الفلوس مرة واحدة و لو اتصل تاني بلاك ليست وخلاص..

**manfromegy** · 02-09-2013 07:45 PM

المشاركة الأصلية كتبت بواسطة magic girl

انا سمعت الحوار ده بيحصل بس الرسالة بتبقى مبعوتة من رقم مش من الشركة نفسها على اساس ان الواحد مش بياخد باله..

بس لو كده حوله الفلوس مرة واحدة و لو اتصل تاني بلاك ليست وخلاص..

إتاكد الأول إن الرساله جيالك من الشركة مش من الرقم اللي بيتصل بيكةلان النصبه دي بتتعمل كتير و شكرا