يا اهل مدينة 6 أكتوبر : فين مدينة حدائق اكتوبر؟

**أبو صلاح** · 04-09-2013 04:20 PM

المشاركة الأصلية كتبت بواسطة y a r i s

لا بص يا ابو صلاح نصيحة من اخ. مع ان احب على قلبي تبقى جاري
وتعزمني كل يوم على كباب وكفته ومشاوي ... لكن لو بتدور على منطقة راقية بجد بجد خودلك في كامباوند في اكتوبر اي كامبوند. المهم مكان في سور وحراسة وامن لان الزمن الي جي على مصر زمن اغبر ومحدش يقولي ولسه الي جي احلى. زي تامر حسني. لا طبعاً. الي راح. راح خالص ... فيا تاخود جوا كامبوند مغلق محدش يخشلك ولا بالطبل البلدي ممنوع ... او تروح تاخود في التجمع الخامس وتشتري دماغك ده لو بتدور بجد على مكان راقي

بس شوف مثلاً حبايبنا في حدائق الاهرام شوف الشقق هناك والعماير والمستوى ناس من الطبقة الوسطى وانتا طالع. ناس نظيفة ناس محترمه ومهذبه ومع ذلك بيشدو في شعرهم من القرف الي بيشوفوه من الغجر والناور. الي بيخشولهم وطبعاً البوبات. دي. مجرد ديكور
والامن هناك. امن صوري كده وكده ... فشوف لو حدائق اكتوبر زي حدائق الاهرام. تبقى فاكيس على كده. ولو هيا تبع شركات خاصة زي طلعت مصطفى والناس التقال دي قدم فيه على طول بس طبعاً مش وانتا في الخارج او عن طريق النيت استنى لمن تيجي باذن الله وروح بص بعنيك احسن وبرضوا لو في حد من الاعضاء عندوا فكره اكتر يا ريت يفيدنا

ياباشا الف الف شكر ليك
واكيد طبعا الشراء طبعا مش عمياني لانزم اشوف بنفسي
بس مستوى الاسعار نااااااااااااااااااااااار

المشاركة الأصلية كتبت بواسطة mody112

اللى قبل بنزينة موبيل دريم بارك دى مدينة اسمها الفردوس وجنبها عماير القوات المسلحة وبعدين حى الاشجار .
حدائق اكتوبر على طريق الفيوم وانت رايح من ميدان الرماية مسافة مش بعيدة زى ما قلت قبل كده .

هو فعلا المالك قالي على بعد 4 كيلو من حي الاشجار

**A.Saad** · 05-09-2013 09:09 PM

يارس
عيب اما تبقى من اكتوبر وساكن قدبم ومش عارف الفردوس وبتتكلم على حاجات تانية
هتتوه الراجل
ابو صلاح

حدائق اكتوبر فى طريق الفيوم وليها مدخل تانى من طريق الواحات اكنوبر
بعد حى الاشجار
فيها حوالى 30 كمبوند
منهم إسكان شباب 70 متر
ومنهم حاجات غالية
وفى المدخل ليها من طريق الواحات ابنى بيتك فبيكون شكله عشوائى شوية لانه مش ساكن
هتكون عشوائية او راقيه
توقعى انها هتكون مخلطة حسب الكبوند بتاعك
لو سمعت ان فيها نادى الزمالك وااترسانة
ده فشر
الاولانى ارضه هتنسحب منه والتانى سبقه
اامكان مهجور لسه
ولازم عربية
اكتر مكان ساكن هرم سيتى ودى لمحدودى الدخل

لو عايز مساعدة فى التدوير ايعت لى عايز مساحة ايه واسعار كام على الخاص لو تحب او هنا

**fulham** · 03-10-2013 02:28 AM

المشاركة الأصلية كتبت بواسطة أبو صلاح

بص ياباشا انا هقولك
في واحد حاجز قطعة ارض من البنك مساحتها 414 متر
والى الان لم يستلمها (بيبيع الايصال)
مطلوب 360 الف وقسط 38500 على سبع سنوات بعد 3 سنوات من الاستلام
انا معرفش المكان فين بالظبط لو تعرف تدني اي معلومات عنها
بحسبة بسيطة المتر هيقف تقريبا ب 1500ج
الفكرة اني ممكن ادخل فيها انا و 3 اشخاص آخرين وبعدين ابقى ابني لما ربنا ييسر الحال

هي دي في التوسعات الشمالية ؟؟

و لو حد يتفضل ويقول إيه أسعار التوسعات الشمالية دلوقتي و هل يمكن الشراء من صاحب الأرض الأصلي اللي أخدها بالقرعه و لا في نصب خصوصا إن عدد الأراضي محدود و المنطقه دي قدامها قد أيه هي مكانها فعلا كويس جداً

هل في أرض في أكتوبر في حدود 2000 جنيه للمتر في منطاق كويسه لبناء عمارة شراكه مع أشخاص آخرين أربع إدوار و بناء على 65%

و هي أصلا فكره كويسه أن حد يشتري دلوقتي في الظروف دي