أنا أصلا شفت من شوية منظر الناس و همه بيحاولوا يخرجوا الناس من تحت الصخور و فوفيهم صخرتين مايلين على بعض و سانداهم طوبة.. يعني حتى الناس دول كمان معرضين للهلاك في أي لحظة.
محافظة القاهرة أستعانت بالمقاولون العرب عشان عندهم معدات ممكن تكسر الصخر ده بطريقة هندسية معينة بحسث أن ميحصلش أنهيارات تانى و متأثرش على الناس اللى تحت الصخور.
المشكلة بس أن المعدات بتاعت المقاولين العرب مش عرفين يدخلوها لمكان الأنهيار عشان ضخامتها ( والشوارع هناك كلها ضيقة جداً )
ربنا يستر
اللهم تقبل موتاهم شهداء و ارحم من هم تحت الأنقاض و خفف عنهم يا رب.
غريبة، قناة النيل للأخبار مش جايبة اى حاجة
يمكن علشان مش مجاس الشورى اللى اتهد؟
الله يرحم اللى مات
استريح
انا لسه كنت هناك من شويه مقولكوش المنظر هناك عامل ازاي الاوتوستراد واقف تماما في المنطقه دي وفي كميه عربيات نقل ضخمه واوناش وعربيات جيش بس كلها واقفه بره وطبعا ممنوع الدخول وقافليناه لاي عربيه
بس مكنتش فاهم كان فيه عربيات كتييييره جدا نازله من فوق واتوبيسات ونقل وكله نازل!!! هل دول ناس بتخلى المنطقه ولا ده ماشين عادي
وليه العربيات الضخمه دي مدخلتش الاول وطلعت والعريبات اللي فوق تتصرف من اي طريق تاني ولا اي حاجه !!
فعلا مكنتش فاهم غير اني شايف امم من البشر ووقفه وزحمه
يشباب بصو علي الصورة دي من google earth ولاحظو فيها منظر الحرف بتاع المقطم وبرضو لاحظو قرب منطقة up town cairo الم ممكن أعمال الحفر فيها تؤثر علي الجبل وتؤدي الي سقوط الأجزاء الضعيفة منه
http://www.postimage.org/aV10wXni.jpg
تعالوا يا جماعة ندعي للناس اللي تحت الأنقاض دول قبل الفطار.. كلنا هانقوم نفطر كمان شوية و همه تحت عطشى و جواعى.. يا رب يتولاهم برحمته و يخفف عنهم.