إستشاره في فتيس سيراتو 2013 الشكل القديم

**Dr.M_baz** · 02-09-2013 11:38 PM

أصدقائي الأعزاء ....
العربيه معايا بقالها تقريبا 5 شهور زيرو و عامله 4800 كيلو (أنا بمشي بيها قليل جدا بس بخرج بيها يوميا من 5 الى 10 كيلو داخل المنصوره)
لاحظت حاجه مش عارف ده طبيعي ولا ايه وهي حصلت بعد صيانة الألف بحوالي اسبوعين او تلاته:
صباحا او بعد ركن العربيه أكتر من ساعتين بلاحظ أثناء التهدئه و الضغط على الفرامل من سرعه اكثر من40 او 50 بنتشه او هزه بسيطه قرب التوقف زي نقل الغيار بالعكس في المانيوال (يعني مثلا تكون على التالت و تهدي وبعدين تجيب الأول بس باحساس اقل بكثير من المانيوال) تقعد حوالي دقيقتين او تلاته في بداية المشوار ثم تختفي تماما بقيت المشوار ايا كانت المسافه و لو ركنت العربيه ورحت الشغل مثلا 3 ساعات ترجع تاني لكن لو فتره قليله ساعه مثلا متحصلش.
نقلات العربيه التصاعديه سلسه جدا و تكاد تكون غير محسوسه
وهي ليس لها علاقه بالفرمله لأني سيبت العربيه تهدي لوحدها كذا مره عملتها برده من غير فرمله بس بتكون اخف من لما بكون مفرمل
كل حاجه في العربيه الحمد لله ممتازه مفيش فيها مشاكل
ملاحظه: دي أول اوتوماتيك اسوقها قبلها كله مانيوال.
اسف جدا على الإطاله بس حبيت أوضح كل شيئ.

**احمد المصرى** · 03-09-2013 12:43 PM

لو تعرف حد معاه عربيه اتوماتيك خليه يسوقها ويقولك حس بفرق ولا الوضع عادى

**Dr.M_baz** · 03-09-2013 06:13 PM

المشاركة الأصلية كتبت بواسطة احمد المصرى

لو تعرف حد معاه عربيه اتوماتيك خليه يسوقها ويقولك حس بفرق ولا الوضع عادى

هحاول اشوف بس انا قولت اسال الأعضاء ممكن يكون ده طبيعي في السيراتو وانا معرفش لآن ابن عمي معاه واحده 2010 4 نقلات و بيقول سعات بتحصل بس قليل جدا و هو من القاهره فمشعارف اجرب عربيته.
شكرا جزيلا لردك.

المشاركة الأصلية كتبت بواسطة el_deep

مش عارف اظن ده طبيعي لو ركنت العربيه فتره طويله شويه لو كده ممكن حضرتك تستني شويه قبل متبدا تتحرك انا بيحصل معايا كده بس لما اركنها بليلل واسيبها وقت كبير علي فكره انا من المنصوره بردوا ولو قولتلي لون عربيتك ممكن يكون شوفتها قبل كده اصلا السيراتو الشكل القديم 2013 مش كتير

اهلا بأهل المنصوره
ان فعلا بركنها فترات 10 الى 15 ساعه و بسخنها الصبح دقيقه او دقيقتين وبمناسبة ذلك لو طولت شويه في التسخين الوضع بيقل جدا.
هل بتلاحظها يوميا ولا على فترات متباعده؟

**el_deep** · 04-09-2013 05:43 PM

لا عادي مكنتش مركز معاها قوي بس لما اجي اشغلها لما يكون الدنيا حر اظن بتقل شويه

**Dr.M_baz** · 04-09-2013 06:27 PM

المشاركة الأصلية كتبت بواسطة el_deep

لا عادي مكنتش مركز معاها قوي بس لما اجي اشغلها لما يكون الدنيا حر اظن بتقل شويه

شكرا جزيلا على ردك .... و مستنيين راي بقية الأعضاء.

**M.Akef** · 05-09-2013 01:58 AM

دا انا بحس بيه بردو في الفتيس ال٤ سرعات عندي و ده عادي مفيش فيه مشكله
احنا نايل موتورز المنصوره بنعمل مقابله تقريبا كل جمعه لو حضرتك تحب تشرفنا فيها و نشوف المشكله دي مع بعض
دا الجروب علي الفيس
https://www.facebook.com/groups/128873217262745/

**Dr.M_baz** · 07-09-2013 01:44 AM

المشاركة الأصلية كتبت بواسطة m.akef

دا انا بحس بيه بردو في الفتيس ال٤ سرعات عندي و ده عادي مفيش فيه مشكله
احنا نايل موتورز المنصوره بنعمل مقابله تقريبا كل جمعه لو حضرتك تحب تشرفنا فيها و نشوف المشكله دي مع بعض
دا الجروب علي الفيس
https://www.facebook.com/groups/128873217262745/

شكرا على ردك ... انت كده طمنتني
يشرفني اني انضم للجروب و هحاول اضبط وقتي واتقابل معاكم

الموضوع: إستشاره في فتيس سيراتو 2013 الشكل القديم

LinkBack

أدوات الموضوع

عرض

إستشاره في فتيس سيراتو 2013 الشكل القديم - انشر الموضوع فى :

-

-

-

-

-

المواضيع المتشابهه

تسعير كيا سيراتو 2013 الشكل القديم

سيراتو الشكل القديم 2013 او هيونداي النترا الشكل الجديد

كيا سيراتو 2013 الشكل القديم

استفسار عن سيراتو 2013 الشكل القديم

سيراتو 2013 الشكل القديم Led

الكلمات الدلالية لهذا الموضوع

المفضلات

المفضلات

ضوابط المشاركة