عداد الار بى ام بيقف ابيزا 94

**matrix012** · 03-09-2013 12:43 AM

السلام عليكم ورحمة الله وبركاته اخواتى وحبايبى
انا عندى حاجه غريبه شويه وكل ما افكر انى اروح اصلحها تشتغل وهيا ان عداد الار بى ام والحراره ومؤشر البنزيز مش بيشتغلو اوقات - بس السرعه الحمد لله شغال - الحكايه ببساطه انى بدور العربيه الصبح اوقات العداد بيشتغل بالكامل عادى زى اى عربيه , واوقات تانيه الار بى ام والبنزين والحراره مش بيشتغلو الا لما اضرب كام ضربه على الباغه بتاعت العداد , واوقات تانيه بتحلف براس ابوها ماهى شغاله مهما ضربت وايدى وجعتنى
وكل ما افكر اروح اصلحها الاقى العداد بيشتغل عادى فتره وبعد كده يفتكر انه شغال ويقرر يهيس معايا شويه
الى عنده حل غير انى اولع بخور فى العربيه يقولى

**hossamalsadik** · 03-09-2013 01:15 AM

اكيد الفيش مش ركبه كويس لو تعرف تخلعهم وتكشف على وصلات الفيشه الخلفيه
وفى واحد فى اول المنيل متخصص فى صيانة العداداد او كهربائى نضيف

**SYD** · 03-09-2013 10:10 AM

بالظبط كدة
هي عيب فيش اما عايزة تتنظف او تتثبت كويس

والله المستعان
،
،

**SYD** · 04-09-2013 09:20 AM

يا صديقي الموضوع في غاية البساطة
هتفك المسمارين الماسكين الفريم حول لوحة العدادات
هتلاقي العدادات سهلة الفك بعد كدة

جرب كدة وقولنا وصلت لأيه

تحياتي

**SYD** · 07-09-2013 06:10 PM

الله ينور يا طيفة
فك العداد من اسهل ما يكون - انا للأسف لما افتك قدامي مرة ماحطتش في دماغي تصوير وكدة
بس علي العموم انا قريباً هفكه عندي عشان عندي لمبة محروقة

تحياتي

**SYD** · 08-09-2013 12:59 AM

المشاركة الأصلية كتبت بواسطة matrix012

بس انا كنت عاوز اسئل يا محمد هيا الباغه بتتفك ازاى انا ملقتش اى كلبس ليها وحاولت بالمفك العاده انى ادوس كده فى حته صغيره اتشرخت
لو تعرف الباغه بتتفك ازاى قولى علشان عاوز احط ارقام فسفسورى بدل التقليديه الى موجوده
وربنا يكرم

اعتقد لوحة الارقام بتطلع من الظهر
والباغة ثابتة
والله اعلم