الموضوع: تقسيمة الموتور

1- التقسيمة لو خلفت العربية مش هتدور .
2- لو فى تأخير او تقديم فى الشرارة ده هيأثر جداً فى عزم وسحب العربية ويؤدى لارتفاع حرارة الموتور .
3- عندما يكون البستم رقم واحد او رقم 4 (سيان) فى اعلى نقطة يكون الشكوش موجه للسلك اللى رايح للبوجية رقم واحد او اربعة مع مراعاة ان يكون شوط الضغط وليس شوط العادم ودى بتعرفها لما تسد بأيدك مكان البوجية وتلف العجلة وانت معشق الرابع تلاقى فيه كبس هواء جامد بيزق ايدك .
4- افضل توقيت للشرارة عند وصول البستم عند اعلى نقطة وقبل هبوطة مرة اخرى مباشرة ولكن مع بنزين 80 يتم تقديم الشرارة شوية حتى لا ينفجر المخلوط قبل وصول الشرارة (بنزين 80 لا يتحمل الكبس العالى ) والانفجار المبكر ده يبان معاك بعد ما تبطل العربية وتفضل شغالة لوحدها .