الموضوع: كورولا ولا النترا 2012 !!

راىى النترا لو هتجيب الكورولا القديمة و كورولا لو هتجيب الجديدة و فيه شوية نقد هنا على الالنترا من ناس ممكن متكونش ساقتها او ركبتها اصلا او ركبوها مسافة بسيطة فا راى جرب الاول و احكم انا ملت كده

المشاركة الأصلية كتبت بواسطة ashraf_ibrahim

فيه احد الاعضاء لمح لنقطة مهمة جدا
كورولا 2014 شكلها مختلف تماما تحفة وامكانياتها مختلفة فانتظر هي هتنزل قريب جدا خلاص :]

هى نزلت و اتسعرت

المشاركة الأصلية كتبت بواسطة devil_storm

الكورولا لسه محدش جربها فمش حنعرف نفيدك لكن اليابانى معروف بالاعتماديا العليا جدا.

الالنترا فعلا بتتسرق بسهولة لان مفهاش ايموبليزر (الوكيل) و يقال ان الفولى لودد بس هى اللى فيها ايموبليزر ...

عموما الالنترا عربية حلوه جدا و ملهاش مشاكل بس الفئات الاولى خامتها وحشة و مفهاش اى وسائل امان او رفاهيا...اما لو معاك ثمن الفولى لودد حتعجبك جدا و حتستمتع بيها جدا

شاكر اهتمام حضرتك..هي السيولة اللي معايا ف حدود ال 130 فممكن اني اشوف الفولي لودد موديل 2012 تعمل كام وربنا يسهل ...

المشاركة الأصلية كتبت بواسطة hopeless20

معرفش هل الممقارنه تنفع بين كورولا ياباني والنترا كوري ... خصوصا في الاعتماديه بتاعت الموتور .. وقطع الغيار المعمره

يعني من راي الكورولا

أشكرك على الاهتمام..هي الكورولا حلوة...بس صعب انك تلاقي قطع غيارها الاصلية حتى ف التوكيل.. يعني في كذا حاجة احتجتها للعربية ما لقتهاش ف التوكيل... بعت جبتها من برة

المشاركة الأصلية كتبت بواسطة oilman

الكورولا لان 2012 حتبقى اليابانى كاملة ولى بعض الاصدقاء معاهم الالنترا وغير مبسوطين
اعتمادية = كورولا
شكل يبقى الالنترا

هو الفكرة برضو ان ما فيش تغيير ف 2012 او بالاحرى طفيف..ونفس الوقت بحس ان كرسي السواق كده مزنوق بطريقة غبية والسقف واطي او الكرسي اللي عالي ... مش عارف
عموما هفكر واشوف وأجرب...
متشكر جدا لحضرتك

المشاركة الأصلية كتبت بواسطة islam bahgat

الالنترا الجديده عربيه زى الزفت ثباتها مش حلو خالص وخفيفه اوى مينفعش تتقارن بالكورولا

انا برضو عاوز اجربها قبل ما احكم... انا واحد قريبي اشتراها وباعها بسبب انها طارت منه على الطريق.. متشكر لحضرتك

المشاركة الأصلية كتبت بواسطة ashraf_ibrahim

المقارنة هنا غير عادلة ومتنفعش خالص !
الكورولا احسن طبعا مفيش مجال للتفكير :]

ههههههه..حضرتك من عشاق الكورولا ولا ايه..؟؟

المشاركة الأصلية كتبت بواسطة rsarabia

مبدئيا قبل ما اقول رأيى بحكم انى جربت الاتنين متشريش عربية من غير ايموبيليزر سواء النترا او اى عربية تانية و بما ان مفيش كورولا من غير ايموبيليزر يبقى الكلام حاليا على الالنترا

الموتور و التسارع

الاتنين تقريبا واحد لكن لو الكورولا mmt مفيش مقارنة الكورولا تكسب

الثبات
الكورولا 9/10 الالنترا 7/10

الامان
الاتنين 5 نجوم

العفشة
الكورولا انعم

قطع الغيار
الالنترا ارخص و سيبك من حتة معمرة و مش معمرة كل الكورى و اليابانى معمر

استهلاك البنزين فى الاتنين واحد

الفتيس
4 فى الكورولا و 6 فى الالنترا
و بالتالى الموتور مراتح فى الالنترا اكتر من الكورولا عموما

فى نقطة مهمة الكورولا باور زيت و دا مش ممتع ابدا فى سواقته و تحس ان العربية تقيلة كدا و مش رشيقة عكس الكهربا تحس ان العربية سهل توديها يمين شمال زى ما انت عاوز

التوكيل و قطع الغيار
كورولا نار يا حبيبى نار و توكيل زى الزفت لكن الالنترا صيانتها معقولة و قطع غيارها معقولة
كمان فى السوق برة هتلاقى كل حاجة و اكسسوارات رخيصة جدا للالنترا

الشكل الخارجى و الداخلى
الالنترا تتفوق باكتساح كفاية و انت قاعد بتبقى مبسوط و متكيف من شكل التابلو و العدادات و التكييف و كمان شكلها من برة حلوة جدا و قدامها خمس سنين لحد ما تحس انها بقت عجوزة

شوف احتياجاتك

أنا متفق مع حضرتك ف كل نقطة تخص الكورولا بالذات الباور والتوكيل وقطع الغيار لأني جربت وعانيت...

لكن عندي استفسار من حضرتك على حكاية الثبات.. يعني الفرق كبير ولا بسيط وهل ممكن يؤثر على اختيار العربية..؟؟

متشكر جدا جدا لحضرتك على الافادة ..