الموضوع: اول مشاركة

المشاركة الأصلية كتبت بواسطة odod

السلام عليكم ورحمة الله
ايها الشباب الجننويه 2 ....
دى اول مشاركة ليه هنا فى قسم الجين 2 ...
العربية دى عجبانى اوى وعايز اشترى واحدة ,, فكنت عايز اعرف من مالكيها بعض المعلومات عنها
انا كان معايا ميجان 2 بس الله يرحمها ...
المهم :
*كنت عايز اعرف اسعار قطع الغيار المستهلكة بتاعتها اسعارها ايه وهل هى معمرة ولا لأ

قطع الغيار الأستهلاكية زي التيل و السيور
تيل فرامل أمامي توكيل (230 جنيه تقريبا ) ماليزي بروتون .
خلفي أعتقد ثمنه 180 جنيه
و العمر حسب طريقة سواقتك .

السيور تقريبا كلها ماليزي و سعر مثلا سير التقسيمة و البلية و الليلة دي كلها بثمن الصيانة في 60 ألف كم على ما أعتقد 1000 أو 1200 جنيه و مش فاكر السعر ده شامل الزيت و ثمن الصيانة (على ما أعتقد مش فاكر )


*وكمان الميكانيكية بتوعها لو فى حد هنا من اسكندرية يقولى امكانهم فين وشغلهم نظامه ايه ؟

معرفش أسكندرية و لكن أي حد بيشتغل في ميتسوبيشي هايعرف يشتغل فيها
*وايه اكتر عيوب فى العربية دى ... يعنى اكتر حاجة بتضايف اللى راكبها فجأة كده ؟

بالنسبة لي مفيش حاجة مضايقاني منها .
*وسعر العربية دى فى حدود كام ؟؟ انا معايا حوالى 55000 ممكن اركب بيهم حاجة جين 2 بس تكون نضيفة ومواصفتها ايه ؟؟

55 ألف دلوقتي تجيبلك حاجة موديل 2006 إلى 2008 تقريبا
ولو فى حد عايز يدينى رفمه ادردش معاه شويه بخصوص العربية دى ! اشطه برده
من الاخر كده محدش يبخل عليه بحاجة كفاية اللى حصلى من الميجان الله يرحمها
واسف جدا جدا جدا لانى طولت عليكم .. لانى عايز انضم لقسم الجين 2 قريبا اشاء الله

أولا يا باشا أهلا بك و ربنا يكرمك و تنضم للقسم قريب و العربية إذا ربنا أراد و أشتريتها هاتعجبك قوي .

بس لو تعرف تزود شوية و تجيب موديل أحدث من 2009 و أنت طالع يكون أفضل .

و لو أحتجت أي حاجة أحنا موجودين

معلش بقى على التأخير في الرد لأن القسم نايم شوية بسبب الأحداث السياسية التي تمر بها البلاد .

لو تقول كمان أيه اللي مكنش عاجبك في الميجان و نقولك موجود نفس العيب في الجين 2 و لا لاءة .