زميلنا د.مصطفي فروميلاتور عمل حادثة

**janagabr** · 14-09-2013 03:48 AM

الف سلامة عليه وربنا يعوض عليه خير

**Ahmed Amin** · 15-09-2013 09:05 AM

ألف حمدلله علي السلامة يا دكتور مصطفي,
أنا لسه شايف الموضوع حالاً وقريته صفحة صفحة عشان أشوف ردودك,,

أضايقت جداً والله, بس الحمدلله أنها جات في ضهر العربية بس ومجتش في الوش, قضي أخف من قضي,
وأنك مخبطتش حد من الناس دي وأهو درس عشان الواحد يتعلم منه لأن الدائري دا مبقاش طريق بني أدمين طبيعي, وبقي أشبه بغابة كلها أدغال ومفأجات ومفهوش أحترام سواء للعربيات اللي ماشية من المارة, أو اللعربيات اللي ماشية في طريقها من اللي بيقطع الطريق,

الحمدلله كمان أن مفيش أي أصابات فيك, ودي الأهم وأن الخبطة الحمدلله في الضهر.
وإن شاء الله مستنينك ومستنين مشاركاتك اللي دايماً بنستفاد منها, وبندعيلك عليها.

ربنا يستر طريقك وطريق المسلمين.

**Karim Ibiza** · 17-09-2013 04:20 PM

المشاركة الأصلية كتبت بواسطة formulator

- الحادثة كانت على محور الشهيد (المشير) طريق n/a يوم السبت الصبح !

مشاة بيعدوا الطريق !! وكانوا almost خلاص عدوا - بس بيتدلعوا فـ آخر حارتين من عـ اليمين
(طبعا حاجة فـ منتهى الإستفزاز) حسبى الله ونعم الوكيل

وأنا جاى فـ تانى حارة من عـ اليمين... أصلا أول ما دخلت من عـ الدائرى كنت بدأت أرفع سرعتى
- وكنت وصلت فـ الحته دى لحوالى 160-165 كم

لما لقيت انى بقرب بسرعة كبيرة من البنى-آدمين دول.. وان لو فضلت على نفس المعدل هخبطهم فـ أقل من ثانيتين!!!
نقلت للحارة الشمال#2 - ولسوء الحظ كان فيه كارينز خد اليوتيرن ودخل فـ نهر الطريق!!!!!!
(قطع الـ3 حارات تقريبا بالعرض ولقيته قدامى بس مش بالضبط يعنى - واخد جنب).. حسبى الله

فـ اللحظة دى أنا كبست فرامل جامد (معرفش ليه مفكرتش أكسر سنة: أبعد عنه وخلاص من غير فرامل) بس اللى حصل بقى الحمد لله

من الخضة والإرتباك طبعا ضربت فرامل lock (لأنى كنت قربت منه أوى - عشان السرعة)، مع -تقريبا- لفة كاملة للدركسيون يمين بعيد عنه!!

طبعا كانت زيادة عن اللزوم.. وبدأت تعوم جامد (دخلت فـ oversteer) ورايحة عـ الرصيف اليمين!

حاولت ألمها شمال - وللأسف كانت كل حركاتى مع الدركسيون عنيفة و aggressive
(بقيت ماسك الدركسيون بأيد واحدة !! وبلفه لفتين كاملين يمين أو شمال) طبعا غلط :(

بحاول أسيطر عليها معرفتش.. بعد 3 أو 4 مرات أجيبها من يمين لشمال ليمين...

لفة لفة كاملة حوالين نفسها spinning ومشيت بظهرها (بقى وشى مقابل العربيات اللى جاية)

وطلعت عـ الرصيف بظهرها -- وقفنى عامود نور لبس فـ نص العربية زى مانتو شايفين

الحمد لله على كل شىء،
وكمان أنا مكنتش لابس الحزام - فـ إتخبطت شوية حلوين جوا العربية!

ربنا سترها الحمد لله (حتى فـ كمية الإضرار فـ العربية) نظرا للسرعة اللى كنت ماشى عليها
الحمد لله

rgds،

شىء مرعب لما تبقى واعى لكل لحظة فى الحادثة ومش قادر تعمل حاجة ومستنى تشوف هتنتهى ازاى

حمد الله على سلامتك