هو انا كده هكون بعصى ابويا 2

**midoabdeen** · 03-09-2013 06:46 PM

السلام عليكم ورحمه الله وبركاته
اتا كنت عامل الموضوع دا من فتره وشوفت الاراء بتاعت الاعضاء بس محتاج تاكيد بس http://www.nilemotors.net/Nile/373224-a.html
دلوقتى انا خلاص خدت القرار انى امشى من الشغل واروح المكان التانى وفعلا خلصت ورقى واقدمته واتقبلت ورايح استلم الشغل بكره
المهم بقى انا بحاول معاه من اول رمضان تقريبا وخليت الراجل اللى جايبلى الشغل هو مدير شئون قانونيه فى الشركه اللى انا رايح ليها وطمنه ان المكان امان ومافيهوش قلق وخاليت مديرتى فى الشغل تكلمه امبارح لانها اصلا زميله قديمه ليه وباردوا مصر على موقفه ووالدتى باردوا حاولت معاه بما فيه الكفايه وباردوا مصر على موقفه
انا اعرف حكم الدين فى الموضوع دا ياعنى انا لو روحت هبقى بعصيه ولا لا
انا لسه فاضلى سنتين على ما اتثبت وباخدد فى الشهر 900 ج ومش مرتاح فى المكان اللى انا فيه لا ماديا ولا معنويا وهو مش قادر يقتنع بحاجه زى دى ومصمم على رئيه
انا لسه مكلم شيخ لا اعرفه ولا يعرفنى اخدت رقمه منواحد صاحبى وقالى خاليك فى المكان اللى انت فيه ومتنقلش وماينفعش تعصيه
انا اتلغبطت بصراحه وهاتجنن من كتر التفكير الفرصه كويسه جدا واى شاب يتمناها ومرتب كويس باردوا جدا ومستوى الشركه كبيييير جدااااا
وانا بصراحه ماعنديش استعداد انى اضيع فرصه زى دى من ايدى بس طبعا بعد رضا والدى
فهل انا كده هكون فعلا بعصيه بس ياريت الكلام يكون من الناحيه الدينيه لكى يطمئن قلبى
وشكرا

**rotanamasoud** · 03-09-2013 09:40 PM

موضوع صعب جدا
بس فى اعتقادى فى فرق بين المعصيه والتدخل فى الحياه الخاصه وخصوصا ان ده شغل يعنى انت مبتغضبش ربنا فى مخالفتك لرائ الوالد والله اعلم

**3mr Farrag** · 03-09-2013 10:36 PM

انا عماتا مش بحب الفتي في امور دينيه
بس اللي انا شايفه من اللي بتقوله ديه مالهاش علاقه بالدين اصلا
اصلك مش سنك صغير ان لازم كل كلام والدك تمشيه
يعني انت لو اتجوزت و خلفت هل الطبيعي ان والدك يقولك مثلا لازم تدخل ولادك مدرسه ايه
او هات كذا في بيتك او ما تجبش ايه او اي حاجه تخص بيتك
ده اسمه تدخل في حياتك الشخصيه و ماحدش ليه كلمه عليك
واللي انت بتعمله مش بيعصي ربنا
توكل علي الله و ما توجعش دماغك و بلاش تسأل مشايخ نص كم في حاجات غريبه مش محتاجه سؤال
فكر بس كويس مع نفسك و هتلاقي ان الموضوع ابسط من اللي انت عامله

**ganash** · 03-09-2013 11:59 PM

هو الشغل القديم حكومه يعنى ممكن تاخد اجازه بدون مرتب ؟

**AlGazar2** · 04-09-2013 01:30 AM

كل ما فى الموضوع ان والدك من النوع القديم جدا بتاع ان فاتك الميرى فده بقى مبدأ عنده حتى لو الميرى مرتبه قليل فبالنسباله احسن لانه ضامنهم

و فى مثل بيقول

يفوزُ باللذاتِ كٌل مغامرِ يعنى انت عشان تفوز بحاجة لازم تغامر و انت لسه فى سن المغامرة يعنى مش رب اسره ولا عائل لحد عشان متغامرش

رأى ان شغل الحكومة ملهوش لازمه فلوس قليله شغل عقيم غير مفيد لاى طرف من الاطراف يبقى قلته احسن طالما فى شغل خالص بمرتب اعلى بخبره مكتسبه اعلى بمكانه و وضع احسن فتوكل على الله و اشتغل فى الشغل الى جايلك و انت كده ما بتعصيش والدك ولا حاجة لان دى حياتك الشخصية

الا لو والدك بقى مصمم على موقفه فطالبه انت بان الفرق بين الشغلتين هو يعوضك بيه

**MaZaGAngeE** · 04-09-2013 04:03 AM

موقف غريب جدا من والدك !!!
ايه الفرق بين الشغلتين من وجهة نظره ؟

بس نصيحة اياك تزعله مهما كان رايه غلط او مرهق ليك .... الاب متعرفش قيمته الا بعد وفاته ... ربنا يطولك عمره و يبارك في صحته و يفضب حسه في الدنيا