الله يبارك فيك وربنا يسهل ان شاء الله ونعمل تقرير علي ادي لاني جديد شوية في العربيات
عرض للطباعة
الف مبروك.
حبيت استفسر بتحطلها بنزين 95 ولا91؟؟ وهل في اي كركرة بالذات لوكبست بنزين؟؟؟
تحياتي
Sent from my Xperia Arc S using Forum Runner
اولا الف مبروك على العربية وربنا يباركلك فيها ويكفيك شرها
ثانيا عندي استفسار انا في الرياض وناوي اجيب العربية ان شاء الله
بس الفئة دي مش موجودة عند حسين رضا في الرياض ولا عند المتوكل (التوكيل التاني) الموجود ال active العادية زي اللى في مصر بدون المواصفات الزيادة اللى كتبتها و سعرها 45 الف (هيا كده تعتبر فارقة عن الهايلاين في التكييف الديجيتال والجنوط بس)
و بالنسبة للصيانة المجانية انا كنت فى التوكيل النهاردة عشان اسأل عليها قاللى انهم لغوها وان اول صيانة بعد 10 الاف فهل حضرتك متأكد منها؟ وكمان عرض التقسيط ده مش موجود عندهم فى الرياض فليه الاختلاف ده فى التوكيل؟ انا كده ممكن اجى اخدها من الخبر :D
اخر حاجة كنت عايز اعرف سعر الهايلاين كام فى الخبر؟
وشكرا مقدما :)
الف مبروك على العربيه وربنا يكفيك شر طريقها ويديك خيرها
اولا الله يبارك فيك ويرزقك خير منها ويباركلك فيها ان شاء الله
ثانيا على رضا معلا مختلف الخبر عن الرياض وفعلا العرض ده مش موجود عندكم اما موضوع الموديل فده الموديل الوحيد فى الخبر حاليا يعنى المانيوال والهاى لاين مش موجودين لكن وقت ما كنت باستلم سالته على الهاى لاين فقالى انهم هيجيبوها كمان شهر تقريبا وسعرها هيكون فى حدود 64000 ريال لكن فرق المواصفات لسه مش معروف قوى هو المفروض يفرق عن اللى معايا فى
1- جنوط "16 وكفرات مشلان
2- سينسور للركنة
3- مثبت سرعة
4- تدفئة لكرسى السائق
5- تكيف تتش
6- احتمال يكون فيه فرق فى مستوى الفرش
لكن السيارة الهاى لاين بره ليها مواصفات تزيد عن مصر زى مثلا
1- نظام esp, asr
2- 4 ايرباج
وممكن تكون فيه حاجات تانى فانا مش عارف الهاى لاين اللى عندك فى الرياض سعرها كام لكن فرق السعر كبير قوى على الفروقات دى
بالنسبة للصيانة هيه فعلا مجانية بعد 1000 كيلو ليه واحد زميلى شاريها قبل منى عمل الصيانة دى فعلا وهما مش بيعملو اكتر من تشييك على السيارة يعنى مش بيغيرو حاجة يعنى فى مصر بيعملوها بعد 2500 كيلو فمعناها انها مش اساسية ولا حاجة هيه فعلا اول صيانة بيغيرو فيها الزيت بتكون 10000 كيلو
يا ريت تسالنا انته عن سعر ومواصفات الهاى لاين عندكم وعلى فكرة لو جيت اخدتها من الخبر ينفع تصينها عادى فى الرياض ولو فعلا عتاخدها من الخبر فهمه بيطلبو
1- مقدمة 10000 ريال او 5000 ريال انته وشطارتك (انا دافع 5000) بس
2- 2000 ريال تامين على اول سنة
3- لو عايز تعملها مالك اول علشان تنزل بيها مصر بتدفع 750 ريال
4- خطاب تعريف من شركتك
5- صورة الرخصة والاقامة
6- شيكات من البنك اللى فيه حسابك بعدد الاقساط (اقصى مدة اقساط 4 سنوات 48 شهر)
7- بتمضى مع الشيكات على ايصالات برده بعدد الاقساط ودى الرخامه علشان يضمنو حقهم وانته كل مره تدفع القسط يدوك شيك مع ايصال او يسحبو همه من حسابك على طول
طبعا قبل كل ده اول مرة بتروح تملى شوية ورق وتستنى الموافقة منهم وبعد كده تقم كل ما سبق بس للعلم برده وانا باستلم كان بيقلوى انهم بيفكرو يلغو العرض فمش عارف بيقول كده بجد ولا علشان لو حد سال ينجز ويخلص بسرعة الله اعلم
وبالتوفيق ان شاء الله وربنا يكتبلك الخير
حاجة غريبة ان نفس الوكيل يبقى عنده موديلات واسعار مختلفة عموما انا بقالى شهرين رايح جاى على التوكيل هي بيجو ليها توكيلين هنا علي رضا والمتوكل
علي رضا عنده ال active العادية (زي اللى بتنزل فى مصر بالظبط) وسعرها 45 الف
وعنده الهايلاين ب 51 بس خلصت ومش موجودة حاليا وبيقول انها هتيجي الشهر الجاى (معرفش هتيجي بنفس المواصفات والسعر ولا هتيجي بالمواصفات والسعر الجديد اللى قلت عليه) هروح اتاكد ان شاء الله
المتوكل عنده ال active ب 44 الف وعنده الهايلاين ب 53 (جنوط 16 ميشلان تكييف تاتش وباركينج سينسور) معتقدش ان مثبت السرعة و تدفئة الكرسي يفرق كل ده فى السعر وتبقى ب 64 غير انها عربية اقتصادية متوصلش للسعر ده اللى تقريبا نفس سعر الفلوينس هنا.
المتوكل بيفرق في الضمان انه 5 سنين او مليون كيلومتر وبيعمل الصيانة المجانية بعد 2500 كيلو
انما الفئة اللى بتقول عليها ماشفتهاش فى الرياض خالص
وبالنسبة ليا انا بخلص فى الورق من الشركة وغالبا هجيبها من هنا ان شاء الله وشكرا على المعلومات والمساعدة :)