معايا لاب hp dv6 الشاشه اتكسرت النهارده حد عنده فكره هى بكام واصلحها فين وبتبقى اصليه ولا لا؟؟؟
عرض للطباعة
معايا لاب hp dv6 الشاشه اتكسرت النهارده حد عنده فكره هى بكام واصلحها فين وبتبقى اصليه ولا لا؟؟؟
فداك
والحمد للة انها بتيجى فى فلوس
انا بردة الشاشة اتكسرت منى قبل كدة وطلعت على مول الكمبيوتر اللى روكسى
وغيرتها بواحدة اصلى على حسب كلام الراجل ب 500 جنية
01008212575
محسن
في سوق العصر
تقوله من طرف كريم منير
بيكون في شاشاات اصلية وفي شاشات كومباتبل
تشوف طلبك
وقوله كريم بيوقلك عايز سعر من الاخر ماروحش محل برة الاقيه ارخص
هو هاتلاقيه ارخص واحسن
وشاطرين جدا في فتح والقفل باحتراف
وربنا يعوض عليك
ينفع اسئله علي صيانه لاب توشيبا ياكريم باشا
الشاشات مش مرتبطه بالماركه المهم المقاس وخد بالك فيه من كل مقاس حجم مربع وحجم عريض وتاني حاجه الريسليوشن يعني اللي عندك 720p تجيبها زيها والا لو هتغير الى 1080 هتغير الكابل بتاعها.
أنا كنت جايب 15 بوصه عريضه 720p ب 400 جنيه صيني من 4-5 شهور بعد ما بنتي كسرتها وركبتها بنفسي بعد ما شوفت فيديو على اليوتيوب لفكها وتركيبها وكل اللي احتجته علبه مفكات الكترونيات (اللي هيه المفكات الصغيره قوي بتاع الساعات) ب 6 جنيه بس لو ملكش خبره في فك أجزاء كمبيوتر قبل كده ركبها عند حد احسن عشان الكابل بتاعها بيبقى ضعيف وليه سنان كتير وأجره التركيب ياخد 50 جنيه بالكتير (هيه بتاخد 10-15 دقيقه بالكتير) ولو نفس المحل اللي هتشتريها منه هوه اللي هيركبها في الغالب هيركبها ببلاش.
وبالنسبه للأصلي من أحسن الماركات LG بس مسألتش عن أسعار الاصلي بصراحه لأني ناوي على تغيير اللاب قريب.
ميدو طبعا عندة صيانات ومحترف
احمد فعلا اشهر الشاشات ال جي ومبحبش االصيني بصراحة
بنتي عندها 3 سنين كل سنه تكسر شاشه والضحايا لحد دلوقتي شاشتين لابتوب مره بتاعي ومره بتاع مراتي وشاشه موبايل نوكيا N8 كان معايا من أيام ما بنتي اتولدت في اكتوبر 2010 وكنت بحطه في مكان عالي عشان احافظ عليه ولما اديته لمراتي بقت تسيبه في ايد بنتي كتير ومفاتش اسبوع ونزل على الارض بوشه الشاشه بقى فيها 100 شرخ وأنا لما بغير بطاريات بجيب الاصلي (HP) من التوكيل في المهندسين لأني بستهلك بطارييه كتير حتى بجيب 9 cell اللي بتقعد 6-7 ساعات انما مع سياسه بنتي في تكسير الشاشات مش بجيب غير صيني حتى لما جبتلها تابلت جبتلها صيني عشان عارف انه مش هيعمر معاها كتير. ده طبعا غير خساير الهرس على فرش العربيه من دوس بالجزمه وشيكولاتات وبسكوتات وخلافه بس في الاخر كل ده بيبقى على قلب الواحد زي العسل وبيستحمل بس ساعات بيعمل كده هو :01964E~163:
يا سيدي ربنا يخلي وتكسر
مع انه لما بيكسر حاجة ببقي ب....
بس هاعمل ايه مخلفة عشان اربيه مش عشان اموته :-)
الفرش العربية قبل ما بتتركب بعملها فرش جلد
ده اساسي عندي زي البنزين :-)
وارضيه جلد كان بس دي مانفعتش مع البي ام والحمد لله كبرو شوية
كان كولا وايس كريم وشوكليت
والله كنت لو ركنتها يومين ارجع الاقيها مليانة نمل :-(