بس حسب ما انا فاهم من شركة in accessories انه الاصلي بتاع العربية
حكاية انه صيني دي هتخليني اقلق بصراحة .. ايه رأيكو؟
عرض للطباعة
بس حسب ما انا فاهم من شركة in accessories انه الاصلي بتاع العربية
حكاية انه صيني دي هتخليني اقلق بصراحة .. ايه رأيكو؟
ياريت لو يكون متوفر بسعر اقل من كده عشان اعرف اركبه فى التوكيل عشان الضمان
السلام عليكم ورحمة الله
ان على فكرة بدور على ال DVD للكيا ريو من اول ما اشتريت العربية من سنة تقريبا
وعندى خبرة معقولة فى الموضوع دة انا دورت كتير على النت لدرجة انى راسلت ناس فى الصين شركات معروفة ولها اسمها بتصنعة واحسن سعر وصلت لة بمواصفات معقولة جدا 180 دولار هو الصراحة كان فى ارخص من كدة بس دة كان مواصفات معقولة والشحن هيتكلف حوالى 150 دولار ولازم تحول الفلوس طبعا للصين كاملة علشان يعبروك ويبعتولك الجهاز يعنى بالمصرى حوالى 2300 جنية ولازم تعملهم الحوالة عن طريق البنك او الويسترن يونيون المهم فى ناس خوفتنى من الموضوع دة مش علشان ان هما ممكن ياخدو الفلوس و نشكركم على حسن التعامل معنا لا الفكرة ان هنا فى مصر ممكن شركة الشحن federal express او DHL الاجهزة اللى بتتشحن عن طريقها بتتجمرك
خلاصة الكلام انا كنت من اسبوع معزوم على فرح فى المحلة شفت محل اكسسوار عربيات كان جنب المكان اللى كنت قاعد فية دخلت اتفرج لقيت ان المحل عندة كل حاجة من الابرة للصاروخ ولقيته عارض جهاز ال DVD بتاع الكيا ريو وبكام كان ب 2250 جنية وفية ال GPS وبيشغل المالتى فانكشن اللى بالعربية بس السعر من غير تركيب وصناعة صينى
وعلى فكرة كل الاجهزة اللى فى مصر صناعة صينى وضمان سنة
وحاجة كمان انا كان معايا جهاز لليارس كان تايوانى بس كنت جايبة من دبى كان ممتاز جدا بس عيب الاجهزة دى فى رايي الشخصى ان الظهر والشمس ضاربة فى التابلو مش هتكون شايف حاجة تقريبا فى الجهاز
ارجو ان يكون هناك من استفاد مع العلم ان دى اول مشاركة لى
وشكرا
بص يا زعيم
اللي اقدر اقول لك ان بتاع شركه in هو اضمن حاجه حاليا
انا وصلت لمعلومه مهمه عن الشركه دي عن طريق قريب ليا بس هو حلفني 100 يمين اني مجبش سيره لمخلوق
بس من الاخر المنتج بتاعهم مش هتعرف تفرقه عن الاصلي
و كان بودي اقول اكتر من كده بس مش هقدر
و انا كلمتهم و لسه هيشوفوا لي هيعرفوا يجيبوا بتاع الباجيرو و ال i10 ولا لا لانهم مش بيجبوه حاليا
باشا .. تسلم على المعلومات والخبرة الجامدة دي
انا فعليا بدأت ادور على الشاشة التاتش دي فى الصين ولقيت الاسعار بداية من 400 دولار .. وده بيجي معاه الكاميرا الخلفية هدية كمان
الفكرة ان انا اعرف حد مسافر الصين وراجع على طول .. وهطلب منه يجيبلي الشاشة دي .. لكن المشكلة بالنسبة لي انى عايز اجيب الاصلي علشان مش ناقص اجيب حاجة مضروبة وتبوظ على طول .. خصوصا ان الشاشة تاتش .. وانها بتشتغل بويندوز وبالتالي مشاكلها كتير
وفي نفس الوقت عايز اوصل لحاجة رخيصة
مشكتلي فعلا انى مش عارف افرق بين الاصلي والمضروب .. ومش عارف اعمل ايه
عموما ياريت لو تقدر تقولي فين اقدر الاقي الشركات دي يبقى ربنا يكرمك .. وازاي نعرف الاصلي من المضروب
شوف انا والله حاولت اجيب الاصلى لانى راسلت شركة كيا نفسها بس للاسف مكنش فى رد منهم
وعلى فكرة فى شركة فى امريكا بتصنع كل ال DVD و gbs لجميع السيارات الصراحة لما تتفرج على الصور اكتر من روعة وخصوصا ان فى منه بيشتغل بنظام الاندوريد وراسلتهم وبعتولى الصور والمواصفات وامكانية شحنة لمصر بس كان السعر غالى جدا 800 دولار غير الشحن
الحاجة الوحيدة اللى تقدر تعملها انك تشترى الصينى وامرك لله وخلى بالك كل الموجود فى مصر صينى 100%
وفى حاجة تانية ممكن تنزل سوق التوفيقية اكيد هتلاقى هناك وسعر اقل ولو ناوى ممكن نروح مع بعض واى خدمة
طيب خير .. متشكر جدا ليكوا على الردود يا شباب ...
ان شاء الله هروح الشركة دي خلال الاسبوع الجاي .. المشكلة مش عارف هيفتحوا اصلا ولا ايه علشان هما فى شارع مصطفى النحاس نفسه
هكلمهم واشوف ان شاء الله
بالمناسبة انا نزلت امبارح التوفيقية وللاسف ملقتيش اصلا اللى بيركب في الريو .. وكل اللى لاقيته شاشات dvd عادية يونيفرسال
ربنا يكرم ان شاء الله
بص يا باشا
بالنسبه للمعلومه اللي عرفتها عنهم
خد عندك الموضوع ده
و مش هقدر اقول اكتر من كده
و ان شاء الله انت تجيبها
http://www.nilemotors.net/Nile/370674-a.html