يا جماعة لو سمحتوا عايز اعرف اخبار طريق الساحل ايه انا كنت ناوي اسافر الخميس بس في صديق ليا كلمني وبلغني ان احد اصدقائه تم تثبيته ع الطريق واخدوا منه العربية وكل حاجة كانت معاه ومع الناس اللي راكبة معاه ...انا بصراحة قلقت ومش عارف اخد قرار ياريت اللي عنده معلومة عن حالة الطريق يقولي وبرضه اللي يعرف ظروف طريق السخنة يبلغني شكرا
مفيش مشاكل منه بتاتا بس بلاش التوقف في الأماكن النائية منه
اما السفر عليه صبح او ليل مفيهوش مشكلة وربك بيسلمها
والدى كان فى السخنة الجمعة اللى فاتت راح و جيه فى نفس اليوم و مافيش مشاكل
انا بقالى حوالى شهر بطلع كل خميس بالليل و بنزل فجر الاحد
الطريق مفيهوش اى مشكله بس متقفش عليه لاى سبب فى الاماكن النائية غير كده غيارك الخامس و رجلك على البنزين و الرادارات مش شغاله عليه و طير و خلى بالك من الكام مطب الصغيرين الى عليه
و ربنا يستر طريقك و طريقنا ان شاء الله
ممكن تفاصيل اللى حصل مع صاحبك ونوع عربيته وحصل التثبيت ازاى؟
العين السخنه امان ولو مش غاوي بحر عندك موفنبيك الهرم أو مدينه الانتاج الاعلامي بالذات التاني ده فيه حراسه مشدده من الجيش والشرطه.
شوف بيقولك
عاملين فيه نظام جروبات بتتقابل عند البوابات و تطلع مع بعض سواء رايح او جاي
و شركه بيبسي عامله حمله من خلالهم برضه بتطلع مع الناس عربيه من الشركه و بتبقي مؤمنه و بيوزعوا هدايا و كده
Bey2ollak.com
انا لسه جاى الصبح من مطروح و الطريق زى الفل لو انت جاى من القاهره انزل اسكندريه و اطلع طريق الساحل امان كده عن طريق وادى النطرون
ربنا يسترها معانا جميعا.
ممكن حضرتك توصف لى طريق الساحل ده بالتفصيل عشان رايح مطروح يوم الجمعة؟اقتباس:
المشاركة الأصلية كتبت بواسطة aliabdo
تتوكل على الله وتطلع من القاهرة على الصحراوي كأنك رايح الاسكندرية عادي خالص
توصل بوابات اسكندرية وتعديها وتوصل لغاية ماكدونالدز (مدخل برج العرب) يسار
تلف وتدخله 10 دقايق وتوصل لميدان تدخل منه يمين ( الساحل الشمالي)
وصلة بين الملاحات بسيطة تعدي فيها على كارفور وتلاقي نفسك في طريق الساحل الشمالي
تاخد طريق الساحل ده بداية من قرية القوات المسلحة وتعدي على كل القرى السياحية (على يمينك هي والبحر) متجها غربا لغاية مرسى مطروح مرورا بالحمام والضبعة وراس الحكمة، وتوصل بالسلامة
أنصحك لو هتطلع الصبح يكون بدري عشان الشمس هتكون في كل الطريق في ظهرك وده أفضل من إنك تسافر آخر النهار هتكون في الوش.
متشكر جدا وكتر خيرك... هوده طريق سيدى كرير ؟اقتباس:
المشاركة الأصلية كتبت بواسطة benmatar
وهل الطريق ده أمان عن طريق العلمين وادى النطرون؟
التثبيت ده نصيب انت وحظك ربنا يسترها معاك بس عموما صحابي لاجئين عليه وبيقولوا مفيش قلق
ايوه هو ده طريق كرير و امان اكتر عشان عليها قرى كتير و عربيات و حركه و خدمات كتير غير وادى النطروناقتباس:
المشاركة الأصلية كتبت بواسطة محمد يوسف
انا سافرت الساحل الثلاثاء و رجعت النهاردة من طريق وادى النطرون ، الطريق زى الفل و زحمة بس الاحسن انك تسافر الصبح الطريق امان و مفيش ردار
اقتباس:
المشاركة الأصلية كتبت بواسطة hacker5
الموضوع عن طريق الساحل الشمالي مش السخنةاقتباس:
المشاركة الأصلية كتبت بواسطة ahmed_adham
ولا انا فهمت غلط ؟
هوه قلقان من طريق الساحل الشمالي فبنتكلم عن بدائل تانيه للمصيف تكون امان.اقتباس:
المشاركة الأصلية كتبت بواسطة nona_yaris
مدام قلقان بلاش
طب حد سمع عن أي قلق حصل على طريق السخنة الفترة اللي فاتت ؟
انا سافرت الخميس ورجعت النهاردة ...الطريق حلو ومفيهوش حاجة ..اللي عايز يسافر يتوكل ع الله
حمداللة على سلامتكاقتباس:
المشاركة الأصلية كتبت بواسطة hazemhany
ايوة كدة لو كل واحد خاف وقعد فى بيتة الدنيا مش هاتمشى
دعاء السفر كنز على الطريق
سافر مع جروبات بيقولك أو سافر الصبح و ماتقفش لأي حد و خليك حذر و عدائي فى السواقة مش دفاعي ..و لا ترتبك حتى لو حد وقفك بدون تفكير ماتنزلش و ارزع فيهم و اجري و لو معاك سلاح اضرب عليهم
انا راجعه علصحراوي كان ولا صلاح سالم الساعة 2 الضهر
سافرت الخميس بالليل و كان زحمه اسكندرية الصحراوى و وادى النطرون
و رجعت السبت بالليل بعد الحظر و كان الطريق فاضى و حلو و لوحدى