نزول أودي a3 سيدان 2014 الجديدة في مصر

**M I D O** · 13-09-2013 04:32 AM

المشاركة الأصلية كتبت بواسطة Ahmed TRAVCO

يعني يا جماعة محدش مستغرب من سعر الاوكتافيا وكله زعلان من سعر الاودي؟؟؟

انا طبعا لا معايا تمن دي ولا دي... ممكن في الخطة الالفية الجاية إن شاء الله... بس الحكاية ان اودي هي اودي... عربية رقم واحد في المانيا من فترة...

الحكاية مش فشخرة زي ما احد الزملاء قال... الاودي تتفوق تماما على الاوكتافيا والباسات اللي هو ذكرهم من حيث الاعتمادية وجودة التصنيع والامان والتعليق وكل شيء.... الاودي تتقارن بالمرسيدس والبي ام وتتفوق عليهم في احيان كتيرة... مش الاسكودا مع احترامي...

انا فاهم طبعا ان الاسعار استهبال... بس هوه ايه يعني اللي مش استهبال في البلد دي؟؟؟

وبعدين على فكرة... الجمارك اللي بيتم تحصيلها بتختلف على حسب صانع السيارة وبلد التصنيع... حتى لو سعة الموتور متساوية!!

مثلا الجاجوار xj اللي موتورها 3000سي سي هتلاقي جماركها اعلى من جمارك تويوتا لاندكروزر مثلا رغم ان موتور التويوتا اكبر على حد علمي... لان الجاجوار تاتي في ترتيب اعلى من التويوتا كتصنيف بيستخدموه في حساب الرسوم الجمركية...

وبالتالي... مينفعش علشان موتور الاودي هو هو موتور الاسكودا يبقوا ينزلوا بسعر واحد... علشان الاودي كماركة وصانع بتدفع رسوم اكبر من الاسكودا كماركة وصانع... زائد ان بلد المنشأ بتفرق برضه في التصنيف ده.... ناهيك عن ان العمالة في المانيا اغلى بكتير من العمالة التشيكية وده اللي بيخلي سعر الاودي اعلى (اقصد السعر الاصلي قبل الرسوم والجمارك والمستنقعات بتاعتنا)....

اتفق معاك تماما

**M I D O** · 13-09-2013 04:33 AM

المشاركة الأصلية كتبت بواسطة ahmed travco

واللي ياكد منطقي ده عربية زي التويوتا افينسيس... عربية مانيوال و1600 سي سي ومفيهاش اي حاجة على الورق تحسسك انها تتباع ب235000 جنيه وقت ما نزلت... وتيجي لعربية زي الكورولا اللي هي برضه تويوتا و1600 وفيها وسائل امان وكله تلاقيها كانت بتتباع ب170000 مثلا في نفس الفترة (والهايلاين كمان).. ببساطة لان الكورولا اما ياباني او جنوب افريقي والاتنين العمالة بتاعتهم لا تقترب ابدا من اجور العمالة البريطانية (لان الافينسيس تصنيع انجليزي بالكامل)...

كلامك سليم 100/100 ومثال اخر البيجو 301 تقفيل اسباني لو هية تقفيل بلادها فرنساوي هتلاقي تمنها عدي شوية

**Falcon.Crest** · 25-09-2013 08:00 PM

المشاركة الأصلية كتبت بواسطة horas3000

سعرها مش منطقي بصراحه
كده الفرق بينها و بين ال 316 و ال c180 في حدود ال 50 الف
و سيبك انها اغلي من الاوكتافيا و الباسات و دول ولاد عمها بس برضه اكبر منها و اعتقد اعلي تجهيزا
و دي فئه اقل و اصغر منهم
اومال ال a4 الجديده هتبقي بكام علي كده

من يومين جالي مكالمه من خدمه العملاء لاني كنت بسأل علي q3 المهم الموظف قالي طيب ما تفكر في a3 sedan طبعا انا انفجرت فيه قولت انهم بستهبلو ازاي ادفع 299 الف في عربيه في الفئه في حين انا ممكن اشتري a7 octavia or Volvo S60 OR Passat or BMW 316 OR C80
و كلهم فئه اعلي و سعر متساوي مع زيادات معقوله بس انا كسبت عربيات اعلي
و قولت ليه ان الي اشتغل علي سعر العربيه دي اكيد دماغه بتفكر بشكل مش كويس انا مش علشان الاربع حلقات ادفخ 50 الف زياده في العربيه و مفيش
اvalue for money
الغريبه انه قوالي اني مش اول واحد يعترض علي السعر و اكيد الشركه هاتشتغل علي الموضوع ده تاني

**Anxs111** · 27-09-2013 10:31 PM

السعر دة اشتغاله رسمي ...لأنه ببساطه المفروض كانت تنزل a4 بالموتور دة بس ١٤٠ حصان وبسعر حوالين ٣٠٠ ألف أو ٣١٠....
أما a3 فدي أخيرها تزيد ٢٥٠ لأنها في فئة الجولف....