هيا الي تتسرق عربيتو : أعزيه وأقولوا أيه ! { ٦ أكتوبر }

http://www.mstaml.com/imagesData/%E1...4423300013.jpg

. هيا الي تتسرق عربيتو : أعزيه وأقولوا أيه !
{ ٦ أكتوبر }

كما ورد في العنوان جاري المسكين مفيش يومين لقيتوا جاب عربية هونداي الاينترا ورخصها ... طبعاً انا زعلت واتدايقت. انوا ازاي يبيع عربية كورولا ويجيب هوندااي ازاي ... لقيت الحج بيقولي ده مسكين العربية الكورلا جابت وش سليندر طبعاً انا قلت. يالهوي الكورولا جابت وش سليندر ده ايه العالم دي الي بتشتري العربية ولا صيانة. ولا تشيك. ... المهم كنت عاوز اقولوا بلاش الالينترا الناس بتقول مفهاش امبوليزر وسهلة السرقة مفيش النهردة لقيت واحد بيقولي. معقول في عربية اتسرقت من قدام بيتكم قلتلوا احنا لا مفيش قال ازاي ده الشرطة جيت النهردة والحي كلو بيتكلم على العربية الي اتخدت من قدام بيتكم ... قلتلوا واللهي علمي علمك.
كلمت اخويا اكد لي الموضوع فعلاً عربيتوا الجديدة الزيروا اتسرقت

المهم دلوقتي لمن اشوف جاري اقولوا ايه. البقية في حياتك .. او شد حيلك. ... او شدة وتزول. ... ولا اقولوا حسبي الله ونعم الوكيل. ... هو انتا. بتقولوا ايه للي عربيتوا اتسرقت !!

الي يجنني انها مش اول عربية تتسرق في الحي ده برضو الينترا بيضة. بتاعت خلووده جاري اتسرقت وانا الي كنت فاكروا باعها. اتاريها مسروقه من. يومها لغايت النهردة !

والي يجنن اكتر ان العربية اتسرقت وفيه حظر تجوال. اومال لو مفيش حظررر كانت الحرمية عملت فينا ايه شلحيتنا هدومنا !!! هل الحظر كده وكده ولا الي سرق معاه وسطة وبيعدي عادي كده ولا ايه الموضوع !

انا بيني وبينكم مش مصدق ان العربية بتاعت الراجل اتسرقت معقول بالبساطة كده فجئة. بححح تختفي كده ... دي كانت واقفه امبارح بتلمع ولسه بشوكها بسم الله مشاء الله. ولا بسم الله مشاء الله ليه ما هي اتسرقت خلاص ... ياخسارة. بجد يا خسارة طيب الحرامي كان يسبهلوا على الاقل اسبوع ولا حتى يومين الراجل ينزل يفسح بالعربية مراتوا وعيالوا من نفسوا اهو يفرحوا بيها يومين على الاقل ... لا اله الا الله حسبي الله ونعم الوكيل
ربنا يصبر قلبوا ويعوض عليه قادر ياكريم وربنا يخليلنا ... ولا بلاش.
تصبحوا على خير وكل عربية مسروقه وانتوا بخير :)

@@@@@@@@@@
ومفيش مع تحياتي كمان
:(

هو الفُجر وصل انهم يسرقوا عربيه لسه زيرو

ايه هايبيعوها تانى ولا ايه

بس فى الحالة دى ممكن يشك فى المعرض الى اشتراهاه منه و يشك فى غبور نفسه

و جارك الى تتسرق منه العربيه قوله

الحمد لله انها جت على كده و ربنا يرجعهالك بالسلامه و فداك العربية المهم صحتك و صحة الاولاد كده يعنى

الأربعاء 29 شوال 1434 واللهي معاك حق يا اخي العزيز
يعني لو قلنا هيهربوها على غزة اهو. هدو كل الانفاق واساساً اساساً غزة دي حتت مدينة صغيرة قد الاسكندرية كده يعني لو شفناها على الخريطة هتلاقيها نقطة صغيرة. اسمها قطاع غزة ... وحتى لو قلنا الحرامية مصريين ١٠٠٪ ووطنين مبيطلعوش عربيات الوطن بره الوطن طيب واحد شاري عربية جديدة اكيد دفع دم قلبوا وسالف عليها. ياترى دول لو طلبوا فدية. صاحب العربية هيجبلهم منين !!

وبعدين في الاخبار المقلقه دي. الكلام ده في أي حي وأي مجاوره؟ وحصل النهارده ولا بقاله كام يوم؟

يا ساتر يا رب دنا لسه متفق مع واحد هقابلو يوم السبت على النترا 2013 انا بديت اقلق
ربنا يستر ويصبره وياخد الي سرقها ربنا يشتتهم ويورينا فيهم عجائب قدرته يا رب

ايه الحكاية ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!
ليا صديق ,, اتسرقت عربيته اخوه النترا 2013 برضة و ف 6 اكتوبر برضة
بجد بجد ربنا يكون ف عون اصحاب العربيات دى و يبدلهم باللى احسن منها .

[img3]http://img20.imageshack.us/img20/1158/yts0.jpg[/img3]

اختراق اوكار سرقة السيارات و فيديوهات حقيقيه اثناء سرقة السيارات

فين أسود الجيش وأشاوس الشرطة من هؤلاء المجرمين
اتفرجوا على الإرهاب الحقيقى
حسبنا الله ونعم الوكيل

https://www.facebook.com/photo.php?v=542049389175921

ربنا يستر

ربنا يعوض عليه
مفروض دي شكوه لحمايه المستهلك في غبور لعدم وجود وسائل حمايه داخل السياره

اقتباس:

---

المشاركة الأصلية كتبت بواسطة elawany13

اختراق اوكار سرقة السيارات و فيديوهات حقيقيه اثناء سرقة السيارات

فين أسود الجيش وأشاوس الشرطة من هؤلاء المجرمين
اتفرجوا على الإرهاب الحقيقى
حسبنا الله ونعم الوكيل

https://www.facebook.com/photo.php?v=542049389175921

---

حرام والله دة حتت دي عاوز دك بالطيارات

هو ياجدعان الواحد لو جاب ازاز واقي ضد رصاص وكسر في عربيتة بكام ؟

اقتباس:

---

المشاركة الأصلية كتبت بواسطة algazar2

هو الفُجر وصل انهم يسرقوا عربيه لسه زيرو

ايه هايبيعوها تانى ولا ايه

بس فى الحالة دى ممكن يشك فى المعرض الى اشتراهاه منه و يشك فى غبور نفسه

و جارك الى تتسرق منه العربيه قوله

الحمد لله انها جت على كده و ربنا يرجعهالك بالسلامه و فداك العربية المهم صحتك و صحة الاولاد كده يعنى

---

+1
المعرض اللي اشتري منه او حد من اللي شغالين فيه احتمال يكون ليهم دخل خاصه لو كان ساكن في العنوان اللي مكتوب في البطاقه خاصه و ان العربيه مفيهاش ايموبلايزر فسهل ان اي حد من اللي في المعرض يطلع علي المفتاح نسخه و معاه عنوان صاحب العربيه و بالنسبه لموضوع الحظر لو المعرض او الحرامي ساكن قريب منكم مش هيضطر يخرج لشارع رئيسي فيه كمين او ممكن يخبيها في اي مكان قريب و بعد الحظر يبقي يمشي براحته دي عالم مجرمه

الحمد لله قدر الله ماشاء فعل - اللهم اجرة في مصيبتة واخلفة خيرا منها

عربية في فئة 150 الف ومفهاش ايمو بلايز والله الغلط علي الي اشتراها

لا حول و لا قوة الا بالله ..ربنا يصبره !

اقتباس:

---

المشاركة الأصلية كتبت بواسطة elawany13

[size=5]

فين أسود الجيش وأشاوس الشرطة من هؤلاء المجرمين
اتفرجوا على الإرهاب الحقيقى
حسبنا الله ونعم الوكيل

---

والله هو تكاثرت الاقاويل عن الاشاوس دول
وبصراحه انا بقالي 5 دقائق مش عارف ارد اقوللك هما فين
وهل الناس اللي اتحرقت في رابعه (مثلا) اخطر علينا من الاشكال الوسخه دي ؟؟؟
مع العلم
ان كل دول مسجلين ومعروفين بالاسم
حسبي الله ونعم الوكيل

اقتباس:

---

المشاركة الأصلية كتبت بواسطة mohamed hussei

حرام والله دة حتت دي عاوز دك بالطيارات

---

اقتباس:

---

المشاركة الأصلية كتبت بواسطة abdulkhaleq

والله هو تكاثرت الاقاويل عن الاشاوس دول
وبصراحه انا بقالي 5 دقائق مش عارف ارد اقوللك هما فين
وهل الناس اللي اتحرقت في رابعه (مثلا) اخطر علينا من الاشكال الوسخه دي ؟؟؟
مع العلم
ان كل دول مسجلين ومعروفين بالاسم
حسبي الله ونعم الوكيل

---

امبراطوريات من الإجرام والبلطجة والمخدرات والسرقة وكل الموبقات
ومعروفين كويس جدا
ومعروف أماكنهم وأماكن السيارات المسروقة والمتقطعة
وتحت سمع وبصر الناس كلها والإعلام والداخلية والحكومة والرئاسة
ومتسابين كده يعملوا اللى هما عايزينه
مليون ألف علامة استفهام وتعجب !!!

اقتباس:

---

المشاركة الأصلية كتبت بواسطة mohamed hussei

هو ياجدعان الواحد لو جاب ازاز واقي ضد رصاص وكسر في عربيتة بكام ؟

---

الموضوع مكلف جدا ومش بالسهولة ديه
ومش اى عربية تقدر تعدلها وتخليها مصفحة
شوف الفيلم ده وانت تعرف

http://www.nilemotors.net/Nile/30765...post3874514488

هو موضوع الأيموبيليزر ده مهم ؟؟ انا بحس انه مش فارقه والحرامى دلوقتى يدور اى عربيه عادى

اقتباس:

---

المشاركة الأصلية كتبت بواسطة y a r i s

http://www.mstaml.com/imagesdata/%e1...4423300013.jpg

. هيا الي تتسرق عربيتو : أعزيه وأقولوا أيه !
{ ٦ أكتوبر }

كما ورد في العنوان جاري المسكين مفيش يومين لقيتوا جاب عربية هونداي الاينترا ورخصها ... طبعاً انا زعلت واتدايقت. انوا ازاي يبيع عربية كورولا ويجيب هوندااي ازاي ... لقيت الحج بيقولي ده مسكين العربية الكورلا جابت وش سليندر طبعاً انا قلت. يالهوي الكورولا جابت وش سليندر ده ايه العالم دي الي بتشتري العربية ولا صيانة. ولا تشيك. ... المهم كنت عاوز اقولوا بلاش الالينترا الناس بتقول مفهاش امبوليزر وسهلة السرقة مفيش النهردة لقيت واحد بيقولي. معقول في عربية اتسرقت من قدام بيتكم قلتلوا احنا لا مفيش قال ازاي ده الشرطة جيت النهردة والحي كلو بيتكلم على العربية الي اتخدت من قدام بيتكم ... قلتلوا واللهي علمي علمك.
كلمت اخويا اكد لي الموضوع فعلاً عربيتوا الجديدة الزيروا اتسرقت

المهم دلوقتي لمن اشوف جاري اقولوا ايه. البقية في حياتك .. او شد حيلك. ... او شدة وتزول. ... ولا اقولوا حسبي الله ونعم الوكيل. ... هو انتا. بتقولوا ايه للي عربيتوا اتسرقت !!

الي يجنني انها مش اول عربية تتسرق في الحي ده برضو الينترا بيضة. بتاعت خلووده جاري اتسرقت وانا الي كنت فاكروا باعها. اتاريها مسروقه من. يومها لغايت النهردة !

والي يجنن اكتر ان العربية اتسرقت وفيه حظر تجوال. اومال لو مفيش حظررر كانت الحرمية عملت فينا ايه شلحيتنا هدومنا !!! هل الحظر كده وكده ولا الي سرق معاه وسطة وبيعدي عادي كده ولا ايه الموضوع !

انا بيني وبينكم مش مصدق ان العربية بتاعت الراجل اتسرقت معقول بالبساطة كده فجئة. بححح تختفي كده ... دي كانت واقفه امبارح بتلمع ولسه بشوكها بسم الله مشاء الله. ولا بسم الله مشاء الله ليه ما هي اتسرقت خلاص ... ياخسارة. بجد يا خسارة طيب الحرامي كان يسبهلوا على الاقل اسبوع ولا حتى يومين الراجل ينزل يفسح بالعربية مراتوا وعيالوا من نفسوا اهو يفرحوا بيها يومين على الاقل ... لا اله الا الله حسبي الله ونعم الوكيل
ربنا يصبر قلبوا ويعوض عليه قادر ياكريم وربنا يخليلنا ... ولا بلاش.
تصبحوا على خير وكل عربية مسروقه وانتوا بخير :)

@@@@@@@@@@
ومفيش مع تحياتي كمان
:(

---

تقوله : الله جاب الله أخذ الله عليه العوض .

اقتباس:

---

المشاركة الأصلية كتبت بواسطة ahmed_adham

وبعدين في الاخبار المقلقه دي. الكلام ده في أي حي وأي مجاوره؟ وحصل النهارده ولا بقاله كام يوم؟

---

هو مجاورة اولى بس انهي حي مقدرش اقول علشان الانترنيت وكده :)

طيب هو العربية الهونداي الار بي. الي عندي دي فيها اموبلايزر ولا مفهاش !!!

اقتباس:

---

المشاركة الأصلية كتبت بواسطة Y a r i s

طيب هو العربية الهونداي الار بي. الي عندي دي فيها اموبلايزر ولا مفهاش !!!

---

هوه انت عندك هيونداي ولا ياريس؟ :Oc_sun1[1]: وده كله وأنا فاكرك ياريس من الاسم وكمان كاتب عمده الياباني والتيوتا. ولا كان عندك وغيرت؟

متهيألي الاكسنت مفيهاش لأن الالنترا مكنش بيبقى فيها الا الهاي لاين بس. بس متهيألي الموديلات الجديده بقى فيها في كل الفئات.

اقتباس:

---

المشاركة الأصلية كتبت بواسطة mohamed hussei

هو ياجدعان الواحد لو جاب ازاز واقي ضد رصاص وكسر في عربيتة بكام ؟

---

للأسف مافيش الكلام ده, لأن التصفيح مش للزجاج بس الرصاص ممكن يخترق الصاج عادي
عشان كده يظل أسلم حل انك تديهاله للأسف ربنا يبعدهم عنك يعني

اقتباس:

---

المشاركة الأصلية كتبت بواسطة m_marwan

هو موضوع الأيموبيليزر ده مهم ؟؟ انا بحس انه مش فارقه والحرامى دلوقتى يدور اى عربيه عادى

---

لو العربيه مركونه مش دايره ووقف على دماغه مش هتدور
الحمد لله ان الحراميه عندنا لسه على قدهم برضه

برضه سمعت النهاردة فى الراديو واحدة بتتصل عربيتها اتسرقت النترا 2013 من التجمع الخامس وبتقول فى كذا عربية اتسرقت من التجمع
ربنا يستر على الكل

اقتباس:

---

المشاركة الأصلية كتبت بواسطة abdulkhaleq

للأسف مافيش الكلام ده, لأن التصفيح مش للزجاج بس الرصاص ممكن يخترق الصاج عادي
عشان كده يظل أسلم حل انك تديهاله للأسف ربنا يبعدهم عنك يعني

---

صاج هيحجب 80 في مية من ضرر رصاصة حتة لو عديت من صاج مش هتبئا بنفس قوة كسر للزجاج

اقتباس:

---

المشاركة الأصلية كتبت بواسطة ahmed_adham

هوه انت عندك هيونداي ولا ياريس؟ :oc_sun1[1]: وده كله وأنا فاكرك ياريس من الاسم وكمان كاتب عمده الياباني والتيوتا. ولا كان عندك وغيرت؟

متهيألي الاكسنت مفيهاش لأن الالنترا مكنش بيبقى فيها الا الهاي لاين بس. بس متهيألي الموديلات الجديده بقى فيها في كل الفئات.

---

لا انا عندي يارس كده قديمة مهكعه على قدي .... وانا اقدر اسوق. حاجة تانية :)

ربنا يعوضه خير
وترجع ان شاء الله

النهاردة الصبح كان في واحدة بتتكلم على راديو مصر بتقول ان عربيتها اتسرقت وفي عندهم في التجمع (في الشوارع اللي حواليها بس) .. 8 عربيات النترا اتسرقوا برضه.

ربنا يبدله خير منها ويعوض عليه بالخير

ربنا يعوض عليه و يردهاله ان شاء الله