أنا بصراحه مش هاضم فكره بلوتوث العربيه واني لما أكون بكلم حد في التليفون يبقى الصوت عالي كده وأي حد راكب معايا يسمع المكالمه والعربيه داخله معايا على سنتين يادوب جربت البلوتوث ده مره واحده وبعدها مكررتهاش تاني لأني كده كده بستعمل سماعه بلوتوث ولقيت ان الخصوصيه أحسن لما الواحد يتكلم في سماعه على ودنه.

مين بيستخدم بلوتوث العربيه في المكالمات؟ وهل مبتلاقيش حرج لما يجيلك مكالمه من المدام مثلا وفيه حد معاك زي زميل شغل مثلا في العربيه أو العكس؟

واللي مش بيستخدمه ايه السبب هل للخصوصيه زي حالاتي كده ولا ايه؟

برجاء التصويت لحصر شعبيه الميزه دي اللي بقت نازله في كل العربيات تقريبا.