عيب سماعات ولا كاسيت ؟؟؟؟؟؟

**M.A.R.K** · 04-09-2013 06:05 AM

انا جبت سماعتين بايونيير 400 وات و جربتهم لقيت صوت سماعات العربية انضف منهم روحت رجعتهم و جبت اتنين غيرهم لقيتهم نفس المشكلة ليـــــــــه بأه ؟؟؟؟؟؟

هى العربية اسبيرانزا و الكاسيت تقريبا كلاريون

هل انا بوصلهم غلط ؟؟؟؟
انا شلت الكبل اللى راكب فى السماعة اللى ورا اللى هى بتاعة العربية و روحت مركبه فى السماعة الجديدة

ماعملتش بيز خاااااااالص مع انها كانت بتنبض جامد جدا و الصوت كان واطى و سماعة العربية فعلا كان صوتها انضف

ايه السبب ؟؟؟؟؟؟

شكرااا

**loshabih** · 05-09-2013 07:52 PM

الاسلاااااااك معكوسه الموجب راكب مكان السالب لو سماعه واجده فيها كده هتبوظ الباقي

**rotanamasoud** · 05-09-2013 10:27 PM

طبعا الصوت حيكون وحش ومفيش اى بيز لانه ببساطه السماعه شغاله من غير صندوق ومتقدرش تحكم على السماعه من غير الصندوق عشان كده سمعات العربيه عامله صوت افضل(صندوقهم الشنطه)

**M.A.R.K** · 06-09-2013 06:19 AM

اولا انا متشكر يا جماعة على اهتمامكم
ثانيا انا كان عندى سؤال .... انا دلوقتى حطيتهم جوه بوكس لوحدهم و فعلا الصوت فرق جدااااااااا و البيز كمان بقى كويس بس المفروض اعمل فتحة فى الصندوق للبيز ولا مش ضرورى؟؟؟؟؟
لان البوكس متقفل كله السماعات بس هى اللى باينة منه

**rotanamasoud** · 06-09-2013 12:11 PM

الافضل فتحه مناسبه وحاول تتفرج على صناديق على النت وتشوف تصميم فتحه مدروس عشان يديك افضل صوت

**Fo1Fo** · 06-09-2013 01:24 PM

المشاركة الأصلية كتبت بواسطة loshabih

الاسلاااااااك معكوسه الموجب راكب مكان السالب لو سماعه واجده فيها كده هتبوظ الباقي

كلام سليم أهم حاجه فى توصيل السماعات هوالخرج السالب من النظام الصوتى يوصل مع الدخل السالب فى السماعه وكذلك الخرج الموجب وهذا فى جميع السماعات لأن عكس الأطراف فى أحدى السماعات سيحدث (اخفاق صوتى ) بمعنى تداخل سلبى للموجات الصوتيه يضعف بعضها بعضا وها يضيع البيز ويضعف الصوت ( دون التأثير على ميكانيكا وكهرباء السماعه ) وممكن تجرب الموضوع ده بأن تعكس احد اطراف السلك لأحدى السماعات هاتلاقى يأما الصوت يتحسن (ده معناه انك كنت موصل غلط ) او ان الصوت يخفق (ده معناه انك كنت موصل صح ) اما موضوع الصندوق الصوتى للسماعه لزياده البيز رأى أن أحسن صندوق صوتى هو شنطه العربيه نفسها